19.72C Vancouver 19.72C VancouverAug 26, 2021 8:46 PM -
ਕਾਬੁਲ ਦੇ ਹਵਾਈ ਅੱਡੇ ਦੇ ਬਾਹਰ ਹੋਏ 2 ਆਤਮਘਾਤੀ ਹਮਲਿਆਂ ਵਿੱਚ ਘੱਟੋ-ਘਟ 72 ਲੋਕਾਂ ਦੀ ਮੌਤ ਹੋ ਗਈ ਹੈ।
ਅਫਗਾਨ ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ ਹੈ।
ਜਦ ਧਮਾਕਾ ਹੋਇਆ ਤਾਂ ਅਫਗਾਨਿਸਤਾਨ ਛੱਡਣ ਲਈ ਕਾਹਲੇ ਲੋਕ ਵੱਡੀ ਗਿਣਤੀ ਵਿੱਚ ਹਵਾਈ ਅੱਡੇ ਦੇ ਬਾਹਰ ਮੌਜਦ ਸਨ।
ਪੱਛਮੀ ਮੁਲਕਾਂ ਨੇ ਪਹਿਲਾਂ ਹੀ ਚੇਤਾਵਨੀ ਦਿੱਤੀ ਸੀ ਕਿ ਇਸ ਪ੍ਰਕਾਰ ਦਾ ਹਮਲਾ ਹੋ ਸਕਦਾ ਹੈ।
ਹੁਣ ਤਕ ਦੀ ਜਾਣਕਾਰੀ ਅਨੁਸਾਰ ਮ੍ਰਿਤਕ ਲੋਕਾਂ 'ਚ 60 ਅਫਗਾਨ ਲੋਕ ਸ਼ਾਮਿਲ ਦੱਸੇ ਗਏ ਹਨ।
ਇਸ ਤੋਂ ਇਲਾਵਾ ਕੋਈ ਵਿਦੇਸ਼ੀ ਫੌਜੀਆਂ ਦੀ ਮੌਤ ਵੀ ਰਿਪੋਰਟ ਹੋਈ ਹੈ।
143 ਲੋਕਾਂ ਦੇ ਜਖਮੀ ਹੋਣ ਦੀ ਖਬਰ ਹੈ।
ਅਮਰੀਕਾ ਦੇ 12 ਫੌਜੀਆਂ ਦੀ ਧਮਾਕੇ 'ਚ ਮੌਤ
ਅਮਰੀਕੀ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਅਫਗਾਨਿਸਤਾਨ 'ਚ ਹੋਏ ਧਮਾਕਿਆਂ 'ਚ ਉਸ ਦੇ 12 ਫੌਜੀਆਂ ਦੀ ਜਾਨ ਚਲੀ ਗਈ ਹੈ।
ਅਮਰੀਕੀ ਮਿਲਟਰੀ ਦੇ ਕਈ ਮੈਂਬਰ ਜਖਮੀ ਵੀ ਹੋਏ ਹਨ।
ਅਮਰੀਕੀ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਧਮਾਕਿਆਂ ਤੋਂ ਬਾਅਦ ਜਾਣਕਾਰੀ ਆ ਰਹੀ ਹੈ ਅਤੇ ਮੌਤਾਂ ਦੀ ਸਹੀ ਗਿਣਤੀ ਪਤਾ ਕਰਨ ਦੀ ਕੋਸ਼ਿਸ਼ ਜਾਰੀ ਹੈ।
ਪੈਂਟਾਗਨ ਨੇ ਇਹ ਪੁਸ਼ਟੀ ਨਹੀਂ ਕੀਤੀ ਹੈ ਕਿ ਕਿਹੜੇ ਟਰੂਪਸ ਇਸ ਹਮਲੇ ਦਾ ਨਿਸ਼ਾਨਾ ਬਣੇ ਪਰ ਇਹ ਜਰੂਰ ਦੱਸਿਆ ਗਿਆ ਕਿ 12 ਯੂ.ਐਸ. ਸਰਵਿਸ ਮੈਂਬਰਾਂ ਦੀ ਮੌਤ ਹੋ ਗਈ ਹੈ।
ਹੁਣ ਤਕ ਦੀ ਜਾਣਕਾਰੀ ਅਨੁਸਾਰ ਇਸ 'ਚ 11 ਮਰੀਨ ਅਤੇ ਇੱਕ ਨੇਵੀ ਮੈਡਿਕ ਸ਼ਾਮਿਲ ਦੱਸੇ ਜਾ ਰਹੇ ਹਨ।
