ਕੈਨੇਡਾ ਵਿਚ ਤਿੰਨ ਪ੍ਰਮੁੱਖ ਪਾਰਟੀਆਂ ਦੇ ਲੀਡਰਾਂ ਵਲੋਂ ਭਖਾਈ ਚੋਣ ਮੁਹਿੰਮ

ਕੈਨੇਡਾ ਵਿਚ ਤਿੰਨ ਪ੍ਰਮੁੱਖ ਪਾਰਟੀਆਂ ਦੇ ਲੀਡਰਾਂ ਵਲੋਂ ਚੋਣ ਮੁਹਿੰਮ ਭਖਾ ਦਿੱਤੀ ਗਈ ਹੈ, ਐਨਡੀਪੀ ਲੀਡਰ ਜਗਮੀਤ ਸਿੰਘ ਨੇ ਅੱਜ ਮਾਂਟਰੀਅਲ ਵਿਚ ਰੈਲੀ ਦੌਰਾਨ ਵਾਅਦਾ ਕੀਤਾ ਕਿ ਜੇ ਉਨ੍ਹਾਂ ਦੀ ਸਰਕਾਰ ਆਈ ਤਾਂ ਕੈਨੇਡਾ ਭਰ ਵਿਚ ਸਾਰੀਆਂ ਫੈਡਰਲ ਜ਼ਮੀਨਾਂ 'ਤੇ 100 ਫੀਸਦੀ ਕਿਫਾਇਤੀ ਘਰਾਂ ਦਾ ਨਿਰਮਾਣ ਕੀਤਾ ਜਾਵੇਗਾ।

ਗੌਰਤਲਬ ਹੈ ਕਿ 46 ਸਾਲਾ ਜਗਮੀਤ ਸਿੰਘ ਨੇ 2017 ਵਿਚ ਕੈਨੇਡਾ ਦੀ ਪ੍ਰਮੁੱਖ ਫੈਡਰਲ ਪਾਰਟੀ ਦੇ ਪ੍ਰਧਾਨ ਚੁਣੇ ਜਾਣ ਦਾ ਇਤਿਹਾਸ ਰਚਿਆ ਸੀ। ਉਨ੍ਹਾਂ ਦੀ ਲੀਡਰਸ਼ਿਪ ਵਿਚ ਪਾਰਟੀ ਤੀਜੀ ਵਾਰ ਇਲੈਕਸ਼ਨ ਲੜ ਰਹੀ ਹੈ ਅਤੇ ਇਹ ਅਜਿਹੇ ਮੌਕੇ ਹੈ ਜਦੋਂ ਮਾਰਕ ਕਾਰਨੀ ਦੇ ਲਿਬਰਲ ਪਾਰਟੀ ਦੇ ਲੀਡਰ ਚੁਣੇ ਜਾਣ ਮਗਰੋਂ ਹਾਲ ਹੀ ਦੇ ਸਰਵਿਆਂ ਵਿਚ ਐੱਨਡੀਪੀ ਅਤੇ ਕੰਜ਼ਰਵੇਟਿਵ ਦੋਹਾਂ ਦਾ ਸਮਰਥਨ ਘਟਿਆ ਹੈ।

ਜਗਮੀਤ ਸਿੰਘ ਨੇ ਚੋਣ ਮੁਹਿੰਮ ਸ਼ੁਰੂ ਕਰਦੇ ਹੋਏ ਪੌਲੀਐਵ, ਕਾਰਨੀ ਅਤੇ ਟਰੰਪ 'ਤੇ ਹਮਲਾ ਬੋਲਿਆ ਅਤੇ ਕਿਹਾ ਕਿ ਕੈਨੇਡਾ ਦੀ ਸੁਰੱਖਿਆ ਲਈ ਸਿਰਫ਼ ਨਿਊ ਡੈਮੋਕਰੇਟ ਹੀ ਭਰੋਸੇ ਲਾਇਕ ਹੈ।