15.76C Vancouver 15.76C VancouverJun 25, 2021 10:38 PM -
ਮਾਇਆਮੀ 'ਚ ਇੱਕ ਇਮਾਰਤ ਡਿੱਗਣ ਤੋਂ ਬਾਅਦ ਇੱਕ ਬੱਚੇ ਨੂੰ ਮਲਬੇ ਵਿੱਚੋਂ ਜਿਉਂਦੇ ਕੱਢਿਆ ਗਿਆ ਹੈ।
ਇਸ ਲੜਕੇ ਦਾ ਨਾਮ ਜੋਨਾਹ ਹੈਂਡਲਰ ਦੱਸਿਆ ਗਿਆ ਹੈ।
ਹਾਲਾਂਕਿ ਲੜਕੇ ਦੀ ਜਾਨ ਬਚਣ ਦੀ ਖੁਸ਼ੀ ਦੇ ਨਾਲ ਹੀ ਉਸ ਦੀ ਮਾਂ ਦੇ ਮਾਰੇ ਜਾਣ ਦੇ ਦੁੱਖ ਦੀ ਖਬਰ ਵੀ ਸਾਹਮਣੇ ਆਈ ਹੈ।
ਮਾਇਆਮੀ 'ਚ ਇੱਕ ਕੌਂਡੋ ਇਮਾਰਤ ਦੇ ਡਿੱਗਣ ਦੀ ਘਟਨਾ 'ਚ 159 ਲੋਕਾਂ ਦਾ ਕੁਝ ਪਤਾ ਨਹੀਂ ਲੱਗਿਆ ਹੈ।
ਇਸ ਘਟਨਾ 'ਚ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ 4 ਤਕ ਪਹੁੰਚ ਗਈ ਹੈ।
ਮਾਇਆਮੀ ਡੇਡ ਮੇਅਰ ਲਵਾਈਨ ਕਾਵਾ ਦਾ ਕਹਿਣਾ ਹੈ ਕਿ ਘਟਨਾ 'ਚ ਸਰਵਾਈਵਰਸ ਦੀ ਭਾਲ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ।
ਇਸ ਸਾਈਟ 'ਤੇ 130 ਫਾਇਰਫਾਈਟਰ ਬਚਾਅ ਕਾਰਜਾਂ ਨੂੰ ਅੰਜਾਮ ਦੇ ਰਹੇ ਹਨ।
ਪੁਲਿਸ ਡਾਇਰੈਕਟਰ ਫਰੈਡੀ ਰਾਮੀਰੇਜ਼ ਦਾ ਕਹਿਣਾ ਸੀ ਕਿ ਅਧਿਕਾਰੀਆਂ ਵੱਲੋਂ ਕੰਮ ਕੀਤਾ ਜਾ ਰਿਹਾ ਹੈ ਕਿ ਪੀੜਤਾਂ ਦੀ ਪਛਾਣ ਕੀਤੀ ਜਾ ਸਕੇ।
ਮਾਇਆਮੀ 'ਚ ਵੀਰਵਾਰ ਸਵੇਰੇ ਇੱਕ ਕੌਂਡੋ ਇਮਾਰਤ ਦਾ ਹਿੱਸਾ ਡਿੱਗ ਗਿਆ ਸੀ।
12 ਮੰਜ਼ਿਲਾ ਬੀਚਫਰੰਟ ਕੌਂਡੋ ਇਮਾਰਤ ਦਾ ਇੱਕ ਹਿੱਸਾ ਡਿੱਗ ਗਿਆ ਸੀ।
ਘਟਨਾ ਮਾਇਆਮੀ ਦੇ ਕੋਲ ਸਥਿਤ ਟਾਊਨ ਸਰਫਸਾਈਡ 'ਚ ਵਾਪਰੀ।
ਭਾਲ ਅਤੇ ਬਚਾਅ ਦੇ ਅਭਿਆਨ ਜਾਰੀ ਹਨ।
ਇਮਾਰਤ ਦੇ ਮਲਬੇ 'ਚ ਕਈ ਲੋਕਾਂ ਦੇ ਫਸੇ ਹੋਣ ਦਾ ਖਦਸ਼ਾ ਹੈ।
