ਐਲਬਰਟਾ ਵਿਚ ਕਤਲਕਾਂਡ ਦੇ ਦੋਸ਼ੀ ਨੂੰ ਮੁੜ ਟ੍ਰਾਇਲ ਲਈ ਮਿਲੀ ਇਜਾਜ਼ਤ

ਐਲਬਰਟਾ ਵਿਚ ਕਰੀਬ ਤਿੰਨ ਦਹਾਕੇ ਪਹਿਲਾਂ ਔਰਤ ਦੇ ਕਤਲਕਾਂਡ ਦੇ ਦੋਸ਼ੀ ਵਿਅਕਤੀ ਨੂੰ ਫੈਡਰਲ ਜਸਟਿਸ ਮੰਤਰੀ ਵਲੋਂ ਮੁੜ ਟ੍ਰਾਇਲ ਦੀ ਮਨਜ਼ੂਰੀ ਦਿੱਤੀ ਗਈ ਹੈ। ਰਾਏ ਐਲਨ ਸੋਬੋਤੀਆ ਨੂੰ 37 ਸਾਲਾ ਸੂਜ਼ਨ ਕਾਮਿਨਸਕੀ ਦੇ ਕਤਲ ਦੇ ਦੋਸ਼ ਵਿਚ ਉਮਰਕੈਦ ਦੀ ਸਜ਼ਾ ਮਿਲੀ ਸੀ ਜੋ 1987 ਤੋਂ ਲਾਪਤਾ ਸੀ। ਜਸਟਿਸ ਮੰਤਰੀ ਆਰਿਫ ਵਿਰਾਨੀ ਦੇ ਦਫਤਰ ਮੁਤਾਬਕ ਇਸ ਕੇਸ ਵਿਚ ਅਦਾਲਤ ਦੀ ਕਾਰਵਾਈ ਸਹੀ ਨਹੀਂ ਸੀ।

ਐਲਬਰਟਾ ਕੋਰਟ ਆਫ ਅਪੀਲ ਨੇ 1994 ਵਿਚ ਉਸ ਦੀ ਅਪੀਲ ਰੱਦ ਕਰ ਦਿੱਤੀ ਸੀ। ਇਸ ਦੇ ਬਾਅਦ 2004 ਵਿਚ ਸੁਪਰੀਮ ਕੋਰਟ ਆਫ ਕੈਨੇਡਾ ਨੇ ਵੀ ਇਹ ਫੈਸਲਾ ਬਰਕਰਾਰ ਰੱਖਿਆ। ਫਿਰ ਉਸ ਨੇ ਜਸਟਿਸ ਮੰਤਰੀ ਦੇ ਔਫਿਸ ਨੂੰ ਆਪਣੇ ਕੇਸ ਬਾਰੇ ਮੁੜ 2021 ਵਿਚ ਅਪੀਲ ਕੀਤੀ ਸੀ।

ਗੌਰਤਲਬ ਹੈ ਕਿ ਫਰਵਰੀ 1987 ਵਿਚ ਕਾਮਿਨਸਕੀ ਸੋਬੋਟੀਆਕ ਸਣੇ ਆਪਣੇ ਦੋਸਤਾਂ ਨਾਲ ਐਡਮਿੰਟਨ ਦੇ ਪਬ ਵਿਚ ਗਈ ਸੀ ਜਿਸ ਦੇ ਬਾਅਦ ਲਾਪਤਾ ਹੋ ਗਈ। ਉਸ ਦੀ ਕਾਰ ਮਿਲ ਗਈ ਸੀ ਪਰ ਉਸ ਦੀ ਲਾਸ਼ ਅਜੇ ਤੱਕ ਨਹੀਂ ਮਿਲੀ। ਉਸ ਦੇ ਦੋ ਬੱਚੇ ਸਨ। 1989 ਤੱਕ ਕਿਸੇ ਨੂੰ ਚਾਰਜ ਨਹੀਂ ਕੀਤਾ ਗਿਆ ਪਰ ਉਸ ਸਮੇਂ 26 ਸਾਲਾ ਸੋਬੋਟੀਆਕ ਨੂੰ ਫਸਟ ਡਿਗਰੀ ਮਰਡਰ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਸੀ।