ਕਿੰਗ ਚਾਰਲਜ਼ ਨੇ ਇਤਿਹਾਸਿਕ ਥਰੋਨ ਸਪੀਚ ਵਿਚ ਕਿਹਾ, "ਟਰੂ ਨੌਰਥ ਮਜ਼ਬੂਤ ਅਤੇ ਆਜ਼ਾਦ ਹੈ"

ਕਿੰਗ ਚਾਰਲਜ਼ ਨੇ ਅੱਜ ਇਤਿਹਾਸਿਕ ਥਰੋਨ ਸਪੀਚ ਵਿੱਚ ਮਾਰਕ ਕਾਰਨੀ ਦੀ ਸਰਕਾਰ ਬਾਰੇ ਆਖਿਆ ਕਿ ਸਰਕਾਰ ਦੇਸ਼ ਦੀ ਪ੍ਰਭੂਸੱਤਾ ਨੂੰ ਸੁਰੱਖਿਅਤ ਕਰਨ ਲਈ ਸਭ ਕਦਮ ਚੁੱਕੇਗੀ। ਉਨ੍ਹਾਂ ਸਪੀਚ ਵਿੱਚ ਆਖਿਆ ਕਿ ਸਰਕਾਰ ਇਸ ਦੇ ਲਈ ਮਿਲਟਰੀ ਨੂੰ ਵਧੇਰੇ ਮਜਬੂਤ ਕਰੇਗੀ ਅਤੇ ਅਮਰੀਕਾ ਨਾਲ ਰਿਸ਼ਤਿਆਂ ਨੂੰ ਵੀ ਮੁੜ ਪ੍ਰਭਾਸ਼ਿਤ ਕੀਤਾ ਜਾਵੇਗਾ।

ਅੱਜ ਕਿੰਗ ਦੀ ਥਰੋਨ ਸਪੀਚ ਨਾਲ ਔਟਵਾ ਵਿਖੇ ਪਾਰਲੀਮੈਂਟ ਨੂੰ ਅਧਿਕਾਰਿਤ ਰੂਪ 'ਚ ਸ਼ੁਰੂ ਕੀਤਾ ਗਿਆ। ਕਿੰਗ ਨੇ ਆਪਣੇ ਸੰਬੋਧਨ ਨੂੰ ਇਹ ਕਹਿੰਦਿਆਂ ਸਮਾਪਤ ਕੀਤਾ ਕਿ, ਜਿਵੇਂ ਐਂਥਮ ਸਾਨੂੰ ਯਾਦ ਦਵਾਉਂਦਾ ਹੈ, ਟਰੂ ਨੌਰਥ ਅਸਲ ਵਿੱਚ ਵੀ ਮਜਬੂਤ ਅਤੇ ਆਜ਼ਾਦ ਹੈ।

ਸਪੀਚ ਵਿੱਚ ਸਪਸ਼ਟ ਹੋ ਗਿਆ ਕਿ ਕੈਨੇਡਾ ਵੱਲੋਂ ਰੀ-ਆਰਮ ਯੂਰੋਪ ਗਰੁੱਪ ਨਾਲ ਜੁੜਿਆ ਜਾਵੇਗਾ। ਇਹ ਪ੍ਰੋਜੈਕਟ ਯੂਰੋਪ 'ਚ ਹਥਿਆਰਾਂ ਦੀ ਪ੍ਰੋਡਕਸ਼ਨ ਨੂੰ ਵਧਾਉਣ 'ਤੇ ਕੰਮ ਕਰ ਰਿਹਾ ਹੈ। ਇਸ ਕਦਮ ਨਾਲ ਕੈਨੇਡਾ ਦੀ ਅਮਰੀਕਾ 'ਤੇ ਮਿਲਟਰੀ ਇਕਵਿਪਮੈਂਟ ਸੰਬੰਧੀ ਨਿਰਭਰਤਾ ਘਟ ਸਕਦੀ ਹੈ।