13.35C Vancouver 13.35C VancouverJul 29, 2021 7:22 PM -
ਇਸ ਹਫ਼ਤੇ ਬੀ.ਸੀ. ਦੇ ਪਾਣੀਆਂ 'ਚ ਔਰਕਾਸ ਦੇ 3 ਪੌਡਸ ਨੇ ਵਾਪਸੀ ਕੀਤੀ ਹੈ।
ਸੇਲਿਸ਼ ਸਮੁੰਦਰ 'ਚ ਇਹਨਾਂ ਔਰਕਾਸ ਨੂੰ ਕਰੀਬ 100 ਦਿਨ ਤੋਂ ਨਹੀਂ ਵੇਖਿਆ ਗਿਆ ਸੀ।
ਯੂ.ਐਸ. ਤੋਂ 'ਔਰਕਾ ਬਿਹੇਵੀਅਰ ਇੰਸਟੀਟਿਊਟ' ਦੀ ਡਾ. ਮੋਨਿਕਾ ਸ਼ੀਲਡਸ ਦਾ ਕਹਿਣਾ ਸੀ ਕਿ ਉਨ੍ਹਾਂ ਕਿਲਰ ਵ੍ਹੇਲਸ ਦੀਆਂ ਆਵਾਜ਼ਾਂ ਹਾਈਡ੍ਰੋਫੋਨ 'ਤੇ ਸੁਣੀਆਂ ਸਨ।
ਇਸ ਤੋਂ ਬਾਅਦ ਪਾਣੀਆਂ 'ਚ ਵੱਡੀ ਗਿਣਤੀ 'ਚ ਕੇ-ਪੌਡ ਦੀਆਂ ਵ੍ਹੇਲ ਮਛਲੀਆਂ, ਕਰੀਬ ਅੱਧੀ ਕੁ ਗਿਣਤੀ 'ਚ ਐਲ-ਪੌਡ ਦੀਆਂ ਵ੍ਹੇਲਸ ਅਤੇ ਜੇ-ਪੌਡ ਦੇ ਇੱਕ ਮੈਂਬਰ ਨੂੰ ਵੇਖਿਆ।
ਉਨ੍ਹਾਂ ਕਿਹਾ ਕਿ ਇਸ ਦੌਰਾਨ ਇਸੇ ਸਾਲ ਜਨਮਿਆ ਔਰਕਾਸ ਦਾ ਛੋਟਾ ਮੈਂਬਰ ਵੀ ਵਿਖਾਈ ਦਿੱਤਾ ਹੈ ਅਤੇ ਉਹ ਤੰਦਰੁਸਤ ਜਾਪਦਾ ਹੈ।
ਵੈਨਕੂਵਰ ਆਈਲੈਂਡ ਦੇ ਇਨਲੈਂਡ ਪਾਣੀਆਂ 'ਚ ਔਰਕਾਸ ਨੂੰ ਆਮ ਵੇਖਿਆ ਜਾਂਦਾ ਹੈ ਅਤੇ ਇਹ ਜੀਵ ਇਹਨਾਂ ਪਾਣੀਆਂ 'ਚ ਗਰਮੀਆਂ ਬਿਤਾਉਣਾ ਪਸੰਦ ਕਰਦੇ ਹਨ।
