13.16C Vancouver 13.16C VancouverJun 17, 2025 3:54 PM - The Canadian Press
ਕੈਨੇਡਾ ਅਤੇ ਯੂ. ਕੇ. ਨੇ ਸਾਂਝੀ ਜਾਂਚ ਵਿਚ ਜੈਨੇਟਿਕ ਟੈਸਟਿੰਗ ਕੰਪਨੀ 23andMe 'ਤੇ ਦੋ ਸਾਲ ਪਹਿਲਾਂ ਹੋਏ ਵੱਡੇ ਡੇਟਾ ਲੀਕ ਮਾਮਲੇ ਵਿਚ ਕੰਪਨੀ ਨੂੰ ਕਸੂਰਵਾਰ ਕਰਾਰ ਦਿੱਤਾ ਹੈ। ਕੈਲੀਫੋਰਨੀਆ ਬੇਸਡ ਇਹ ਕੰਪਨੀ ਗ੍ਰਾਹਕਾਂ ਤੋਂ ਉਨ੍ਹਾਂ ਦੇ ਲਾਰ ਦੇ ਨਮੂਨੇ ਲੈ ਕੇ ਉਨ੍ਹਾਂ ਦੇ ਵੰਸ਼ ਬਾਰੇ ਜਾਣਨ ਦੀ ਸੁਵਿਧਾ ਦਿੰਦੀ ਹੈ।
ਜਾਂਚ ਦੇ ਨਤੀਜੇ ਵਜੋਂ ਯੂ.ਕੇ. ਨੇ ਕੰਪਨੀ 'ਤੇ £2.31 ਮਿਲੀਅਨ ਦਾ ਜੁਰਮਾਨਾ ਲਗਾਇਆ ਹੈ, ਜਦੋਂ ਕਿ ਕੈਨੇਡਾ ਕੋਲ ਇਸ ਤਰ੍ਹਾਂ ਦਾ ਜੁਰਮਾਨਾ ਲਗਾਉਣ ਦਾ ਅਧਿਕਾਰ ਨਹੀਂ ਹੈ। ਸਾਲ 2023 ਵਿਚ ਹੈਕਰ ਨੇ ਲਗਭਗ 7 ਮਿਲੀਅਨ ਗ੍ਰਾਹਕਾਂ ਦਾ ਨਿੱਜੀ ਡਾਟਾ ਚੋਰੀ ਕਰਕੇ ਇਸ ਨੂੰ ਡਾਰਕ ਵੈਬ 'ਤੇ ਵੇਚ ਦਿੱਤਾ ਸੀ, ਇਸ ਨਾਲ ਕੈਨੇਡਾ ਦੇ ਕਰੀਬ 320,000 ਲੋਕ ਅਤੇ ਯੂ. ਕੇ. ਵਿਚ 150,000 ਤੋਂ ਵੱਧ ਲੋਕ ਪ੍ਰਭਾਵਿਤ ਹੋਏ ਸਨ।
ਕੈਨੇਡਾ ਦੇ ਗੋਪਨੀਯਤਾ ਕਮਿਸ਼ਨਰ ਫਿਲਿਪ ਡੁਫ੍ਰੇਸਨੇ ਅਤੇ ਯੂ.ਕੇ. ਦੇ ਸੂਚਨਾ ਕਮਿਸ਼ਨਰ ਜੌਨ ਐਡਵਰਡਸ ਨੇ ਅੱਜ ਔਟਵਾ ਵਿਚ ਨਿਊਜ਼ ਕਾਨਫਰੰਸ ਵਿਚ ਕਿਹਾ ਕਿ ਸਾਡੀ ਜਾਂਚ ਵਿਚ ਪਾਇਆ ਗਿਆ ਕਿ 23andMe ਵਿਚ ਇਸ ਤਰ੍ਹਾਂ ਦੇ ਸੁਰੱਖਿਆ ਉਪਾਅ ਲਾਗੂ ਨਹੀਂ ਸਨ, ਜਿਸ ਨਾਲ ਗ੍ਰਾਹਕਾਂ ਦੇ ਨਿੱਜੀ ਡੇਟਾ ਨੂੰ ਲੀਕ ਹੋਣ ਤੋਂ ਰੋਕਿਆ ਜਾ ਸਕਦਾ।
