ਨਿਊਯਾਰਕ ਦੇ ਟ੍ਰਿਬੇਕਾ ਫਿਲਮ ਫੈਸਟੀਵਲ 'ਚ ਇਕੱਠੇ ਨਜ਼ਰ ਆਏ ਜਸਟਿਨ ਟਰੂਡੋ ਅਤੇ ਕੈਟੀ ਪੈਰੀ

ਕੈਨੇਡਾ ਦੇ ਸਾਬਕਾ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਅਮਰੀਕੀ ਪੌਪ ਸਟਾਰ ਕੈਟੀ ਪੈਰੀ ਸੋਮਵਾਰ ਸ਼ਾਮ ਨਿਊਯਾਰਕ ਵਿਚ ਟ੍ਰਿਬੇਕਾ ਫਿਲਮ ਫੈਸਟੀਵਲ ਵਿਚ ਸ਼ਾਮਲ ਹੋਣ ਮਗਰੋਂ ਸੁਰਖੀਆਂ ਵਿਚ ਹਨ, ਜਿੱਥੇ ਇਹ ਹਾਈ-ਪ੍ਰੋਫਾਈਲ ਜੋੜਾ ਰੈੱਡ ਕਾਰਪੇਟ 'ਤੇ ਇੱਕ-ਦੂਜੇ ਦੇ ਬੇਹੱਦ ਨਜ਼ਦੀਕ ਅਤੇ ਖ਼ੁਸ਼ ਨਜ਼ਰ ਆਇਆ। ਇਹ ਮੌਕਾ ਕੈਟੀ ਪੈਰੀ ਦੀ ਕੰਸਰਟ ਫ਼ਿਲਮ ਦੇ ਪ੍ਰੀਮੀਅਰ ਦਾ ਸੀ।

ਇਸ ਦੌਰਾਨ ਦੋਵਾਂ ਨੂੰ ਕੈਮਰਿਆਂ ਸਾਹਮਣੇ ਇੱਕ-ਦੂਜੇ 'ਤੇ ਪਿਆਰ ਲੁਟਾਉਂਦੇ ਹੋਏ ਦੇਖਿਆ ਗਿਆ। 54 ਸਾਲਾ ਟਰੂਡੋ ਅਤੇ 41 ਸਾਲਾ ਕੈਟੀ ਪੈਰੀ ਦੇ ਅਫੇਅਰ ਦੀਆਂ ਖ਼ਬਰਾਂ ਪਹਿਲੀ ਵਾਰ ਪਿਛਲੇ ਸਾਲ ਜੁਲਾਈ ਵਿਚ ਸਾਹਮਣੇ ਆਈਆਂ ਸਨ, ਉਦੋਂ ਦੋਵਾਂ ਨੂੰ ਮਾਂਟਰੀਅਲ ਦੇ ਮਾਊਂਟ ਰਾਇਲ Park ਵਿਚ ਘੁੰਮਦੇ ਅਤੇ ਬਾਅਦ ਵਿਚ ਇੱਕਠੇ ਡਿਨਰ ਕਰਦੇ ਦੇਖਿਆ ਗਿਆ ਸੀ। ਇਹ ਮੁਲਾਕਾਤ ਉਦੋਂ ਹੋਈ ਸੀ ਜਦੋਂ ਪੈਰੀ ਅਤੇ ਉਨ੍ਹਾਂ ਦੇ ਪਾਰਟਨਰ Orlando Bloom ਨੇ 7 ਸਾਲਾਂ ਦੇ ਰਿਸ਼ਤੇ ਤੋਂ ਬਾਅਦ ਵੱਖ ਹੋਣ ਦਾ ਐਲਾਨ ਕੀਤਾ ਸੀ।

ਟਰੂਡੋ ਨੇ ਮਾਰਚ 2025 ਵਿਚ ਪ੍ਰਧਾਨ ਮੰਤਰੀ ਦੇ ਅਹੁਦੇ ਤੋਂ ਅਸਤੀਫ਼ਾ ਦਿੱਤਾ ਸੀ, Sophie Gregoire ਤੋਂ ਉਹਨਾਂ ਦੇ ਤਿੰਨ ਬੱਚੇ ਹਨ। ਇਹ ਦੋਵੇਂ 18 ਸਾਲ ਦੇ ਵਿਆਹੁਤਾ ਜੀਵਨ ਤੋਂ ਬਾਅਦ 2023 ਵਿਚ ਵੱਖ ਹੋ ਗਏ ਸਨ। ਦੂਜੇ ਪਾਸੇ,ਪੈਰੀ ਅਤੇ ਉਨ੍ਹਾਂ ਦੇ ਸਾਬਕਾ ਸਾਥੀ Bloom ਦੀ ਵੀ ਇੱਕ ਬੇਟੀ ਹੈ।