13.33C Vancouver 13.33C VancouverFeb 1, 2024 7:07 PM - Connect News
ਲਿਬਰਲ ਸਰਕਾਰ ਨੇ ਮੈਡੀਕਲ ਅੱਸੀਸਟੈਂਸ ਇਨ ਡਾਇੰਗ ਪ੍ਰੋਗਰਾਮ ਨੂੰ 2027 ਤੱਕ ਉਨ੍ਹਾਂ ਲੋਕਾਂ ਲਈ delay ਕਰ ਦਿੱਤਾ ਹੈ, ਜਿਨ੍ਹਾਂ ਦਾ ਇਕਮਾਤਰ ਰੋਗ ਮਾਨਸਿਕ ਬਿਮਾਰੀ ਹੈ।
ਸਿਹਤ ਮੰਤਰੀ ਮਾਰਕ ਹੌਲੈਂਡ ਨੇ ਅੱਜ ਸਵੇਰੇ ਹਾਊਸ ਔਫ ਕੌਮਨਸ ਵਿਚ ਇਸ ਸਬੰਧੀ ਬਿੱਲ ਪੇਸ਼ ਕੀਤਾ।
ਹੌਲੈਂਡ ਨੇ ਕਿਹਾ ਕਿ ਇਸ ਨਾਲ ਪਾਰਲੀਮੈਂਟਰੀ ਕਮੇਟੀ ਨੂੰ ਇਹ ਪਤਾ ਲਗਾਉਣ ਲਈ ਦੋ ਸਾਲ ਦਾ ਹੋਰ ਸਮਾਂ ਮਿਲੇਗਾ ਕਿ ਸਾਡਾ ਹੈਲਥ ਸਿਸਟਮ ਇਸ ਲਈ ਤਿਆਰ ਹੈ ਜਾਂ ਨਹੀਂ।
ਹੌਲੈਂਡ ਅਤੇ ਜਸਟਿਸ ਮਨਿਸਟਰ ਆਰਿਫ਼ ਵੀਰਾਨੀ ਨੇ ਕਿਹਾ ਕਿ ਉਹ ਪਾਰਲੀਮੈਂਟਰੀ ਕਮੇਟੀ ਦੀ ਹਾਲ ਹੀ ਦੀ ਰਿਪੋਰਟ ਨਾਲ ਸਹਿਮਤ ਹਨ ਕਿ ਕੈਨੇਡਾ ਦੇ ਮੈਡੀਕਲ ਮਾਹਰ ਅਜੇ ਇਸ ਲਈ ਤਿਆਰ ਨਹੀਂ।
ਮਾਨਸਿਕ ਬਿਮਾਰ ਲੋਕਾਂ ਲਈ ਮੈਡੀਕਲ ਅੱਸੀਸਟੈਂਸ ਇਨ ਡਾਇੰਗ ਪ੍ਰੋਗਰਾਮ ਦੇ ਲਾਗੂ ਹੋਣ ਦੀ ਮੌਜੂਦਾ ਸਮਾਂ-ਸੀਮਾ 17 ਮਾਰਚ ਸੀ ਜੋ ਹੁਣ ਮਾਰਚ 2027 ਤੱਕ ਮੁਲਤਵੀ ਕਰ ਦਿੱਤੀ ਗਈ ਹੈ।
ਦੱਸ ਦੇਈਏ ਕਿ ਸਰਕਾਰ ਨੇ ਇਸ ਪ੍ਰੋਗਰਾਮ ਦੇ ਵਿਸਥਾਰ ਸਬੰਧੀ ਪਿਛਲੇ ਸਾਲ 15 ਐਮ.ਪੀ. ਅਤੇ ਸੈਨੇਟਰ ਦੀ ਇੱਕ ਵਿਸ਼ੇਸ਼ ਕਮੇਟੀ ਬਣਾਈ ਸੀ, ਜਿਸ ਨੇ ਦਰਜਨਾਂ ਗਵਾਹਾਂ ਤੋਂ ਸੁਣਨ ਤੋਂ ਬਾਅਦ ਲੰਘੇ ਸੋਮਵਾਰ ਨੂੰ ਰਿਪੋਰਟ ਜਾਰੀ ਕੀਤੀ ਅਤੇ ਸਿੱਟਾ ਕੱਢਿਆ ਕਿ ਇਸ ਨੂੰ ਮੌਜੂਦਾ ਸਮੇਂ ਮਾਨਸਿਕ ਸਿਹਤ ਤੋਂ ਪੀੜਤ ਲੋਕਾਂ ਲਈ ਲਾਗੂ ਕਰਨਾ ਠੀਕ ਨਹੀਂ ਹੋਵੇਗਾ।
ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਇਸ ਵਿਸਥਾਰ ਦੇ ਵਿਰੋਧ ਵਿਚ ਹਨ, ਉਨ੍ਹਾਂ ਦਾ ਕਹਿਣਾ ਹੈ ਕਿ ਮਾਨਸਿਕ ਸਿਹਤ ਪੀੜਤਾਂ ਨੂੰ ਮਦਦ 'ਤੇ ਦੇਖਭਾਲ ਦੀ ਲੋੜ ਹੈ ਨਾ ਕਿ ਮੌਤ ਦੀ।
