20.21C Vancouver 20.21C VancouverNov 26, 2020 8:32 PM -
ਜੂਲੀਅਨ ਅਸਾਂਜ ਦੀ ਪਾਰਟਨਰ, ਸਟੈਲਾ ਮੌਰਿਸ ਨੇ ਟਵੀਟ ਕੀਤਾ ਹੈ ਅਤੇ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਨੂੰ ਸੰਬੋਧਨ ਕੀਤਾ ਹੈ ਕਿ ਵਿਕੀਲੀਕਸ ਫਾਊਂਡਰ ਨੂੰ ਪਾਰਡਨ ਕੀਤਾ ਜਾਵੇ।
ਉਨ੍ਹਾਂ ਵੀਰਵਾਰ ਨੂੰ ਆਪਣੇ ਦੋ ਪੁੱਤਰਾਂ ਦੀ ਤਸਵੀਰ ਸਾਂਝੀ ਕਰਦੇ ਹੋਏ ਟਵੀਟ ਕੀਤਾ।
ਉਨ੍ਹਾਂ ਲਿਖਿਆ, "ਇਹ ਮੇਰੇ ਪੁੱਤਰ ਮੈਕਸ ਅਤੇ ਗੈਬਰੀਅਲ ਹਨ। ਇਹਨਾਂ ਨੂੰ ਆਪਣੇ ਪਿਤਾ ਦੀ ਲੋੜ ਹੈ। ਸਾਡੇ ਪਰਿਵਾਰ ਨੂੰ ਫਿਰ ਇੱਕ ਹੋਣ ਦੀ ਲੋੜ ਹੈ।"
ਉਨ੍ਹਾਂ ਨਾਲ ਹੀ ਲਿਖਿਆ, "ਮੈਂ ਭੀਖ ਮੰਗਦੀ ਹਾਂ, ਕਿਰਪਾ ਕਰ ਕੇ ਉਸ ਨੂੰ ਕ੍ਰਿਸਮਸ ਤੱਕ ਵਾਪਿਸ ਲੈ ਆਓ।"
ਯਾਦ ਰਹੇ 49 ਸਾਲਾ ਅਸਾਂਜ, ਫ਼ਿਲਹਾਲ ਬ੍ਰਿਟਿਸ਼ ਜੇਲ੍ਹ 'ਚ ਹਨ ਅਤੇ ਉਹ ਇੱਕ ਜੱਜ ਦੇ ਫੈਸਲੇ ਦੇ ਉਡੀਕ ਕਰ ਰਹੇ ਹਨ ਕਿ ਉਨ੍ਹਾਂ ਨੂੰ ਜਸੂਸੀ ਦੇ ਇਲਜ਼ਾਮਾਂ ਦਾ ਸਾਹਮਣਾ ਕਰਨ ਲਈ ਅਮਰੀਕਾ ਦੇ ਸਪੁਰਦ ਕੀਤਾ ਜਾ ਸਕਦਾ ਹੈ ਜਾਂ ਨਹੀਂ।
