13.69C Vancouver 13.69C VancouverApr 28, 2020 3:39 PM -
ਐਲਬਰਟਾ ਦੇ ਪ੍ਰੀਮੀਅਰ ਜੇਸਨ ਕੈਨੀ ਮੁਤਾਬਕ ਹੜ੍ਹਾਂ ਕਾਰਣ ਹੋਏ ਨੁਕਸਾਨ ਦਾ ਨਿਰੀਖਣ ਕਰਨ ਲਈ ਉਹ ਫੋਰਟ ਮੈਕਮਰੀ ਗਏ ਸਨ।
ਐਨਵਾਇਰਮੈਂਟ ਮਨਿਸਟਰ ਜੇਸਨ ਨਿਕਸਨ ਨਾਲ ਉਨ੍ਹਾਂ ਇਹ ਦੌਰਾ ਸੋਮਵਾਰ ਦੁਪਹਿਰ ਕੀਤਾ।
ਅਥਾਬਾਸਕਾ ਅਤੇ ਕਲੀਅਰ ਵਾਟਰ ਨਦੀਆਂ ਵਿੱਚ ਪਾਣੀ ਦਾ ਪੱਧਰ ਵੱਧ ਜਾਣ ਕਾਰਣ ਸ਼ਹਿਰ ਦੇ ਸਾਰੇ ਡਾਊਨਟਾਊਨ ਇਲਾਕੇ ਨੂੰ ਖਾਲੀ ਕਰਣ ਦੇ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ।
ਨੌਰਦਰਨ ਲਾਈਟਜ਼ ਰੀਜਨਲ ਹੈਲਥ ਸੈਂਟਰ ਅਤੇ ਗਰੇਲਿੰਗ ਟੈਰਸ ਇਲਾਕਾ ਖਾਲੀ ਨਹੀਂ ਕੀਤਾ ਗਿਆ।
ਦੋ ਇਵੈਕਉਏਸ਼ਨ ਸੈਂਟਰਾਂ ਵਿੱਚ 5,000 ਵਿਅਕਤੀ ਰਜਿਸਟਰ ਕਰ ਚੁੱਕੇ ਹਨ ਅਤੇ ਹੋਰ ਲੋਕਾਂ ਦੇ ਰਜਿਸਟਰ ਕਰਣ ਦਾ ਅੰਦਾਜ਼ਾ ਹੈ ਕਿਓਂਕਿ ਜਿਹੜੇ ਇਲਾਕੇ ਨੂੰ ਖਾਲੀ ਕਰਨ ਦਾ ਨਿਰਦੇਸ਼ ਉਸ ਵਿੱਚ ਤਕਰੀਬਨ 12,000 ਲੋਕਾਂ ਦੀ ਆਬਾਦੀ ਹੈ।
ਸ਼ਹਿਰ ਵਿੱਚ ਪਿਛਲੇ ਮਹੀਨੇ ਕੋਵਿਡ -19 ਕਾਰਣ ਸਟੇਟ ਆਫ਼ ਲੋਕਲ ਐਮਰਜੈਂਸੀ ਜਾਰੀ ਕੀਤੀ ਗਈ ਸੀ ਅਤੇ ਹੁਣ ਹੜ੍ਹਾਂ ਕਾਰਣ ਦੂਜੀ ਸਟੇਟ ਲੋਕਲ ਐਮਰਜੈਂਸੀ ਲਾਈ ਗਈ ਹੈ।
