19.12C Vancouver 19.12C VancouverJan 7, 2025 5:16 PM - The Canadian Press
ਫਰਾਂਸ ਸੱਜੇ-ਪੱਖੀ ਨੇਤਾ ਅਤੇ ਨੈਸ਼ਨਲ ਫਰੰਟ ਪਾਰਟੀ ਦੇ ਸੰਸਥਾਪਕ ਜੀਨ-ਮੈਰੀ ਲੇ ਪੇਨ ਦਾ 96 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ ਹੈ। ਉਹ ਆਪਣੀ ਸਖ਼ਤ ਇਮੀਗ੍ਰੇਸ਼ਨ ਨੀਤੀ ਅਤੇ ਬਹੁ-ਸੱਭਿਆਚਾਰਵਾਦ ਵਿਰੁੱਧ ਬਿਆਨਬਾਜ਼ੀ ਲਈ ਸੁਰਖੀਆਂ ਵਿੱਚ ਸੀ। ਇਨ੍ਹਾਂ ਕਾਰਨ ਉਨ੍ਹਾਂ ਨੂੰ ਆਲੋਚਕਾਂ ਦੇ ਨਾਲ-ਨਾਲ ਸਮਰਥਕਾਂ ਦੀ ਵੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ।
ਲੇ ਪੇਨ ਦਾ ਸਿਆਸੀ ਕਰੀਅਰ ਵਿਵਾਦਾਂ ਨਾਲ ਭਰਿਆ ਰਿਹਾ। ਉਨ੍ਹਾਂ ਦੇ ਕਈ ਬਿਆਨਾਂ ਕਾਰਨ ਉਨ੍ਹਾਂ ਨੂੰ ਵਾਰ-ਵਾਰ ਕਾਨੂੰਨੀ ਸਜ਼ਾਵਾਂ ਅਤੇ ਸਿਆਸੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ। ਉਸ ਨੇ 2002 ਦੀਆਂ ਰਾਸ਼ਟਰਪਤੀ ਚੋਣਾਂ ਦੇ ਦੂਜੇ ਗੇੜ ਵਿੱਚ ਜਗ੍ਹਾ ਬਣਾਈ। ਪਰ ਉਸ ਦਾ ਆਪਣੀ ਧੀ ਨਾਲ ਰਿਸ਼ਤਾ ਵਿਗੜ ਗਿਆ ਸੀ। ਮਰੀਨ ਨੇ ਆਪਣੀ ਪਾਰਟੀ ਦਾ ਨਾਂ ਬਦਲ ਕੇ ‘ਨੈਸ਼ਨਲ ਰੈਲੀ’ ਰੱਖ ਦਿੱਤਾ ਅਤੇ ਫਿਰ ਇਸ ਨੂੰ ਫਰਾਂਸ ਦੀ ਸਭ ਤੋਂ ਤਾਕਤਵਰ ਸਿਆਸੀ ਪਾਰਟੀ ਬਣਾ ਦਿੱਤਾ।
‘ਨੈਸ਼ਨਲ ਰੈਲੀ’ ਪਾਰਟੀ ਦੇ ਪ੍ਰਧਾਨ ਜਾਰਡਨ ਬਾਰਡੇਲਾ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ’ਤੇ ਲੇ ਪੇਨ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ ਹਾਲਾਂਕਿ, ਬਾਰਡੇਲਾ ਨੇ ਇਹ ਵੀ ਕਿਹਾ ਕਿ ਪਾਰਟੀ ਨੇ ਆਪਣੇ ਸੰਸਥਾਪਕ ਦੇ ਕੱਟੜਪੰਥੀ ਅਤੀਤ ਤੋਂ ਦੂਰ ਇੱਕ ਨਵੀਂ ਦਿਸ਼ਾ ਚੁਣੀ ਹੈ। ਬਾਰਡੇਲਾ ਨੇ ਮਰੀਨ ਅਤੇ ਉਸ ਦੇ ਪਰਿਵਾਰ ਨਾਲ ਹਮਦਰਦੀ ਪ੍ਰਗਟ ਕੀਤੀ।
