11.54C Vancouver 11.54C VancouverSep 21, 2021 4:34 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਫੇਰ ਤੋਂ ਪਾਰਲੀਮੈਂਟ ਵਿੱਚ ਜਾ ਤਾਂ ਰਹੇ ਹਨ ਪਰ ਉਹਨਾਂ ਨੂੰ ਉਹ ਨਹੀਂ ਮਿਲਿਆ ਜਿਸ ਦੀ ਉਮੀਦ ਵਿੱਚ ਉਹਨਾਂ ਨੇ ਪਿਛਲੇ ਮਹੀਨੇ ਚੋਣਾਂ ਕਰਵਾਉਣ ਦਾ ਫੈਸਲਾ ਕੀਤਾ ਸੀ।
ਅੱਜ ਤੜਕੇ ਤਕ ਲਿਬ੍ਰਲ ਪਾਰਟੀ 155 ਤੋਂ 157 ਦੇ ਦਰਮਿਆਨ ਹੀ ਬਨਹਿ ਹੋਈ ਸੀ।
ਇਹ ਵੀ ਉਹੀ ਅੰਕੜਾ ਹੈ ਜਿੱਥੇ ਲਿਬ੍ਰਲ ਪਾਰਟੀ ਚੋਣਾਂ ਕਾਲ ਕਰਨ ਤੋਂ ਪਹਿਲਾਂ ਖੜੀ ਸੀ।
ਕੋਨਸਰਵੇਟਿਵ ਵੀ 121 ਅਤੇ 122 ਦੇ ਦਰਮਿਆਨ ਹੀ ਰਹਿ ਰਹੇ ਹਨ ਅਤੇ ਉਹਨਾਂ ਨੇ ਵੀ 2 ਸਾਲ ਪਹਿਲਾਂ 121 ਸੀਟਾਂ ਜਿੱਤੀਆਂ ਸਨ।
ਉਹ ਅਧਿਕਾਰਿਤ ਤੌਰ ਤੇ ਮੁੱਖ ਵਿਰੋਧੀ ਬਣੇ ਰਹਿਣਗੇ, ਪਰ ਏਰਿਨ ਓ ਟੂਲ ਨੇ ਇਹ ਵਾਧਾ ਜਰੂਰ ਕੀਤਾ ਹੈ ਕਿ ਉਹਨਾਂ ਦੀ ਪਾਰਟੀ ਹੁਣ ਕੈਨੇਡਾ ਦੇ ਸਾਰੇ ਲੋਕਾਂ ਦੀ ਨੁਮਾਇੰਦਗੀ ਕਰਨਗੇ।
ਬਲੋਕ ਅਤੇ ਐਨ ਡੀ ਪੀ ਹੀ ਪਾਵਰ ਨੂੰ ਬੈਲੇੰਸ ਕਰਨ ਦਾ ਕੰਮ ਕਰਨਗੇ। ਇਸ ਵਾਰ ਜ਼ਿਆਦਾ ਲੋਕਾਂ ਨੇ ਮੇਲ ਰਾਹੀਂ ਵੋਟਾਂ ਪਾਈਆਂ ਜਿਸ ਕਰਕੇ ਕੁਛ ਧਾਵਾਂ ਦੇ ਨਤੀਜੇ ਆਉਣ ਵਿੱਚ ਸਮਾਂ ਲੱਗ ਸਕਦਾ ਹੈ।
ਇਲੈਕਸ਼ਨ ਕੈਨੇਡਾ ਦੇ ਮੁਤਾਬਿਕ 780,000 ਤੋਂ ਵੱਧ ਮੇਲ ਰਾਹੀਂ ਆਈਆਂ ਵੋਟਾਂ ਦੀ ਗਿਣਤੀ ਹਾਲੇ ਕਰਨੀ ਬਾਕੀ ਹੈ ਜੋ ਕਿ ਬੁੱਧਵਾਰ ਤਕ ਮੁਕੁਮਲ ਹੋ ਜਾਵੇਗੀ ਪਰ ਕੁਛ ਸੀਟਾਂ ਦੇ ਨਤੀਜੇ ਆਉਣ ਵਿੱਚ 4 ਦਿਨ ਤਕ ਦਾ ਸਮਾਂ ਵੀ ਲੱਗ ਸਕਦਾ ਹੈ।
