20.38C Vancouver 20.38C VancouverAug 14, 2025 3:49 PM - The Canadian Press
ਨਿਊਫਾਊਂਡਲੈਂਡ ਅਤੇ ਲੈਬਰਾਡੋਰ ਵਿਚ ਲੱਗੀ ਵੱਡੀ ਜੰਗਲੀ ਅੱਗ ਦੀ ਲਪੇਟ ਵਿਚ ਆਉਣ ਨਾਲ 100 ਘਰ ਅਤੇ structures ਤਬਾਹ ਹੋ ਗਏ ਹਨ। ਪ੍ਰੀਮੀਅਰ ਜੌਨ ਹੋਗਨ ਦਾ ਕਹਿਣਾ ਹੈ ਕਿ ਅਜੇ ਵੀ ਉਸ ਇਲਾਕੇ ਵਿਚ ਜਾ ਕੇ ਸਟੀਕ ਗਣਨਾ ਕਰਨਾ ਬਹੁਤ ਖ਼ਤਰਨਾਕ ਹੈ। ਕਨਸੈਪਸ਼ਨ ਬੇਅ ਦੇ ਉੱਤਰ ਪੱਛਮੀ ਕਿਨਾਰੇ 'ਤੇ ਬਲ ਰਹੀ ਇਹ ਅੱਗ 3 ਅਗਸਤ ਨੂੰ ਕਿੰਗਸਟਨ ਨੇੜੇ ਲੱਗੀ ਸੀ ਅਤੇ ਪ੍ਰੀਮੀਅਰ ਹੋਗਨ ਮੁਤਾਬਕ ਮੌਜੂਦਾ ਸਮੇਂ ਇਹ 8 ਵਰਗ ਕਿਲੋਮੀਟਰ ਤੋਂ ਵੱਧ ਖੇਤਰ ਵਿਚ ਹੈ।
ਇਸ ਵਿਚਕਾਰ ਸੂਬੇ ਦੇ ਜੰਗਲਾਤ ਵਿਭਾਗ ਦੇ ਬੁਲਾਰੇ ਜੈਮੀ ਚਿਪੇਟ ਨੇ ਦੱਸਿਆ ਕਿ ਮੌਸਮ ਵਿਚ ਸੁਧਾਰ ਨਾਲ ਸੇਂਟ ਜੌਹਨ ਨੇੜੇ ਬਲ ਰਹੀ ਜੰਗਲੀ ਅੱਗ ਨੂੰ ਘਟਾਉਣ ਵਿਚ ਮਦਦ ਮਿਲੀ ਹੈ ਪਰ ਉਨ੍ਹਾਂ ਕਿਹਾ ਕਿ ਇਹ ਅਜੇ ਵੀ ਜ਼ਮੀਨ ਵਿਚ ਬਲ ਰਹੀ ਅਤੇ ਇਸ ਨੂੰ ਕਾਬੂ ਤੋਂ ਬਾਹਰ ਮੰਨਿਆ ਜਾਂਦਾ ਹੈ।
ਸੇਂਟ ਜੌਹਨ ਵਿਚ ਅਧਿਕਾਰੀਆਂ ਨੇ ਮੰਗਲਵਾਰ ਰਾਤ ਨੂੰ ਡਾਊਨਟਾਊਨ ਵਿਚ ਲੜੀਵਾਰ brush fires ਲਗਾਉਣ ਦੇ ਦੋਸ਼ ਵਿਚ ਇੱਕ 20 ਸਾਲਾ ਨੌਜਵਾਨ ਨੂੰ ਵੀ ਗ੍ਰਿਫਤਾਰ ਕੀਤਾ। ਪੁਲਿਸ ਨੇ ਕਿਹਾ ਕਿ ਉਸ ਨੂੰ ਮਨੁੱਖੀ ਜੀਵਨ ਨੂੰ ਜੋਖਮ ਵਿਚ ਪਾਉਣ ਵਾਲੇ ਅੱਗਜ਼ਨੀ ਦੇ ਦੋਸ਼ ਨਾਲ ਚਾਰਜ ਕੀਤਾ ਗਿਆ ਹੈ।
