17.21C Vancouver 17.21C VancouverFeb 23, 2022 8:18 PM - The Canadian Press
ਕੈਮਲੂਪਸ ਦੇ ਵਿੱਚ ਇੱਕ 6 ਸਾਲਾ ਬੱਚੀ ਨੂੰ ਸਨਮਾਨਿਤ ਕੀਤਾ ਗਿਆ ਹੈ।
ਅਜਿਹਾ ਕਰਨ ਪਿੱਛੇ ਦਾ ਕਾਰਨ ਬੱਚੀ ਵੱਲੋਂ ਵਿਖਾਈ ਗਈ ਬਹਾਦਰੀ ਹੈ।
ਇਸ ਬੱਚੀ ਬਾਰੇ ਦੱਸਿਆ ਗਿਆ ਕਿ ਉਸ ਨੇ ਕਰੈਸ਼ ਹੋਈ ਕਾਰ ਦੇ ਵਿੱਚੋਂ ਨਿਕਲ ਕੇ ਇੱਕ ਵਿਅਸਤ ਹਾਈਵੇਅ ਟੱਪਿਆ ਅਤੇ ਆਪਣੀ ਜਖਮੀ ਦਾਦੀ ਲਈ ਮਦਦ ਹਾਸਿਲ ਕੀਤੀ।
ਸਿਟੀ ਆਫ ਕੈਮਲੂਪਸ ਦੇ ਫੇਸਬੁੱਕ ਪੇਜ 'ਤੇ ਵੀ ਇਸ ਸੰਬੰਧੀ ਇੱਕ ਪੋਸਟ ਸਾਂਝੀ ਕੀਤੀ ਗਈ ਹੈ।
ਬੱਚੀ ਦਾ ਨਾਮ ਜੇਨ ਡੀਲਸਟਰਾ ਦੱਸਿਆ ਗਿਆ ਹੈ।
ਪੋਸਟ ਵਿੱਚ ਦੱਸਿਆ ਗਿਆ ਕਿ ਉਸ ਨੂੰ ਕੈਮਲੂਪਸ ਆਰ.ਸੀ.ਐਮ.ਪੀ. ਸੁਪਰਡੈਂਟ ਸਿਡ ਲੈਕੀ ਵੱਲੋਂ ਸਨਮਾਨਿਤ ਕੀਤਾ ਗਿਆ।
ਪੋਸਟ 'ਚ ਲਿਖਿਆ ਗਿਆ ਕਿ ਬੱਚੀ ਦੀ ਬਹਾਦਰੀ ਅਤੇ ਲਗਨ ਲਈ ਉਸ ਦਾ ਸਨਮਾਨ ਕੀਤਾ ਗਿਆ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਕਰੈਸ਼ ਕੈਮਲੂਪਸ ਦੇ ਪੂਰਬ ਵਾਲੇ ਪਾਸੇ ਹਾਈਵੇਅ 1 'ਤੇ ਐਗਜ਼ਿਟ ਕੋਲ ਵਾਪਰਿਆ ਸੀ।
ਬੱਚੀ ਨੂੰ ਸੱਟਫੇਟ ਤੋਂ ਬਚਾਅ ਰਿਹਾ ਸੀ ਪਰ ਉਸ ਦੀ ਦਾਦੀ ਨੂੰ ਮਦਦ ਦੀ ਲੋੜ ਸੀ।
ਇਸੇ ਦਰਮਿਆਨ ਬੱਚੀ ਨੇ ਵਿਅਸਤ ਹਾਈਵੇਅ ਪਾਰ ਕਰ ਐਮਰਜੈਂਸੀ ਸੇਵਾਵਾਂ ਲਈ ਕਾਲ ਕੀਤੀ ਅਤੇ ਉਨ੍ਹਾਂ ਦੇ ਪਹੁੰਚਣ ਤਕ ਕਾਲ 'ਤੇ ਹੀ ਰਹੀ।
ਉਸ ਦੇ ਐਕਸ਼ਨਸ ਲਈ ਇੱਕ ਸਰਟੀਫਿਕੇਟ, ਇੱਕ ਚੈਲੈਂਜ ਕਾਇਨ ਅਤੇ ਇੱਕ ਟੈਡੀ ਬੀਅਰ ਪ੍ਰਦਾਨ ਕੀਤਾ ਗਿਆ।
ਬੱਚੀ ਨੇ ਸਨਮਾਨਿਤ ਹੋਣ ਮੌਕੇ ਕਿਹਾ ਕਿ ਉਹ ਇਸ ਟੈਡੀ ਬੀਅਰ ਨੂੰ ਹਮੇਸ਼ਾ ਆਪਣੇ ਕੋਲ ਰੱਖੇਗੀ।
ਬੱਚੀ ਦੀ ਦਾਦੀ ਦੀ ਸਿਹਤ ਬਿਹਤਰ ਦੱਸੀ ਗਈ ਹੈ।
