15.83C Vancouver 15.83C VancouverSep 28, 2021 7:35 PM -
ਬੀ.ਸੀ. ਦੇ ਪੀਸ ਰਿਵਰ ਨੌਰਥ ਦੇ ਇਲਾਕੇ 'ਚ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ।
ਕਥਿਤ ਤੌਰ 'ਤੇ ਕੋਈ ਵਿਅਕਤੀ ਖੁਦ ਨੂੰ ਲਿਬਰਲ ਐਮ.ਐਲ.ਏ. ਦੱਸ ਕੇ ਇੱਕ ਝੂਠੀ ਚਿੱਠੀ ਸਰਕੂਲੇਟ ਕਰ ਰਿਹਾ ਸੀ।
ਇਸ ਚਿੱਠੀ 'ਚ ਲੋਕਾਂ ਨੂੰ ਵੈਕਸੀਨ ਨਾ ਹਾਸਿਲ ਕਰਨ ਦੀ ਸਲਾਹ ਦਿੱਤੀ ਜਾ ਰਹੀ ਸੀ।
ਇਲਾਕੇ ਦੇ ਅਸਲ ਐਮ.ਐਲ.ਏ. ਡੈਨ ਡੇਵੀਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਬਾਰੇ ਇੱਕ ਲੋਕਲ ਡਾਕਟਰ ਨੇ ਜਾਣਕਾਰੀ ਦਿੱਤੀ ਅਤੇ ਪਤਾ ਲੱਗਣ 'ਤੇ ਉਹ ਦੰਗ ਰਹਿ ਗਏ ਸਨ।
ਡਾਕਟਰ ਦਾ ਕਹਿਣਾ ਸੀ ਕਿ ਇਹ ਚਿੱਠੀ ਉਸ ਤਕ ਵੀ ਪਹੁੰਚੀ ਸੀ।
ਡੈਨ ਡੇਵੀਸ ਨੇ ਕਿਹਾ ਕਿ ਵੈਕਸੀਨ ਪ੍ਰਤੀ ਹਿਚਕਿਚਾਹਟ ਪਹਿਲਾਂ ਹੀ ਇੱਕ ਸਮੱਸਿਆ ਬਣੀ ਹੋਈ ਹੈ।
ਉਨ੍ਹਾਂ ਕਿਹਾ ਕਿ ਹੈਲਥ ਕੇਅਰ ਵਰਕਰਾਂ ਨੂੰ ਵੀ ਵਧੇਰੇ ਅਨਵੈਕਸੀਨੇਟਿਡ ਲੋਕਾਂ ਕਾਰਨ ਹਸਪਤਾਲਾਂ 'ਚ ਦਬਾਅ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਡੇਵੀਸ ਨੇ ਇਸ ਚਿੱਠੀ ਦੀ ਆਲੋਚਨਾ ਕੀਤੀ ਅਤੇ ਇਸ ਨੂੰ ਬੇਵਕੂਫੀ ਭਰੀ ਹਰਕਤ ਦੱਸਿਆ।
ਉਨ੍ਹਾਂ ਕਿਹਾ ਕਿ ਉਹ ਆਪਣੇ ਦੋਸਤਾਂ ਅਤੇ ਇਲਾਕੇ ਦੇ ਲੋਕਾਂ ਨੂੰ ਵੈਕਸੀਨ ਹਾਸਿਲ ਕਰਨ ਲਈ ਉਤਸ਼ਾਹਿਤ ਕਰਦੇ ਰਹੇ ਹਨ।
