12.68C Vancouver 12.68C VancouverJun 3, 2021 5:29 PM -
ਯੂਨੀਵਰਸਿਟੀ ਆਫ ਬ੍ਰਿਟਿਸ਼ ਕੋਲੰਬੀਆ 'ਚ ਇੰਡੀਅਨ ਰੈਜ਼ੀਡੈਂਸ਼ੀਅਲ ਸਕੂਲ ਹਿਸਟਰੀ ਅਤੇ ਡਾਇਲੌਗ ਸੈਂਟਰ ਦੇ ਡਾਇਰੈਕਟਰ ਦਾ ਕਹਿਣਾ ਹੈ ਕਿ ਰਿਕਾਰਡ ਅਤੇ ਹੋਰ ਡਾਟਾ ਨੂੰ ਹਾਸਿਲ ਕਰਨ 'ਚ ਤਾਲਮੇਲ ਦੇ ਕਮੀ ਕਾਰਨ ਦਫਨ ਕੀਤੇ ਮਿਲੇ 215 ਬੱਚਿਆਂ ਦੇ ਅਵਸ਼ੇਸ਼ਾਂ ਦੀ ਪਛਾਣ ਕਰਨਾ ਮੁਸ਼ਕਿਲ ਹੈ।
ਮੇਰੀ ਐਲਨ ਟਰਪਲ ਲਾਫੌਂਡ ਦਾ ਕਹਿਣਾ ਹੈ ਕਿ ਚਰਚਾਂ ਅਤੇ ਫੈਡਰਲ ਸਰਕਾਰ ਨੇ ਕਰੀਬ 20 ਸਾਲ ਤੋਂ ਅਜਿਹੇ ਸਕੂਲ ਰਿਕਾਰਡ ਹਾਸਿਲ ਕਰਨ 'ਚ ਅੜਿੱਕੇ ਪੇਸ਼ ਕੀਤੇ ਹਨ।
ਉਨ੍ਹਾਂ ਕਿਹਾ ਕਿ ਲੋਕਾਂ ਦੀ ਜ਼ਿੰਮੇਵਾਰੀ ਬਣਦੀ ਹੈ ਕਿ ਇਹਨਾਂ ਅਵਸ਼ੇਸ਼ਾਂ ਦੀ ਪਛਾਣ 'ਚ ਮਦਦ ਕੀਤੀ ਜਾਵੇ।
ਇੱਕ ਫੌਰੈਂਸਿਕ ਹਿਊਮਨ ਆਈਡੈਂਟੀਫਿਕੇਸ਼ਨ ਮਾਹਿਰ ਦਾ ਕਹਿਣਾ ਹੈ ਕਿ ਟੈਕੁਮਲੂਪਸ-ਸੁਵੈਟਮਕ ਫਰਸਟ ਨੇਸ਼ਨ ਸਾਹਮਣੇ ਇੱਕ ਮਹਿੰਗੀ ਪ੍ਰੀਕਿਰਿਆ ਖੜੀ ਹੈ ਜਿਸ ਨਾਲ ਇਹਨਾਂ ਅਵਸ਼ੇਸ਼ਾਂ ਦੀ ਪਛਾਣ ਹੋ ਸਕੇ।
ਚੋਟੀ ਦੇ ਕੈਥੋਲਿਕ ਚਰਚ ਅਧਿਕਾਰੀ ਨੇ ਮੰਗੀ ਮੁਆਫੀ
ਵੈਨਕੂਵਰ 'ਚ ਇੱਕ ਚੋਟੀ ਦੇ ਕੈਥੋਲਿਕ ਚਰਚ ਅਧਿਕਾਰੀ ਨੇ ਸੋਸ਼ਲ ਮੀਡੀਆ 'ਤੇ ਡੂੰਘੀ ਮੁਆਫ਼ੀ ਅਤੇ ਡੂੰਘੇ ਸ਼ੋਕ ਦਾ ਪ੍ਰਗਟਾਵਾ ਕੀਤਾ ਹੈ।
ਇਹ ਸ਼ੋਕ 215 ਬੱਚਿਆਂ ਦੇ ਅਵਸ਼ੇਸ਼ ਮਿਲਣ ਦੇ ਮਾਮਲੇ 'ਚ ਕੀਤਾ ਗਿਆ ਹੈ।
ਆਰਚਬਿਸ਼ਪ ਜੇ. ਮਾਇਕਲ ਮਿਲਰ (Archbishop J. Michael Miller) ਨੇ ਕੱਲ ਟਵੀਟ ਕੀਤਾ ਅਤੇ ਕਿਹਾ ਕਿ ਇਸ 'ਚ ਕੋਈ ਸਵਾਲ ਹੀ ਨਹੀਂ ਹੈ ਕਿ ਜੋ ਹੋਇਆ ਉਹ ਗਲਤ ਸੀ।
ਉਨ੍ਹਾਂ ਕਿਹਾ ਕਿ ਮੌਜੂਦਾ ਸਮੇਂ ਮੁਆਫੀ ਦੇ ਸ਼ਬਦਾਂ ਦੇ ਨਾਲ ਸਖਤ ਐਕਸ਼ਨ ਵਿਖਣਾ ਵੀ ਜਰੂਰੀ ਹੈ।
