16.01C Vancouver 16.01C VancouverApr 22, 2021 3:28 PM -
ਬ੍ਰਿਟਿਸ਼ ਕੋਲੰਬੀਆ ਦੇ ਸੁਪਰੀਮ ਕੋਰਟ ਦੇ ਜੱਜ ਤੋਂ ਅੱਜ ਇਸ ਬਾਰੇ ਆਪਣਾ ਫ਼ੈਸਲਾ ਸੁਣਾਏ ਜਾਣ ਦੀ ਉਮੀਦ ਹੈ ਕਿ ਇੱਕ ਵਿਅਕਤੀ ਜਿਸ ਨੇ ਹਾਈ ਸਕੂਲ ਦੇ ਦੋ ਵਿਦਿਆਰਥੀਆਂ ਨੂੰ ਚਾਕੂ ਮਾਰਿਆ ਉਹ ਇੱਕ ਮਾਨਸਿਕ ਰੋਗ ਕਾਰਨ ਅਪਰਾਧਕ ਤੌਰ ਤੇ ਜ਼ਿੰਮੇਵਾਰ ਹੈ ਜਾਂ ਨਹੀਂ।
ਗੈਬਰੀਅਲ ਕਲਾਈਨ ਨੂੰ ਪਿਛਲੇ ਸਾਲ 13 ਸਾਲਾ ਲਤਿਸ਼ਾ ਰਾਇਮਰ ਦੇ ਕਤਲ ਅਤੇ ਉਸ ਦੀ ਦੋਸਤ ’ਤੇ ਹਮਲੇ ਦੇ ਦੋਸ਼ਾਂ ਲਈ ਦੋਸ਼ੀ ਕਰਾਰ ਦਿੱਤਾ ਗਿਆ ਸੀ।
ਇਹ ਵਾਰਦਾਤ 2016 ਵਿੱਚ ਐਬੋਟਸਫੋਰਡ ਸੀਨੀਅਰ ਸੈਕੰਡਰੀ ਸਕੂਲ ਵਿੱਚ ਵਾਪਰੀ ਸੀ।
ਕਲਾਈਨ ਸਕਿਤਜ਼ੋਫ੍ਰੇਨੀਆ ਤੋਂ ਪੀੜਤ ਹੈ ਅਤੇ ਉਸਨੇ ਅਪਰਾਧਕ ਜ਼ਿੰਮੇਵਾਰੀ ’ਤੇ ਸੁਣਵਾਈ ਲਈ ਅਰਜ਼ੀ ਦਿੱਤੀ ਸੀ।
ਉਸ ਦੇ ਵਕੀਲ ਨੇ ਦਲੀਲ ਦਿੱਤੀ ਹੈ ਕਿ ਉਸ ਨੂੰ ਅਪਰਾਧਕ ਤੌਰ ’ਤੇ ਜ਼ਿੰਮੇਵਾਰ ਨਹੀਂ ਠਹਿਰਾਇਆ ਜਾਣਾ ਚਾਹੀਦਾ ਕਿਉਂਕਿ ਉਸ ਕੋਲ ਇਹ ਸਮਝਣ ਦੀ ਸਮਰੱਥਾ ਨਹੀਂ ਸੀ ਕਿ ਉਹ ਕੁਝ ਗ਼ਲਤ ਕਰ ਰਿਹਾ ਹੈ।
ਜੇ ਜੱਜ ਇਸ ਦਲੀਲ ਨੂੰ ਖਾਰਜ ਕਰ ਦਿੰਦੇ ਹਨ ਤਾਂ ਕੇਸ ਸਜ਼ਾ ਸੁਣਵਾਈ ਵੱਲ ਵਧੇਗਾ।
ਜੇ ਜੱਜ ਕਲਾਈਨ ਨੂੰ ਅਪਰਾਧਕ ਤੌਰ ’ਤੇ ਜ਼ਿੰਮੇਵਾਰ ਨਹੀਂ ਸਮਝਦੀ ਤਾਂ ਉਸ ਦਾ ਵਕੀਲ ਕੈਦ ਦੇ ਅਗਲੇ ਕਦਮਾਂ ਬਾਰੇ ਕੇਸ ਨੂੰ ਬੀ.ਸੀ. ਰੀਵਿਊ ਬੋਰਡ ਸਾਹਮਣੇ ਪੇਸ਼ ਕਰਨ ਦੀ ਮੰਗ ਕਰੇਗਾ।
