14.57C Vancouver 14.57C VancouverOct 22, 2020 2:53 AM -
ਬੀ.ਸੀ. ਐਨ.ਡੀ.ਪੀ. ਲੀਡਰ ਜੌਨ ਹੌਰਗਨ ਅੱਜ ਉਨ੍ਹਾਂ ਰਾਈਡਿੰਗਸ 'ਚ ਪ੍ਰਚਾਰ ਕਰ ਰਹੇ ਹਨ, ਜਿੱਥੇ ਬੀ.ਸੀ. ਲਿਬਰਲਸ ਇਤਿਹਾਸ 'ਚ ਚੰਗਾ ਪ੍ਰਦਰਸ਼ਨ ਕਰਦੇ ਰਹੇ ਹਨ।
ਅੱਜ ਹੌਰਗਨ ਪਹਿਲਾਂ ਲੈਂਗਲੀ ਪਹੁੰਚੇ ਅਤੇ ਫਿਰ ਉਹ ਐਬਟਸਫੋਰਡ ਪਹੁੰਚ ਰਹੇ ਸਨ।
ਲੈਂਗਲੀ 'ਚ ਉਨ੍ਹਾਂ ਕਿਹਾ ਕਿ ਸੱਤਾ 'ਚ ਸਾਢੇ ਤਿੰਨ ਸਾਲ ਕੰਮ ਕਰਨ ਤੋਂ ਬਾਅਦ, ਲੋਕ ਐਨ.ਡੀ.ਪੀ. ਨੂੰ ਵੱਖਰੇ ਢੰਗ ਨਾਲ ਵੇਖ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਇਸ ਦੀ ਵਜ੍ਹਾ ਹੈ ਕਿ ਲੋਕ ਵੇਖ ਸਕਦੇ ਹਨ ਕਿ ਇਹ ਪਾਰਟੀ ਬੁਕਸ ਨੂੰ ਵੀ ਬੈਲੈਂਸ ਕਰ ਸਕਦੀ ਹੈ ਅਤੇ ਵਿੱਤੀ ਵਾਧੇ ਨੂੰ ਵੀ ਵਧਾ ਸਕਦੀ ਹੈ।
ਐਨ.ਡੀ.ਪੀ. ਨੇ ਸੋਨੀਆ ਫਰਸਟੇਨਾਊ ਦੀ ਰਾਈਡਿੰਗ, ਕੋਵਿਚਾਨ ਵੈਲੀ 'ਚ ਵੀ ਅੱਗੇ ਵਧਣ ਦੀ ਕੋਸ਼ਿਸ਼ ਕੀਤੀ ਹੈ, ਜਿੱਥੇ ਹਾਲ 'ਚ ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਪਹੁੰਚ ਕੀਤੀ ਸੀ।
ਅੱਜ ਬੀ.ਸੀ. ਗ੍ਰੀਨ ਪਾਰਟੀ ਲੀਡਰ, ਸੋਨੀਆ ਫਰਸਟੇਨਾਊ ਦਾ ਕਹਿਣਾ ਸੀ ਕਿ, ਉਨ੍ਹਾਂ ਦੀ ਪਾਰਟੀ ਨੇ ਹਾਲ 'ਚ ਡੋਨੇਸ਼ਨਾਂ ਦੇ ਮਾਮਲੇ 'ਚ ਰਿਕਾਰਡ ਸਥਾਪਿਤ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਇਹ ਪ੍ਰਮਾਣ ਹੈ ਕਿ ਪਾਰਟੀ ਦਾ ਮੋਮੈਂਟਮ ਚੰਗਾ ਹੈ।
ਸੋਨੀਆ ਫਰਸਟੇਨਾਊ ਅੱਜ ਆਪਣੀ ਘਰੇਲੂ ਰਾਈਡਿੰਗ ਕੋਵਿਚਾਨ ਵੈਲੀ 'ਚ ਪ੍ਰਚਾਰ ਕਰ ਰਹੀ ਸਨ, ਅਤੇ ਉਨ੍ਹਾਂ ਕਿਹਾ ਕਿ ਚੋਣਾਂ ਤੱਕ ਹੁਣ ਉਹ ਵਧੇਰੇ ਸਮਾਂ ਆਪਣੇ ਰਾਈਡਿੰਗ 'ਚ ਹੀ ਪ੍ਰਚਾਰ ਕਰਨ ਵਾਲੀ ਹਨ।
ਲਿਬਰਲ ਲੀਡਰ ਐਂਡਰਿਊ ਵਿਲਕਿੰਸਨ ਅੱਜ ਡੈਲਟਾ ਪਹੁੰਚੇ ਸਨ।
ਉਨ੍ਹਾਂ ਇਸ ਮੌਕੇ ਮੈਸੀ ਟਨਲ ਨੂੰ ਬਦਲਣ, ਅਤੇ 10 ਲੇਨਾਂ ਵਾਲੇ ਪੁਲ ਦੀ ਸਥਾਪਨਾ ਕਰਨ ਦੇ ਵਾਅਦੇ ਨੂੰ ਦੋਹਰਾਇਆ।
ਉਨ੍ਹਾਂ ਇਹ ਵੀ ਕਿਹਾ ਕਿ ਸੂਬੇ 'ਚ 200 ਹੋਰ ਪੁਲਿਸ ਅਫ਼ਸਰਾਂ ਦੀ ਨਿਯੁਕਤੀ ਕੀਤੀ ਜਾਵੇਗੀ।
