16.5C Vancouver 16.5C VancouverAug 26, 2022 12:35 AM - Connect News
ਇੱਕ ਪਾਸੇ ਮੇਅਰ ਮੈਕੱਲਮ ਅਤੇ ਉਨ੍ਹਾਂ ਦੀ ਟੀਮ 60,000 ਦੀ ਕਪੈਸਿਟੀ ਵਾਲੇ ਸਟੇਡੀਅਮ ਦਾ ਪ੍ਰਚਾਰ ਕਰਦੇ ਨਹੀਂ ਥੱਕ ਰਹੇ ਪਰ ਦੂਜੇ ਪਾਸੇ ਸਰੀ ਫੌਰਵਰਡ ਦੀ ਮੇਅਰਲ ਦੌੜ ਦੀ ਦਾਵੇਦਾਰ ਜਿਨੀ ਸਿਮਸ ਨੇ ਇਸ 'ਤੇ ਸਵਾਲ ਚੁੱਕੇ ਹਨ।
ਜਿਨੀ ਸਿਮਸ ਨੇ ਕਿਹਾ ਕਿ ਸਰੀ ਦੇ ਟੈਕਸਪੇਅਰ ਡੱਗ ਮੈਕੱਲਮ ਦੇ ਇਸ ਪ੍ਰੈਕਟਿਕੈਲਿਟੀ ਤੋਂ ਬਾਹਰ ਦੇ ਸੁਫਨੇ ਲਈ ਪੈਸਾ ਨਹੀਂ ਭਰ ਸਕਦੇ।
ਉਨ੍ਹਾਂ ਕਿਹਾ ਕਿ ਸਰੀ ਨਿਵਾਸੀ ਤਾਂ ਪਹਿਲਾਂ ਹੀ ਸਰੀ ਪੁਲਿਸ ਸਰਵਿਸ ਲਈ $1,000 ਦੀ ਭਰਪਾਈ ਕਰ ਰਹੇ ਹਨ।
ਉਨ੍ਹਾਂ ਪੁੱਛਿਆ ਆਖਿਰ ਇਸ ਸਟੇਡੀਅਮ 'ਚ ਖੇਡੇਗਾ ਕੌਣ, ਬੀ.ਸੀ. ਲਾਇਨਸ ਖੇਡਣਗੇ ਜਾਂ ਵਾਈਟਕੈਪਸ ਖੇਡਣਗੇ?
ਉਨ੍ਹਾਂ ਕਿਹਾ ਕਿ ਜੇਕਰ ਵੇਖੇ ਜਾ ਰਹੇ ਸੁਫਨੇ ਪੂਰੇ ਵੀ ਹੋ ਜਾਣ ਤਾਂ 60,000 ਸੀਟਾਂ ਕਿਵੇਂ ਭਰੀਆਂ ਜਾਣਗੀਆਂ।
ਉਨ੍ਹਾਂ ਕਿਹਾ ਕਿ ਸਰੀ ਦੇ ਬੱਚਿਆਂ ਅਤੇ ਵੱਡਿਆਂ ਲਈ ਫੈਸਿਲਿਟੀਸ ਦੀ ਲੋੜ ਹੈ ਪਰ ਜਿੰਨੀ ਲਾਗਤ 'ਚ ਇਹ ਸਟੇਡੀਅਮ ਬਣੇਗਾ, ਉਸ 'ਚ ਕਿੰਨੇ ਹੌਕੀ ਰਿੰਕ ਜਾਂ ਕ੍ਰਿਕਟ, ਪਿਕਲਬਾਲ, ਹੌਕੀ, ਬੇਸਬਾਲ, ਫੁੱਟਬਾਲ, ਸੌਕਰ ਜਾਂ ਹੋਰ ਖੇਡਾਂ ਅਤੇ ਆਰਟਸ ਸੰਬੰਧੀ ਇੰਫ੍ਰਾਸਟਰਕਚਰ ਤਿਆਰ ਹੋ ਸਕਦਾ ਹੈ।
ਉੱਧਰ ਸਰੀ ਫਰਸਟ ਦੇ ਮੇਅਰਲ ਉਮੀਦਵਾਰ ਗੋਰਡੀ ਹੌਗ ਨੇ ਮੈਕੱਲਮ ਦੇ ਇਸ ਪ੍ਰੋਜੈਕਟ ਨੂੰ ਚਿੱਟਾ ਹਾਥੀ ਦੱਸਿਆ।
