11.71C Vancouver 11.71C VancouverJan 29, 2021 4:27 PM -
‘ਜੌਹਨਸਨ ਐਂਡ ਜੌਹਨਸਨ’ ਵੱਲੋਂ ਆਪਣੇ ਵੈਕਸੀਨ ਦਾ ਪਰੀਖਣ 8 ਮੁਲਕਾਂ ਵਿੱਚ ਕਰਨ ਤੋਂ ਬਾਅਦ ਕੰਪਨੀ ਅਨੁਸਾਰ ਇਹ ਨਤੀਜਾ ਸਾਹਮਣੇ ਆਇਆ ਹੈ ਕਿ ਇਹ ਟੀਕਾ ਗੰਭੀਰ ਲੱਛਣਾਂ ਤੋਂ ਬਚਾਅ ਵਿੱਚ 85 ਫ਼ੀਸਦੀ ਪ੍ਰਭਾਵਸ਼ਾਲੀ ਹੈ।
ਫਾਈਜ਼ਰ ਬਾਇਓ-ਐਨ ਟੈੱਕ ਅਤੇ ਮੋਡਰਨਾ ਦੇ ਟੀਕੇ ਜਿੱਥੇ ਦੋ ਖੁਰਾਕਾਂ ਵਿੱਚ ਦਿੱਤੇ ਜਾਂਦੇ ਹਨ, ਉੱਥੇ ਹੀ ਜੌਹਨਸਨ ਐਂਡ ਜੌਹਨਸਨ ਦੇ ਇਸ ਟੀਕੇ ਨੂੰ ਇੱਕੋ ਖੁਰਾਕ ਵਿਚ ਦਿੱਤਾ ਜਾਵੇਗਾ।
ਵੈਕਸੀਨ ਦੇ ਨਤੀਜੇ ਸਾਊਥ ਅਫ਼ਰੀਕਾ ਵਿੱਚ ਵਾਇਰਸ ਦੇ ਨਵੇਂ ਗੰਭੀਰ ਰੂਪਾਂਤਰ ਖ਼ਿਲਾਫ਼ ਓਨੇ ਅਸਰਦਾਰ ਨਹੀਂ ਸਨ, ਜਿੰਨੇ ਕਿ ਅਮਰੀਕਾ ਦੇ ਵਿੱਚ ਸਨ।
ਫਾਈਜ਼ਰ ਬਾਇਓ-ਐਨ ਟੈੱਕ ਵੈਕਸੀਨ ਵਾਂਗ ਇਸ ਟੀਕੇ ਦੀਆਂ ਕੋਈ ਵਿਸ਼ੇਸ਼ ਸਟੋਰੇਜ ਜ਼ਰੂਰਤਾਂ ਨਹੀਂ ਹਨ ਅਤੇ ਇਸ ਨੂੰ 3 ਮਹੀਨੇ ਤੱਕ ਫਰਿਜ ਵਿੱਚ ਰੱਖਿਆ ਜਾ ਸਕਦਾ ਹੈ।
ਫੈਡਰਲ ਸਰਕਾਰ ਵਲੋਂ ਇਨ੍ਹਾਂ ਟੀਕਿਆਂ ਦੀਆਂ 10 ਮਿਲੀਅਨ ਖੁਰਾਕਾਂ ਖ਼ਰਦੀਆਂ ਜਾ ਚੁੱਕੀਆਂ ਹਨ ਪਰ ਇਸ ਦੀ ਹੈਲਥ ਕੈਨੇਡਾ ਦੁਆਰਾ ਹਾਲੇ ਪੜ੍ਹਚੋਲ ਕੀਤੀ ਜਾ ਰਹੀ ਹੈ।
ਮਨਜ਼ੂਰੀ ਕਦੋਂ ਆਵੇਗੀ ਜਾਂ ਇਹ ਟੀਕਾ ਕੈਨੇਡਾ ਵਿੱਚ ਵਰਤੋਂ ਲਈ ਕਦੋਂ ਤਿਆਰ ਹੋਵੇਗਾ, ਇਸ ਬਾਰੇ ਅਜੇ ਕੋਈ ਪੁਸ਼ਟੀ ਨਹੀਂ ਕੀਤੀ ਗਈ।
