11.25C Vancouver 11.25C VancouverMay 29, 2020 3:46 PM -
ਔਟਵਾ ਵੱਲੋਂ ਕੈਨੇਡਾ ਵਿੱਚ ਸਮੁੰਦਰੀ ਜਹਾਜ਼ਾਂ ਦੇ ਆਉਣ ਦੀ ਪਾਬੰਦੀ ਨੂੰ ਵਧਾ ਕੇ ਹੁਣ ਅਕਤੂਬਰ ਦੇ ਅੰਤ ਤੱਕ ਕਰ ਦਿੱਤਾ ਗਿਆ ਹੈ।
ਟਰਾਂਸਪੋਰਟੇਸ਼ਨ ਮਨਿਸਟਰ ਮਾਰਕ ਗਾਰਨੋ ਮੁਤਾਬਕ 100 ਤੋਂ ਵੱਧ ਯਾਤਰੀਆਂ ਵਾਲੇ ਸਮੁੰਦਰੀ ਜਹਾਜ਼ 31 ਅਕਤੂਬਰ ਤੱਕ ਕਨੇਡੀਅਨ ਪਾਣੀਆਂ ਵਿੱਚ ਨਹੀਂ ਆ ਸਕਣਗੇ।
ਮਾਰਚ ਵਿੱਚ 500 ਤੋਂ ਵੱਧ ਯਾਤਰੀਆਂ ਵਾਲੇ ਜਹਾਜ਼ਾਂ ਉੱਤੇ 1 ਜੁਲਾਈ ਤੱਕ ਪਾਬੰਦੀ ਲਾਈ ਗਈ ਸੀ ਜਿਸ ਨੂੰ ਗਾਰਨੋ ਨੇ ਅੱਜ ਵਧਾਉਣ ਦਾ ਐਲਾਨ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਇਸ ਫੈਸਲੇ ਦਾ ਕੈਨੇਡਾ ਦੇ ਟੂਰਿਜ਼ਮ ਖੇਤਰ ਉੱਤੇ ਵੱਡਾ ਪ੍ਰਭਾਵ ਪਵੇਗਾ ਅਤੇ ਸਰਕਾਰ ਇਸ ਸਬੰਧ ਵਿੱਚ ਹੱਲ ਲੱਭਣ ਲਈ ਯਤਨਸ਼ੀਲ ਹੈ।
ਪਿਛਲੇ ਸਾਲ ਕੈਨੇਡਾ ਦੀਆਂ ਬੰਦਰਗਾਹਾਂ ਉੱਤੇ 140 ਸਮੁੰਦਰੀ ਜਹਾਜ਼ ਪਹੁੰਚੇ ਸਨ ਜਿਨ੍ਹਾਂ ਰਾਹੀਂ ਦੋ ਮਿਲੀਅਨ ਯਾਤਰੀ ਕੈਨੇਡਾ ਆਏ ਸਨ।
ਗਾਰਨੋ ਮੁਤਾਬਕ ਯਾਤਰੀਆਂ ਵਾਲੇ ਛੋਟੇ ਜਹਾਜ਼ ਵੀ ਆਰਕਟਿਕ ਪਾਣੀਆਂ ਵਿੱਚ 31 ਅਕਤੂਬਰ ਤੱਕ ਨਹੀਂ ਆ ਸਕਣਗੇ ਪਰ ਸਥਾਨਕ ਸਿਹਤ ਅਧਿਕਾਰੀਆਂ ਦੇ ਨਿਰਦੇਸ਼ਾਂ ਅਧੀਨ ਹੋਰ ਥਾਵਾਂ ਤੇ ਸੇਵਾਵਾਂ ਦੇ ਸਕਣਗੇ।
