19.28C Vancouver 19.28C VancouverNov 15, 2023 7:08 PM - The Canadian Press
ਕੈਨੇਡਾ ਵਿੱਚ ਅਗਲੇ ਇਲੈਕਸ਼ਨ ਤੋਂ ਪਹਿਲਾਂ ਟਰੂਡੋ ਸਰਕਾਰ ਖਿਲਾਫ਼ ਲੋਕਾਂ ਵਿੱਚ ਭਾਰੀ ਅਸੰਤੁਸ਼ਟੀ ਪਾਈ ਜਾ ਰਹੀ ਹੈ।
ਇੱਕ ਨਵੇਂ ਸਰਵੇ ਅਨੁਸਾਰ ਲਗਭਗ ਤਿੰਨ ਵਿੱਚੋਂ ਦੋ ਕੈਨੇਡੀਅਨਜ਼ ਦਾ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਬਾਰੇ ਨਕਾਰਾਤਮਕ ਪ੍ਰਭਾਵ ਹੈ ਅਤੇ ਅੱਧੇ ਚਾਹੁੰਦੇ ਹਨ ਕਿ ਉਹ ਅਗਲੀਆਂ ਇਲੈਕਸ਼ਨ ਤੋਂ ਪਹਿਲਾਂ ਅਸਤੀਫ਼ਾ ਦੇ ਦੇਣ।
ਲੈਜਰ ਦੇ ਸਰਵੇ ਮੁਤਾਬਕ, ਰਿਹਾਇਸ਼ ਦੀ ਸਮਰੱਥਾ ਅਤੇ ਮਹਿੰਗਾਈ ਤੋਂ ਲੈ ਕੇ ਹੈਲਥ ਕੇਅਰ, ਸਰਕਾਰੀ ਖਰਚ ਅਤੇ ਕਲਾਈਮੇਟ ਚੇਂਜ ਤੱਕ ਹਰ ਚੀਜ਼ 'ਤੇ ਲਿਬਰਲ ਸਰਕਾਰ ਖਿਲਾਫ ਲੋਕਾਂ ਵਿੱਚ ਭਾਰੀ ਅਸੰਤੁਸ਼ਟੀ ਹੈ।
ਸਰਵੇ ਕੀਤੇ ਗਏ ਲੋਕਾਂ ਵਿੱਚ ਪੰਜ ਵਿੱਚੋਂ ਇੱਕ ਦਾ ਕਹਿਣਾ ਸੀ ਕਿ ਉਹ ਟਰੂਡੋ ਤੋਂ ਪੂਰੀ ਤਰ੍ਹਾਂ ਅੱਕ ਚੁੱਕੇ ਹਨ।
ਲੈਜਰ ਨੇ ਇਹ ਸਰਵੇ ਪਿਛਲੇ ਹਫ਼ਤੇ ਦੇ ਤਿੰਨ ਦਿਨਾਂ ਦੌਰਾਨ ਔਨਲਾਈਨ ਕੀਤਾ ਜਿਸ ਵਿੱਚ 1,612 ਲੋਕ ਸ਼ਾਮਲ ਹੋਏ।ਨੈਸ਼ਨਲ ਪੱਧਰ 'ਤੇ ਸਿਰਫ਼ 30 ਫੀਸਦੀ ਲੋਕਾਂ ਨੇ ਕਿਹਾ ਕਿ ਉਹ ਟਰੂਡੋ ਸਰਕਾਰ ਤੋਂ ਸੰਤੁਸ਼ਟ ਹਨ ਜਦੋਂ ਕਿ 63 ਫੀਸਦੀ ਨੇ ਅਸੰਤੁਸ਼ਟੀ ਜ਼ਾਹਰ ਕੀਤੀ।
ਉਥੇ ਹੀ, ਬਿਹਤਰ ਪ੍ਰਧਾਨ ਮੰਤਰੀ ਦੇ ਸਵਾਲ 'ਤੇ 27 ਫੀਸਦੀ ਲੋਕਾਂ ਨੇ ਪੋਲੀਐਵ ਲਈ ਅਤੇ 17 ਫੀਸਦੀ ਨੇ ਟਰੂਡੋ ਦਾ ਸਮਰਥਨ ਕੀਤਾ।
ਸਰਵੇ ਵਿੱਚ ਸ਼ਾਮਲ ਲੋਕਾਂ ਵਿੱਚੋਂ ਅੱਧੇ ਤੋਂ ਵੱਧ ਨੇ ਟਰੂਡੋ ਸਰਕਾਰ ਵੱਲੋਂ ਚੀਨ ਅਤੇ ਭਾਰਤ ਨਾਲ ਕੈਨੇਡਾ ਦੇ ਰਿਸ਼ਤਿਆਂ ਨੂੰ ਹੈਂਡਲ ਕਰਨ ਦੇ ਤਰੀਕਿਆਂ ਨੂੰ ਲੈ ਕੇ ਨਾਰਾਜ਼ਗੀ ਜਤਾਈ।
ਦੋ ਤਿਹਾਈ ਨੇ ਕਿਹਾ ਕਿ ਉਨ੍ਹਾਂ ਨੂੰ ਨਹੀਂ ਲੱਗਦਾ ਕਿ ਟਰੂਡੋ ਕੋਲ ਭਵਿੱਖ ਲਈ ਕੋਈ ਸਪੱਸ਼ਟ ਵਿਜ਼ਨ ਹੈ।
