ਲੈਥਬ੍ਰਿਜ ਪੁਲਿਸ ਵੱਲੋਂ ਹਿਟ-ਐਂਡ-ਰਨ ਮਾਮਲੇ ‘ਚ ਸ਼ੱਕੀ ਡਰਾਈਵਰ ਦੀ ਕੀਤੀ ਜਾ ਰਹੀ ਭਾਲ

ਲੈਥਬ੍ਰਿਜ ਪੁਲਿਸ ਵੱਲੋਂ ਇੱਕ ਹਿਟ-ਐਂਡ-ਰਨ ਮਾਮਲੇ ‘ਚ ਸ਼ੱਕੀ ਡਰਾਈਵਰ ਦੀ ਭਾਲ ਕੀਤੀ ਜਾ ਰਹੀ ਹੈ। ਪੁਲਿਸ ਨੇ ਸ਼ੱਕੀ ਦੀ ਪਹਿਚਾਣ ਲਈ ਜਨਤਾ ਤੋਂ ਮਦਦ ਦੀ ਮੰਗ ਕੀਤੀ ਹੈ।

ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਘਟਨਾ 24 ਮਾਰਚ ਨੂੰ ਦੁਪਹਿਰ 3 ਤੋਂ 4 ਵਜੇ ਦੇ ਵਿਚਕਾਰ 18 ਸਟ੍ਰੀਟ ਨੌਰਥ ਦੇ 900 ਬਲਾਕ ਵਿੱਚ ਵਾਪਰੀ। ਇਸ ਘਟਨਾ ਦੌਰਾਨ ਇੱਕ ਖੜ੍ਹੀ ਹੋਈ ਵ੍ਹਾਈਟ ਐਸ.ਯੂ.ਵੀ. ਨੂੰ ਇੱਕ ਵਾਹਨ ਨੇ ਟੱਕਰ ਮਾਰੀ ਅਤੇ ਮੌਕੇ ਤੋਂ ਫਰਾਰ ਹੋ ਗਿਆ। ਇਸ ਹਾਦਸੇ ‘ਚ ਐਸ.ਯੂ.ਵੀ. ਨੂੰ ਕਾਫੀ ਨੁਕਸਾਨ ਪਹੁੰਚਿਆ।

ਜਾਂਚ ਦੌਰਾਨ ਮੌਕੇ ‘ਤੇ ਮਿਲੇ ਮਲਬੇ ਦੇ ਆਧਾਰ ‘ਤੇ ਵਾਹਨ ਦੀ ਪਛਾਣ 2010 ਮਾਡਲ ਮਿਤਸੁਬੀਸ਼ੀ ਆਊਟਲੈਂਡਰ ਵਜੋਂ ਕੀਤੀ ਗਈ ਹੈ। ਅਧਿਕਾਰੀਆਂ ਨੇ ਇਸ ਮਾਮਲੇ ਬਾਰੇ ਜਾਣਕਾਰੀ ਰੱਖਣ ਵਾਲਿਆਂ ਨੂੰ 403-328-4444 ‘ਤੇ ਪੁਲਿਸ ਨਾਲ ਸੰਪਰਕ ਕਰਨ ਲਈ ਕਿਹਾ ਗਿਆ ਹੈ।