ਸਰੀ ਵਿਚ ਦੇਰ ਰਾਤ ਵਾਪਰੀ ਛੁਰੇਬਾਜ਼ੀ ਦੀ ਘਟਨਾ

ਸਰੀ ਦੇ ਓਸ਼ੀਅਨ ਪਾਰਕ ਖੇਤਰ ਵਿਚ ਦੇਰ ਰਾਤ ਛੁਰੇਬਾਜ਼ੀ ਦੀ ਘਟਨਾ ਹੋਈ ਹੈ। ਪੁਲਿਸ ਨੇ ਕਿਹਾ ਕਿ ਰਾਤ ਲਗਭਗ 12.30 ਵਜੇ ਪੀੜਤ 140 ਸਟ੍ਰੀਟ ਅਤੇ 16 ਐਵੇਨਿਊ ਦੇ ਖੇਤਰ ਵਿਚ ਵ੍ਹਾਈਟ ਰੌਕ ਆਰਸੀਐਮਪੀ ਮੈਂਬਰ ਕੋਲ ਪਹੁੰਚਿਆ ਅਤੇ ਉਸ ਨੇ ਦੱਸਿਆ ਕਿ 128 ਸਟ੍ਰੀਟ ਅਤੇ 16 ਐਵੇਨਿਊ ਕੋਲ ਅਣਪਛਾਤੇ ਸ਼ੱਕੀਆਂ ਨੇ ਉਸ 'ਤੇ ਹਮਲਾ ਕੀਤਾ।

ਪੁਲਿਸ ਨੇ ਕਿਹਾ ਕਿ ਪੀੜਤ ਦੇ ਹੱਥ ਵਿਚ ਗੰਭੀਰ ਜ਼ਖਮ ਸੀ ਪਰ ਸੱਟਾਂ ਜਾਨਲੇਵਾ ਨਹੀਂ ਸਨ। ਹਾਲਾਂਕਿ, ਉਸ ਨੂੰ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ, ਇਸ ਹਮਲੇ ਦੀ ਜਾਂਚ ਆਰਸੀਐਮਪੀ ਦੀ ਸਰੀ ਪ੍ਰੋਵਿੰਸ਼ੀਅਲ ਆਪਰੇਸ਼ਨਸ ਸਪੋਰਟ ਯੂਨਿਟ ਕਰ ਰਹੀ ਹੈ, ਫਿਲਹਾਲ ਪੀੜਤ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ। ਕਿਹਾ ਗਿਆ ਹੈ ਕਿ ਜੇ ਕਿਸੇ ਕੋਲ ਘਟਨਾ ਸਬੰਧੀ ਕੋਈ ਵੀ ਜਾਣਕਾਰੀ ਹੈ ਤਾਂ ਇਸ ਬਾਰੇ ਸਰੀ ਪੁਲਿਸ ਸਰਵਿਸ ਨਾਲ ਸੰਪਰਕ ਕੀਤਾ ਜਾਵੇ।