12.43C Vancouver 12.43C VancouverJun 22, 2021 7:24 PM -
ਟੋਰੌਂਟੋ ਪੁਲਿਸ ਨੇ ਇੱਕ ਵੱਡੇ ਅੰਤਰਰਾਸ਼ਟਰੀ ਡਰੱਗ ਸਮਗਲਿੰਗ ਰੈਕੇਟ ਦਾ ਭੰਡਾਫੋੜ ਕੀਤਾ ਹੈ ਜਿਸ ਦੇ ਤਾਰ ਬੀ.ਸੀ. 'ਚ ਸਰੀ ਨਾਲ ਵੀ ਜੁੜੇ ਹਨ।
ਇਸ ਦੌਰਾਨ 1,000kg ਤੋਂ ਵਧੇਰੀ ਮਾਤਰਾ 'ਚ ਕੋਕੇਨ, ਕ੍ਰਿਸਟਲ ਮੈਥ ਅਤੇ ਮੈਰੂਆਨਾ ਬਰਾਮਦ ਕੀਤਾ ਹੈ।
ਇਹ ਨਸ਼ੀਲੇ ਪਦਾਰਥ ਮੈਕਸੀਕੋ, ਕੈਲੀਫੋਰਨੀਆ ਅਤੇ ਕੈਨੇਡਾ ਵਿਚਾਲੇ ਟ੍ਰਾਂਸਪੋਰਟ ਕੀਤੇ ਜਾ ਰਹੇ ਸਨ।
ਮੋਡੀਫਾਈ ਕੀਤੇ ਟ੍ਰੈਕਟਰ ਟ੍ਰੇਲਰਾਂ 'ਤੇ ਇਹਨਾਂ ਨੂੰ ਟ੍ਰਾਂਸਪੋਰਟ ਕੀਤਾ ਜਾ ਰਿਹਾ ਸੀ।
ਇਸ ਪੂਰੇ ਮਿਸ਼ਨ ਨੂੰ 'ਪ੍ਰੋਜੈਕਟ ਬ੍ਰਿਸਾ' ਦਾ ਨਾਮ ਦਿੱਤਾ ਗਿਆ ਸੀ।
6 ਮਹੀਨੇ ਦੀ ਜਾਂਚ ਤੋਂ ਬਾਅਦ ਕੈਨੇਡਾ ਭਰ ਦੀਆਂ ਏਜੈਂਸੀਆਂ ਨੇ ਅਮਰੀਕਾ ਦੀਆਂ ਏਜੈਂਸੀਆਂ ਨਾਲ ਤਾਲਮੇਲ ਸਥਾਪਿਤ ਕੀਤਾ ਸੀ।
ਦੱਸਿਆ ਗਿਆ ਹੈ ਕਿ ਨਵੰਬਰ 2020 ਤੋਂ ਮਈ 2021 ਵਿਚਾਲੇ ਇਹ ਪਦਾਰਥ ਟਰਾਂਸਪੋਰਟ ਕਰਨ ਵਾਲੇ ਲੋਕਾਂ ਦੀ ਪਛਾਣ ਕੀਤੀ ਗਈ ਸੀ।
ਕਥਿਤ ਤੌਰ 'ਤੇ ਟਰੈਕਟਰ ਟ੍ਰੇਲਰਾਂ 'ਚ ਅਜਿਹੇ ਹਾਈਡਰੌਲੀਕ ਟਰੈਪ ਲਗਾਏ ਜਾਂਦੇ ਸਨ ਜਿੰਨਾ ਆਸਰੇ ਇੱਕੋ ਟ੍ਰਿਪ 'ਚ 100kg ਪਦਾਰਥ ਸਮਗਲ ਕੀਤੇ ਜਾਂਦੇ ਸਨ।
ਇਸ ਮਾਮਲੇ 'ਚ 20 ਲੋਕਾਂ ਦੀ ਗ੍ਰਿਫਤਾਰੀ ਹੋਈ ਹੈ ਜਿੰਨਾ 'ਤੇ ਕੁੱਲ 182 ਦੋਸ਼ ਲੱਗੇ ਹਨ।
ਇਸ ਪ੍ਰੋਜੈਕਟ ਦੌਰਾਨ ਇੱਕ ਅਜਿਹੇ ਵਿਅਕਤੀ ਦੀ ਪਛਾਣ ਹੋਈ ਜਿਸ ਨੂੰ ਟਰੈਪ ਮੇਕਰ ਕਿਹਾ ਜਾਂਦਾ ਸੀ ਜੋ ਕਿ ਟਰੱਕਾਂ 'ਚ ਲੂਕਾਏ ਹੋਏ ਕੰਪਰਟਮੈਂਟ ਬਣਾਉਂਦਾ ਸੀ।
ਇਸ ਦੀ ਪਛਾਣ ਸਰੀ ਦੇ 43 ਸਾਲਾ ਜੇਸਨ ਹਾਲ ਵਜੋਂ ਹੋਈ।
ਜਬਤ ਕੀਤੇ ਗਏ ਡਰੱਗਸ ਦੀ ਕੀਮਤ $61 ਮਿਲੀਅਨ ਦੀ ਦੱਸੀ ਗਈ ਹੈ।
ਗ੍ਰਿਫਤਾਰ ਕਲਿਟ ਗਏ ਬਾਕੀ ਦੇ 19 ਲੋਕਾਂ 'ਚ 37 ਸਾਲਾ ਗੁਰਬਕਸ਼ ਸਿੰਘ ਗਰੇਵਾਲ, 25 ਸਾਲਾ ਅਮਰਬੀਰ ਸਿੰਘ ਸੇਖੋਂ, 46 ਸਾਲਾ ਹਰਬਲਜੀਤ ਸਿੰਘ ਤੂਰ, 43 ਸਾਲਾ ਹਰਵਿੰਦਰ ਭੁੱਲਰ, 37 ਸਾਲਾ ਸਰਜੰਤ ਸਿੰਘ ਧਾਲੀਵਾਲ, 26 ਸਾਲਾ ਗੁਰਵੀਰ ਧਾਲੀਵਾਲ ਅਤੇ 26 ਸਾਲਾ ਗੁਰਮਨਪ੍ਰੀਤ ਗਰੇਵਾਲ ਵੀ ਸ਼ਾਮਿਲ ਹਨ।
ਹੋਰ ਵੇਰਵਿਆਂ ਲਈ ਟੋਰੌਂਟੋ ਪੁਲਿਸ ਦੀ ਪ੍ਰੈਸ ਰਿਲੀਜ਼ ਦਾ ਲਿੰਕ:
