14.48C Vancouver 14.48C VancouverOct 2, 2025 4:18 PM - The Canadian Press
ਕੈਨੇਡਾ ਦੇ ਟ੍ਰੇਡ ਮਿਨਿਸਟਰ ਡੋਮਿਨਿਕ ਲੇਬਲੈਂਕ ਨੇ ਸੀ.ਯੂ.ਐਸ.ਐਮ.ਏ. ਦੀ ਅਧਿਕਾਰਤ ਸਮੀਖਿਆ ਸ਼ੁਰੂ ਹੋਣ ਤੋਂ ਪਹਿਲਾਂ ਅਮਰੀਕਾ ਨਾਲ ਸੈਕਟਰਲ ਟੈਰਿਫ 'ਤੇ ਪ੍ਰੋਗਰੈਸ ਹੋਣ ਦੀ ਉਮੀਦ ਜਤਾਈ ਹੈ। ਉਨ੍ਹਾਂ ਇਹ ਟਿੱਪਣੀਆਂ ਅੱਜ ਸੈਨੇਟ ਦੀ ਵਿਦੇਸ਼ੀ ਮਾਮਲਿਆਂ ਦੀ ਇੱਕ ਕਮੇਟੀ ਦੀ ਸੁਣਵਾਈ ਦੌਰਾਨ ਕੀਤੀਆਂ, ਕੈਨੇਡਾ-ਸੰਯੁਕਤ ਰਾਜ ਅਮਰੀਕਾ ਅਤੇ ਮੈਕਸੀਕੋ ਵਿਚਕਾਰ ਮੌਜੂਦਾ ਫ੍ਰੀ ਟ੍ਰੇਡ ਸਮਝੌਤੇ ਦਾ ਔਫੀਸ਼ੀਅਲ ਰਿਵਿਊ 2026 ਵਿਚ ਹੋਣਾ ਹੈ।
ਲੇਬਲੈਂਕ ਨੇ ਕਿਹਾ ਕਿ ਅਸੀਂ ਹੁਣ ਵੀ ਸੈਕਟਰ-ਸਪੈਸੀਫਿਕ ਟੈਰਿਫ ਨੂੰ ਹਟਾਉਣ ਲਈ ਗੱਲਬਾਤ ਕਰ ਰਹੇ ਹਾਂ। ਗੌਰਤਲਬ ਹੈ ਕਿ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਇਸ ਹਫ਼ਤੇ ਟਰੇਡ ਵਾਰ ਨੂੰ ਇੱਕ ਵਾਰ ਫਿਰ ਤੋਂ ਇੱਕ ਕਾਰਜਕਾਰੀ ਆਦੇਸ਼ ਸਾਈਨ ਕਰਦੇ ਹੋਏ ਵਧਾਇਆ ਹੈ, ਜਿਸ ਵਿਚ ਸਾਫਟਵੁੱਡ ਦੀ ਲੱਕੜ ਅਤੇ ਲੱਕੜ ਦੇ ਫਰਨੀਚਰ 'ਤੇ ਟੈਰਿਫ ਲਗਾਉਣਾ ਸ਼ਾਮਲ ਹੈ, ਜਦੋਂ ਕਿ ਇਸ ਤੋਂ ਪਹਿਲਾਂ ਟਰੰਪ ਸਟੀਲ, ਐਲੂਮੀਨੀਅਮ, ਆਟੋਮੋਬਾਈਲਜ਼, ਤਾਂਬੇ 'ਤੇ ਟੈਰਿਫ ਲਗਾ ਚੁੱਕੇ ਹਨ।
ਲੇਬਲੈਂਕ ਨੇ ਇਹ ਵੀ ਸਪੱਸ਼ਟ ਕੀਤਾ ਕਿ ਕੈਨੇਡਾ ਨਿੱਜੀ ਤੌਰ 'ਤੇ ਅਤੇ ਜਨਤਕ ਤੌਰ 'ਤੇ ਵਪਾਰਕ ਗੱਲਬਾਤ ਵਿਚ ਸਪਲਾਈ ਮੈਨੇਜਮੈਂਟ ਨੂੰ ਕਦੇ ਵੀ ਸ਼ਾਮਲ ਨਹੀਂ ਕਰੇਗਾ।
