18.79C Vancouver 18.79C VancouverJul 22, 2021 9:35 PM -
ਅਮਰੀਕਾ ਦੇ ਬੀਚ ਵਾਲੀਬਾਲ ਖਿਡਾਰੀ ਟੇਲਰ ਕਰੈਬ ਓਲੰਪਿਕ ਖੇਡਾਂ ਤੋਂ ਬਾਹਰ ਹੋ ਗਏ ਹਨ।
ਇਸ ਖਿਡਾਰੀ ਦੇ ਕੋਵਿਡ-19 ਸੰਬੰਧੀ 4 ਟੈਸਟ ਪਾਜ਼ਿਟਿਵ ਆਉਣ ਤੋਂ ਬਾਅਦ ਖਿਡਾਰੀ ਨੂੰ ਟੋਕਿਓ ਓਲੰਪਿਕਸ ਤੋਂ ਬਾਹਰ ਹੋਣਾ ਪਿਆ ਹੈ।
ਉਨ੍ਹਾਂ ਦੀ ਜਗ੍ਹਾ ਹੁਣ ਟਰਾਈ ਬੋਰਨ ਨੂੰ ਓਲੰਪਿਕ ਟੀਮ 'ਚ ਸ਼ਾਮਿਲ ਕੀਤਾ ਗਿਆ ਹੈ।
ਬੋਰਨ ਬੀਚ ਵਾਲੀਬਾਲ ਟੀਮ 'ਚ ਜੇਕ ਗਿੱਬ ਦਾ ਸਾਥ ਦੇਣਗੇ ਜੋ ਕਿ 4 ਵਾਰ ਦੇ ਓਲੰਪੀਅਨ ਹਨ।
ਅਮਰੀਕੀ ਜਿਮਨਾਸਟ ਕਰ ਰਹੀ ਆਈਸੋਲੇਟ
ਅਮਰੀਕੀ ਜਿਮਨਾਸਟ ਕਾਰਾ ਐਕਰ ਨੇ ਕੋਵਿਡ-19 ਤੋਂ ਪਾਜ਼ਿਟਿਵ ਪਾਏ ਜਾਣ ਤੋਂ ਬਾਅਦ ਖੁਦ ਨੂੰ ਇਕੱਲੇ 'ਚ ਰੱਖਿਆ ਹੋਇਆ ਹੈ।
ਉਸ ਦੀ ਟੀਮਮੇਟ ਲੀਐਨ ਵੌਂਗ ਵੀ ਕੁਆਰੰਟੀਨ 'ਚ ਹੈ।
ਇਹ ਦੋਵੇਂ ਜਿਮਨਾਸਟ ਅਮਰੀਕੀ ਟੀਮ ਦੀਆਂ ਆਲਟਰਨੇਟਸ ਹਨ।
ਵੌਂਗ ਦੇ ਟੈਸਟ ਨਤੀਜੇ ਨੈਗੇਟਿਵ ਰਹੇ ਹਨ ਪਰ ਉਸ ਨੂੰ ਕੰਟੈਕਟ ਟ੍ਰੇਸਿੰਗ ਕਾਰਨ ਕੁਆਰੰਟੀਨ ਲਈ ਕਿਹਾ ਗਿਆ ਹੈ।
ਹਾਲਾਂਕਿ ਵੀਰਵਾਰ ਨੂੰ ਸੀਮੋਨ ਬਾਈਲਸ, ਸੁਨਿਸਾ ਲੀ, ਜੌਰਡਨ ਚਾਈਲਸ, ਗ੍ਰੇਸ ਮੈਕੁਲਮ, ਜੇਡ ਕੈਰੀ ਅਤੇ ਮੀਕਾਇਲਾ ਸਕਿਨਰ ਨੇ ਵੀਰਵਾਰ ਨੂੰ ਅਭਿਆਸ ਜਾਰੀ ਰੱਖਿਆ।
ਇਹ ਖਿਡਾਰਨਾਂ ਓਲੰਪਿਕ ਵਿਲੇਜ ਦੀ ਜਗ੍ਹਾ 'ਤੇ ਵੈਨਿਊ ਦੇ ਨੇੜੇ ਦੇ ਹੋਟਲ 'ਚ ਰਹਿ ਰਹੀਆਂ ਹਨ।
ਰੂਸ ਦਾ ਤੈਰਾਕ ਓਲੰਪਿਕਸ ਤੋਂ ਬਾਹਰ
ਰੂਸ ਦੇ ਚੈਂਪੀਅਨ ਤੈਰਾਕ ਇਲਿਆ ਬੋਰੋਦੀਨ ਟੋਕਿਓ ਓਲੰਪਿਕਸ ਤੋਂ ਬਾਹਰ ਹੋ ਗਏ ਹਨ।
400 ਮੀਟਰ ਇੰਡਿਵਿਜੁਅਲ ਮੈਡਲੇ ਦੇ ਯੂਰੋਪੀਅਨ ਚੈਂਪੀਅਨ ਨੂੰ ਕੋਵਿਡ-19 ਤੋਂ ਪਾਜ਼ਿਟਿਵ ਪਾਇਆ ਗਿਆ ਹੈ।
ਹੁਣ ਇਸ ਤੈਰਾਕ ਨੂੰ ਓਲੰਪਿਕ 'ਚ ਹਿੱਸਾ ਲੈਣ ਦਾ ਮੌਕਾ ਨਹੀਂ ਮਿਲ ਸਕੇਗਾ।
