17.47C Vancouver 17.47C VancouverFeb 18, 2021 8:15 PM -
ਟਰੂਡੋ ਸਰਕਾਰ ਨੇ ਇੱਕ ਕਨੂੰਨ ਪੇਸ਼ ਕੀਤਾ ਹੈ ਜਿਸ ਨਾਲ ਕੁਝ ਖਾਸ ਪ੍ਰਕਾਰ ਦੇ ਡਰੱਗ ਸੰਬੰਧੀ ਅਪਰਾਧਾਂ 'ਚ ਘਟੋ-ਘੱਟ ਹੋਣ ਵਾਲੀ ਸਜ਼ਾ 'ਚ ਤਬਦੀਲੀ ਕੀਤੀ ਜਾਵੇਗੀ।
ਦੱਸਿਆ ਗਿਆ ਕਿ ਮੌਜੂਦਾ ਸਜ਼ਾਵਾਂ ਨਾਲ ਅਪਰਾਧ 'ਤੇ ਅਸਰ ਨਹੀਂ ਪੈਂਦਾ ਅਤੇ ਇੰਡੀਜਨਸ ਅਤੇ ਸਿਆਹ ਰੰਗ ਦੇ ਲੋਕਾਂ 'ਤੇ ਗਲਤ ਤਰੀਕੇ ਨਾਲ ਪ੍ਰਭਾਵ ਪੈਂਦਾ ਹੈ, ਜਿਸ ਨਾਲ ਸਿਸਟਮਿਕ ਨਸਲਵਾਦ ਵਧਦਾ ਹੈ।
ਅੱਜ ਪੇਸ਼ ਕੀਤੇ ਗਏ ਬਿੱਲ ਆਸਰੇ ਕੰਡੀਸ਼ਨਲ ਸਜ਼ਾਵਾਂ ਦੀ ਵਧੇਰੇ ਵਰਤੋਂ 'ਤੇ ਜ਼ੋਰ ਦਿੱਤਾ ਗਿਆ ਹੈ।
ਇਸ 'ਚ ਹਾਊਸ ਅਰੈਸਟ, ਕਾਊਂਸਲਿੰਗ ਜਾਂ ਟ੍ਰੀਟਮੈਂਟ ਜਿਹੀਆਂ ਸਜ਼ਾਵਾਂ ਸ਼ਾਮਿਲ ਹੋਣਗੀਆਂ।
ਅਜਿਹਾ ਉਨ੍ਹਾਂ ਲੋਕਾਂ ਲਈ ਹੋਵੇਗਾ ਜੋ ਕਿ ਪਬਲਿਕ ਸੇਫਟੀ ਲਈ ਵੱਡਾ ਖਤਰਾ ਨਹੀਂ ਜਾਪਣਗੇ।
ਜਸਟਿਸ ਮੰਤਰੀ ਡੇਵਿਡ ਲਾਮੇਟੀ ਨੇ ਕਿਹਾ ਕਿ ਗੰਭੀਰ ਅਪਰਾਧ ਕਰਨ ਵਾਲੇ ਲੋਕ ਸਜ਼ਾ ਦੇ ਹੱਕਦਾਰ ਹਨ ਅਤੇ ਉਨ੍ਹਾਂ ਨੂੰ ਕਮਿਊਨਿਟੀ ਤੋਂ ਦੂਰ ਰੱਖਣ ਦੀ ਲੋੜ ਹੈ।
ਪਰ ਉਨ੍ਹਾਂ ਕਿਹਾ ਕਿ ਘੱਟ ਖਤਰੇ ਵਾਲੇ ਲੋਕ ਅਤੇ ਕਈ ਪਹਿਲੀ ਵਾਰ ਅਪਰਾਧ ਕਰਨ ਵਾਲੇ ਲੋਕ, ਜਿਸ 'ਚ ਕਈ ਵਾਰ ਵੱਡੀ ਗਿਣਤੀ 'ਚ ਇੰਡੀਜਨਸ ਅਤੇ ਸਿਆਹ ਰੰਗ ਦੇ ਲੋਕ ਨਿਸ਼ਾਨਾ ਬਣ ਜਾਂਦੇ ਹਨ, ਉਨ੍ਹਾਂ ਲਈ ਹੋਰ ਨੀਤੀਆਂ ਲਿਆਉਣ ਦੀ ਲੋੜ ਹੈ।
ਪਬਲਿਕ ਸੇਫਟੀ ਮੰਤਰੀ ਬਿਲ ਬਲੇਅਰ ਨੇ ਕਿਹਾ ਕਿ ਉਹ ਇਹਨਾਂ ਨਵੇਂ ਕਦਮਾਂ ਦਾ ਸਹਿਯੋਗ ਕਰਦੇ ਹਨ।
ਉਨ੍ਹਾਂ ਕਿਹਾ ਕਿ ਸਮਾਂ ਆ ਗਿਆ ਹੈ ਕਿ ਅਪਰਾਧਾਂ 'ਤੇ ਸਖਤ ਹੋਣ ਦੀ ਜਗ੍ਹਾ ਇਹਨਾਂ ਪ੍ਰਤੀ ਹੁਸ਼ਿਆਰ ਬਣਿਆ ਜਾਵੇ।
