11.54C Vancouver 11.54C VancouverSep 17, 2021 4:33 PM -
ਲਿਬ੍ਰਲ ਪਾਰਟੀ ਲੀਡਰ ਜਸਟਿਨ ਟਰੂਡੋ ਦਾ ਕਹਿਣਾ ਸੀ ਕਿ ਭਾਵੇ ਵੋਟਰ ਕਿਸੇ ਵੀ ਇੱਕ ਪਾਰਟੀ ਨੂੰ ਮੇਜੋਰਿਟੀ ਨਾਂ ਦੇਣ ਤਾਂ ਵੀ ਇਹ ਚੋਣਾਂ ਕਰਵਾਉਣ ਦਾ ਫੈਸਲਾ ਵਿਅਰਥ ਨਹੀਂ ਜਾਵੇਗਾ।
ਪੋਲਾਂ ਦੇ ਮੁਤਾਬਿਕ ਹੁਣ ਸੋਮਵਾਰ ਨੂੰ ਹੋਣ ਵਾਲਿਆਂ ਚੋਣਾਂ ਵਿੱਚ ਲਿਬ੍ਰਲ ਅਤੇ ਕੋਨਸਰਵੇਟਿਵ ਬਰਾਬਰ ਚੱਲ ਰਹੇ ਹਨ ਅਤੇ ਲੱਗ ਰਿਹਾ ਹੈ ਕਿ ਕਿਸੇ ਵੀ ਪਾਰਟੀ ਦੀ ਮੇਜੋਰਿਟੀ ਸਰਕਾਰ ਨਹੀਂ ਬਣੇਗੀ।
ਅੱਜ ਵਿੰਡਸਰ ਵਿੱਚ ਚੋਣ ਪ੍ਰਚਾਰ ਕਰਦੇ ਹੋਏ ਲਿਬ੍ਰਲ ਪਾਰਟੀ ਦੇ ਲੀਡਰ ਟਰੂਡੋ ਨੇ ਕਿਹਾ ਕਿ ਪਿਛਲੇ 5 ਹਫਤਿਆਂ ਤੋਂ ਕੈਨੇਡਾ ਦੇ ਲੋਕ ਪਾਰਟੀਆਂ ਦੀਆਂ ਨੀਤੀਆਂ ਸੁਣ ਰਹੇ ਹਨ ਅਤੇ ਇਸੇ ਆਧਾਰ ਤੇ ਅਗਲੀ ਸਰਕਾਰ ਦਾ ਫੈਸਲਾ ਕੀਤਾ ਜਾਵੇਗਾ।
ਟਰੂਡੋ ਨੇ ਕਿਹਾ ਕਿ ਹੋ ਸਕਦਾ ਹੈ ਕਿ ਇਹ ਚੋਣਾਂ ਕੈਨੇਡਾ ਨੂੰ ਮਹਾਂਮਾਰੀ ਤੋਂ ਬਾਹਰ ਕੱਢਣ ਲਈ ਜ਼ਰੂਰੀ ਸਾਬਿਤ ਨਾਂ ਹੋਣ ਪਰ ਕੈਨੇਡਾ ਦੇ ਲੋਕਾਂ ਲਈ ਸੋਮਵਾਰ ਨੂੰ ਫੈਸਲਾ ਕਰਨਾ ਬਹੁਤ ਜ਼ਰੂਰੀ ਹੋਵੇਗਾ।
ਉਧਰ ਐਨ ਡੀ ਪੀ ਦੇ ਲੀਡਰ ਜਗਮੀਤ ਸਿੰਘ ਨੇ ਕਿਹਾ ਕਿ ਉਹ ਇਸ ਵਾਰ ਔਨ ਕੈੰਪਸ ਵੋਟਾਂ ਨਾਂ ਪਵਾਉਣ ਦੇ ਫੈਸਲੇ ਕਰਕੇ ਚਿੰਤਤ ਹਨ ਜਿਸ ਕਰਕੇ ਇੱਥੇ ਪੜ੍ਹਦੇ ਬੱਚਿਆਂ ਲਈ ਵੋਟ ਪਾਉਣੀ ਔਖੀ ਹੋ ਜਾਵੇਗੀ।
ਸਿੰਘ ਦਾ ਕਹਿਣਾ ਸੀ ਕਿ ਇਹ ਵੀ ਇੱਕ ਕਾਰਣ ਹੈ ਕਿ ਟਰੂਡੋ ਨੂੰ ਮਹਾਂਮਾਰੀ ਚੱਲਦੇ ਹੋਣ ਦੇ ਦੌਰਾਨ ਚੋਣਾਂ ਕਾਲ ਨਹੀਂ ਸੀ ਕਰਨੀਆਂ ਚਾਹੀਦੀਆਂ।
