11.25C Vancouver 11.25C VancouverMay 22, 2020 8:31 PM -
ਕਿਊਬੈਕ 'ਚ ਐਲਾਨ ਕੀਤਾ ਗਿਆ ਹੈ ਕਿ ਸੂਬੇ 'ਚ ਲਾਇਬ੍ਰੇਰੀਆਂ, ਮਿਊਜ਼ੀਅਮ ਅਤੇ ਡ੍ਰਾਈਵ-ਇਨ ਮੂਵੀ ਥੀਏਟਰ, 29 ਮਈ ਤੋਂ ਖੁੱਲ੍ਹ ਸਕਦੇ ਹਨ।
ਕਲਚਰ ਮੰਤਰੀ ਨੈਥਲੀ ਰੌਏ ਨੇ ਇਹ ਜਾਣਕਾਰੀ ਸਾਂਝੀ ਕੀਤੀ।
ਉਨ੍ਹਾਂ ਦੱਸਿਆ ਕਿ ਲਾਇਬ੍ਰੇਰੀਆਂ 'ਚ ਕਿਤਾਬਾਂ ਅਤੇ ਡੌਕੀਊਮੈਂਟ ਪ੍ਰਦਾਨ ਕਰਨ ਦੀ ਸੇਵਾ ਹੀ ਉਪਲੱਬਧ ਹੋਵੇਗੀ।
ਸ਼ੁਰੂਆਤੀ ਦੌਰ 'ਚ ਇਸ ਤੋਂ ਵੱਧ ਸੇਵਾਵਾਂ ਨਹੀਂ ਦਿੱਤੀਆਂ ਜਾਣਗੀਆਂ।
ਉਨ੍ਹਾਂ ਕਿਹਾ ਕਿ ਪਹਿਲੀ ਜੂਨ ਤੋਂ ਰਿਕਾਰਡਿੰਗ ਸਟੂਡੀਓ ਵੀ ਦੁਬਾਰਾ ਖੁੱਲ੍ਹ ਸਕਦੇ ਹਨ, ਅਤੇ ਇੰਡੋਰ ਸ਼ੋਅ ਰਿਕਾਰਡ ਕੀਤੇ ਜਾ ਸਕਣਗੇ, ਪਰ ਇਸ ਦੌਰਾਨ ਕੋਈ ਦਰਸ਼ਕ ਨਹੀਂ ਹੋਣੇ ਚਾਹੀਦੇ। ਕਿਊਬੈਕ 'ਚ ਕੋਰੋਨਾ ਵਾਇਰਸ ਨਾਲ ਪੀੜਤ ਲੋਕਾਂ ਦੀ ਗਿਣਤੀ 46,141 ਤੱਕ ਪਹੁੰਚ ਗਈ ਹੈ।
ਸੂਬੇ 'ਚ 65 ਹੋਰ ਵਾਇਰਸ ਪੀੜਤਾਂ ਦੇ ਦਮ ਤੋੜਨ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ, ਜਿਸ ਦੇ ਨਾਲ ਸੂਬੇ 'ਚ ਜਾਨ ਗਵਾਉਣ ਵਾਲੇ ਵਾਇਰਸ ਪੀੜਤਾਂ ਦੀ ਗਿਣਤੀ 3,865 ਹੋ ਗਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ 646 ਨਵੇਂ ਮਾਮਲੇ ਸਾਹਮਣੇ ਆਏ ਦੱਸੇ ਗਏ ਹਨ।
ਸੂਬੇ ਦੇ 13,819 ਵਾਇਰਸ ਪੀੜਤ ਰਿਕਵਰ ਕਰ ਚੁੱਕੇ ਹਨ।
ਡਿਪਟੀ ਪ੍ਰੀਮਿਅਰ ਜੈਨੇਵੀਏਵ ਗਿਬੌਲਟ ਨੇ ਇਹ ਜਾਣਕਾਰੀ ਸਾਂਝੀ ਕੀਤੀ।
