12.12C Vancouver 12.12C VancouverNov 18, 2025 6:43 PM - Connect Newsroom - Jasmine Singh with files from The Canadian Press
ਕੈਨੇਡਾ ਸਵੀਡਿਸ਼ ਡਿਫੈਂਸ ਕੰਪਨੀ ਸਾਬ ਤੋਂ ਗ੍ਰਿਪੇਨ ਫਾਈਟਰ ਜੈੱਟ ਖਰੀਦਣ ਦਾ ਵਿਚਾਰ ਕਰ ਸਕਦਾ ਹੈ। ਇੰਡਸਟਰੀ ਮਿਨਿਸਟਰ ਮੇਲਾਨੀ ਜੋਲੀ ਨੇ ਮੰਗਲਵਾਰ ਨੂੰ ਇੱਕ ਟਿੱਪਣੀ ਵਿਚ ਕਿਹਾ ਕਿ ਅਮਰੀਕੀ ਫਰਮ ਲਾਕਹੀਡ ਮਾਰਟਿਨ ਤੋਂ ਐਫ-35 ਫਾਈਟਰ ਜੈੱਟ ਦੀ ਡੀਲਸ ਨਾਲ ਲੋੜੀਂਦੇ ਉਦਯੋਗਿਕ ਲਾਭ ਅਤੇ ਜੌਬਸ ਨਹੀਂ ਮਿਲੇ ਹਨ। ਜੋਲੀ ਨੇ ਕਿਹਾ ਕਿ ਅਸੀਂ ਇੱਕੋ-ਸਮੇਂ ਦੋਵੇਂ ਫਰਮਾਂ 'ਤੇ ਵਿਚਾਰ ਕਰ ਰਹੇ ਹਾਂ।
ਉਨ੍ਹਾਂ ਕਿਹਾ ਕਿ ਸਵੀਡਿਸ਼ ਡਿਫੈਂਸ ਕੰਪਨੀ ਕੈਨੇਡਾ ਵਿਚ ਪ੍ਰੋਡਕਸ਼ਨ ਦੀ ਪੇਸ਼ਕਸ਼ ਕਰ ਰਹੀ ਹੈ, ਜਿਸ ਨਾਲ ਇੱਥੇ 10,000 ਨੌਕਰੀਆਂ ਪੈਦਾ ਹੋ ਸਕਦੀਆਂ ਹਨ ਪਰ ਫੈਡਰਲ ਸਰਕਾਰ ਨੂੰ ਇਸ ਬਾਰੇ ਅਜੇ ਦੇਖਣਾ ਹੋਵੇਗਾ। ਜੋਲੀ ਨੇ ਕਿਹਾ ਕਿ ਇਹ ਗੱਲ ਜ਼ਰੂਰ ਹੈ ਕਿ ਅਮਰੀਕੀ ਫਰਮ ਤੋਂ ਐਫ-35 ਲਈ ਇਕਰਾਰਨਾਮੇ ਤੋਂ ਸਾਡੇ ਕਾਫ਼ੀ ਨੌਕਰੀਆਂ ਪੈਦਾ ਨਹੀਂ ਹੋਈਆਂ ਅਤੇ ਨਾ ਉਦਯੋਗਿਕ ਲਾਭ ਹੋਏ ਹਨ।
ਉਨ੍ਹਾਂ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਸਾਨੂੰ ਇਸ ਡੀਲਸ ਤੋਂ ਹੋਰ ਲਾਭ ਮਿਲਣਾ ਚਾਹੀਦਾ ਹੈ। ਗੌਰਤਲਬ ਹੈ ਕਿ ਅਮਰੀਕਾ ਨਾਲ ਵਪਾਰਕ ਤਣਾਅ ਅਤੇ ਵਧਦੀ ਲਾਗਤ ਕਾਰਨ ਕੈਨੇਡਾ ਐਫ-35 ਫਾਈਟਰ ਜੈੱਟ ਲਈ ਡੀਲਸ ਦਾ ਰਿਵਿਊ ਕਰ ਰਿਹਾ ਹੈ। ਸਰਕਾਰ ਦਾ ਕਹਿਣਾ ਹੈ ਕਿ ਕੈਨੇਡਾ ਕੰਟਰੈਕਟ ਦੇ ਹਿੱਸੇ ਵਜੋਂ ਪਹਿਲੇ 16 ਐਫ-35ਐਸ ਖਰੀਦਣ ਲਈ ਹੀ ਵਚਨਬੱਧ, ਜੋ ਮੌਜੂਦਾ ਸਮੇਂ ਪ੍ਰੋਡਕਸ਼ਨ ਵਿਚ ਹਨ, ਬਾਕੀ 72 ਐਫ-35 ਖਰੀਦਣ ਜਾਂ ਨਾ ਖਰੀਦਣ ਬਾਰੇ ਰਿਵਿਊ ਕੀਤਾ ਜਾ ਰਿਹਾ ਹੈ।
