17.49C Vancouver 17.49C VancouverMay 13, 2021 8:24 PM -
ਲਿਬਰਲ ਸਰਕਾਰ ਦਾ ਕਹਿਣਾ ਹੈ ਕਿ ਬਲੌਕ ਕਿਉਬੈਕੁਆ ਐਮ.ਪੀ. ਸਟੀਫਨ ਲੇਮਾਇਰ ਨੂੰ ਸਵਾਲਾਂ ਦੇ ਜਵਾਬ ਦੇਣੇ ਚਾਹੀਦੇ ਹਨ ਕਿ ਉਨ੍ਹਾਂ ਇੱਕ ਲਿਬਰਲ ਐਮ.ਪੀ. ਦਾ ਉਸ ਵੇਲੇ ਸਕਰੀਨ-ਸ਼ੌਟ ਕਿਉਂ ਲਿਆ ਜਦ ਉਹ ਕੱਪੜੇ ਬਦਲ ਰਹੇ ਸਨ ਅਤੇ ਨਗਨ ਅਵਸਥਾ 'ਚ ਸਨ।
ਅਜਿਹਾ ਉਸ ਵੇਲੇ ਹੋਇਆ ਸੀ ਜਦ ਇਹ ਐਮ.ਪੀ. ਵਰਚੁਅਲ ਤਰੀਕੇ ਨਾਲ ਪਾਰਲੀਅਮੈਂਟ ਸੰਬੰਧੀ ਪ੍ਰੋਸੀਡਿੰਗਸ 'ਚ ਹਿੱਸਾ ਲੈ ਰਿਹਾ ਸੀ।
ਲਿਬਰਲ ਵ੍ਹਿਪ ਮਾਰਕ ਹੌਲੈਂਡ ਦਾ ਕਹਿਣਾ ਹੈ ਕਿ ਉਨ੍ਹਾਂ ਲੇਮਾਇਰ ਨੂੰ ਇੱਕ ਹਾਊਸ ਆਫ ਕਾਮਨਜ਼ ਕਮੇਟੀ ਸਾਹਮਣੇ ਪੇਸ਼ ਹੋਣ ਨੂੰ ਕਿਹਾ ਹੈ।
ਕਿਊਬੈਕ ਦੇ ਐਮ.ਪੀ. ਵਿਲੀਅਮ ਆਮੋਸ ਦਾ ਕਹਿਣਾ ਹੈ ਕਿ ਉਹ ਦੌੜ ਲਗਾ ਕੇ ਆਏ ਸਨ ਅਤੇ ਬੈਠਕ 'ਚ ਸ਼ਾਮਿਲ ਹੋਣ ਲਈ ਕਪੜੇ ਬਦਲ ਰਹੇ ਸਨ ਅਤੇ ਉਨ੍ਹਾਂ ਨੂੰ ਨਹੀਂ ਪਤਾ ਸੀ ਕਿ ਉਨ੍ਹਾਂ ਦਾ ਕੈਮਰਾ ਔਨ ਰਹਿ ਗਯਾ ਹੈ।
ਪੂਰਾ ਮਾਮਲਾ 14 ਅਪਰੈਲ ਦਾ ਹੈ।
ਲੇਮਾਇਰ ਨੇ ਸਕਰੀਨ ਸ਼ੌਟ ਲੈਣ ਲਈ ਮੁਆਫੀ ਮੰਗੀ ਹੈ ਪਰ ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਨਹੀਂ ਜਾਣਦੇ ਕਿ ਇਹ ਤਸਵੀਰ ਮੀਡੀਆ ਕੋਲ ਕਿਵੇਂ ਪਹੁੰਚੀ।
ਮਾਰਕ ਹੌਲੈਂਡ ਦਾ ਕਹਿਣਾ ਹੈ ਕਿ ਦੱਸਿਆ ਜਾਣਾ ਚਾਹੀਦਾ ਹੈ ਕਿ ਇਹ ਤਸਵੀਰਾਂ ਕਿਸ ਦੇ ਨਾਲ ਸਾਂਝੀਆਂ ਕੀਤੀਆਂ ਗਈਆਂ ਸਨ ਅਤੇ ਇਸ ਦੇ ਪਿੱਛੇ ਮਨਸ਼ਾ ਕੀ ਸੀ।
