18.67C Vancouver 18.67C VancouverSep 22, 2020 1:24 AM -
ਬੀ.ਸੀ. 'ਚ ਲਿਬਰਲ ਅਤੇ ਗ੍ਰੀਨ ਪਾਰਟੀਆਂ ਦੇ ਲੀਡਰ, ਜੌਨ ਹੌਰਗਨ ਦੇ ਸੂਬੇ 'ਚ ਚੋਣਾਂ ਕਰਵਾਉਣ ਦੇ ਫੈਸਲੇ ਖਿਲਾਫ਼ ਆਵਾਜ਼ ਬੁਲੰਦ ਕਰ ਰਹੇ ਹਨ।
ਲਿਬਰਲ ਲੀਡਰ ਐਂਡਰਿਊ ਵਿਲਕਿੰਸਨ ਨੇ ਇਸ ਫੈਸਲੇ ਦੀ ਆਲੋਚਨਾ ਕਰਦੇ ਹੋਏ ਕਿਹਾ ਕਿ ਇਸ ਦੇ ਨਾਲ ਬੀ.ਸੀ. ਨਿਵਾਸੀਆਂ ਦੀ ਸਿਹਤ ਨੂੰ ਨੁਕਸਾਨ ਹੋ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਐਨ.ਡੀ.ਪੀ. ਸਿਰਫ ਆਪਣਾ ਫਾਇਦਾ ਸੋਚ ਰਹੀ ਹੈ।
ਬੀ.ਸੀ. ਗ੍ਰੀਨ ਪਾਰਟੀ ਦੀ ਨਵੀਂ ਚੁਣੀ ਲੀਡਰ, ਸੋਨੀਆ ਫਰਸਟੇਨਾਉ ਦਾ ਕਹਿਣਾ ਹੈ ਕਿ ਬੀ.ਸੀ. 'ਚ ਚੋਣਾਂ ਦਾ ਐਲਾਨ ਕੀਤਾ ਜਾਣਾ, ਇੱਕ ਗੈਰ ਜ਼ਿੰਮੇਵਾਰਾਨਾ ਫੈਸਲਾ ਹੈ।
ਉਨ੍ਹਾਂ ਕਿਹਾ ਕਿ ਬੀ.ਸੀ. 'ਚ ਇਸ ਵੇਲੇ ਚੋਣਾਂ ਦੀ ਲੋੜ ਨਹੀਂ ਸੀ, ਅਤੇ ਉਨ੍ਹਾਂ ਅਨੁਸਾਰ ਇਹ ਹੌਰਗਨ ਅਤੇ ਉਨ੍ਹਾਂ ਦੀ ਪਾਰਟੀ ਦੇ ਨਿੱਜੀ ਫਾਇਦੇ ਨਾਲ ਜੁੜਿਆ ਐਲਾਨ ਹੈ।
ਫਰਸਟੇਨਾਉ ਦਾ ਕਹਿਣਾ ਹੈ ਕਿ ਬੀ.ਸੀ. ਦੇ ਲੋਕਾਂ ਕੋਲ ਨਾ ਤਾਂ ਹੌਰਗਨ ਜਿਹੀ ਤਨਖਾਹ ਹੈ ਅਤੇ ਨਾ ਹੀ ਪੱਕੀ ਪੈਨਸ਼ਨ ਦੀ ਸਿਕਿਉਰਿਟੀ ਹੈ।
ਯਾਦ ਰਹੇ ਐਨ.ਡੀ.ਪੀ. ਨੇ ਸਾਲ 2017 'ਚ ਬੀ.ਸੀ. 'ਚ ਗ੍ਰੀਨ ਪਾਰਟੀ ਨਾਲ ਮਿਲ ਕੇ ਮਾਈਨੌਰਿਟੀ ਸਰਕਾਰ ਸਥਾਪਿਤ ਕੀਤੀ ਸੀ।
