9.24C Vancouver 9.24C VancouverMar 28, 2022 7:30 PM - The Canadian Press
ਲਿਬਰਲ ਸਰਕਾਰ ਨੇ ਐਲਾਨ ਕਰ ਦਿੱਤਾ ਹੈ ਕਿ ਦੇਸ਼ ਵੱਲੋਂ 88 ਐਫ-35 ਫਾਈਟਰ ਜੈਟਸ ਹਾਸਿਲ ਕੀਤੇ ਜਾ ਰਹੇ ਹਨ।
ਇਸ ਸੰਬੰਧੀ ਫਾਈਨਲ ਨੈਗੋਸ਼ੀਏਸ਼ਨਸ ਸ਼ੁਰੂ ਹੋ ਗਈਆਂ ਹਨ।
ਪ੍ਰੋਕਿਓਰਮੈਂਟ ਮੰਤਰੀ ਫਿਲੋਮੇਨਾ ਟਾਸੀ ਅਤੇ ਰੱਖਿਆ ਮੰਤਰੀ ਅਨੀਤਾ ਅਨੰਦ ਨੇ ਇਸ ਸੰਬੰਧੀ ਜਾਣਕਾਰੀ ਦਿੱਤੀ ਹੈ।
ਫਾਈਟਰ ਜੈਟਸ ਦੀ ਇਹ ਖਰੀਦ ਲੌਕਹੀਡ ਮਾਰਟਿਨ ਤੋਂ ਕੀਤੀ ਜਾਵੇਗੀ।
ਸਟੀਫਨ ਹਾਰਪਰ ਦੀ ਕੰਜ਼ਰਵੇਟਿਵ ਸਰਕਾਰ ਨੇ ਸਾਲ 2010 'ਚ 65 ਐਫ-35 ਜੈਟਸ ਖਰੀਦਣ ਦਾ ਵਾਅਦਾ ਕੀਤਾ ਸੀ।
ਇਸ ਤੋਂ ਬਾਅਦ ਕੀਮਤਾਂ ਅਤੇ ਕੇਪੇਬਿਲਿਟੀ ਨੂੰ ਲੈਕੇ ਉੱਠੇ ਸਵਾਲਾਂ ਕਾਰਨ ਇਸ 'ਤੇ ਅੱਗੇ ਨਹੀਂ ਵਧਿਆ ਜਾ ਸਕਿਆ ਸੀ।
ਅੱਜ ਦੇ ਐਲਾਨ ਬਾਰੇ ਵੀ ਦੱਸਿਆ ਗਿਆ ਕਿ ਇਹ 'ਡੰਨ ਡੀਲ' ਨਹੀਂ ਹੈ।
ਸਰਕਾਰ ਕੋਲ ਹੁਣ ਵੀ ਆਪਸ਼ਨ ਹੈ ਕਿ 'ਸਾਬ' ਦੇ ਨਾਲ ਉਸ ਦੇ ਫਾਈਟਰ ਜੈਟਸ 'ਤੇ ਚਰਚਾ ਕੀਤੀ ਜਾ ਸਕਦੀ ਹੈ।
ਹਾਲਾਂਕਿ ਅਜਿਹਾ ਉਸ ਵੇਲੇ ਹੋਵੇਗਾ ਜੇਕਰ ਲੌਕਹੀਡ ਮਾਰਟਿਨ ਨਾਲ ਨੈਗੋਸ਼ੀਏਸ਼ਨਸ 'ਚ ਅੜਿੱਕਾ ਪੈਂਦਾ ਹੈ।
ਖਰੀਦਦਾਰੀ ਲਈ $19 ਬਿਲੀਅਨ ਦਾ ਖਰਚਾ ਆਉਣ ਦੀ ਗੱਲ ਆਖੀ ਗਈ ਹੈ।
ਸਰਕਾਰ ਨੂੰ ਆਸ ਹੈ ਕਿ ਇਸ ਸੰਬੰਧੀ ਫਾਈਨਲ ਕੰਟਰੈਕਟ ਇਸ ਸਾਲ ਦੇ ਅੰਤ ਤਕ ਤਿਆਰ ਹੋ ਜਾਵੇਗਾ ਅਤੇ ਦੇਸ਼ 'ਚ ਪਹਿਲਾ ਏਅਰਕਰਾਫਟ 2025 ਤਕ ਪਹੁੰਚ ਸਕਦਾ ਹੈ।
ਹਾਲਾਂਕਿ ਫਾਈਟਰ ਜੈਟਸ ਦੀ ਪੂਰੀ ਗਿਣਤੀ ਦੇਸ਼ ਨੂੰ ਸਾਲ 2032 ਤਕ ਹਾਸਿਲ ਹੋ ਸਕਦੀ ਹੈ।
