16.06C Vancouver 16.06C VancouverJul 20, 2026 3:44 PM - Connect Newsroom - Ramandeep Kaur with files from The Canadian Press
ਬੀ.ਸੀ.ਵਿਚ ਅਸਮਾਨੀ ਬਿਜਲੀ ਕਾਰਨ ਜੰਗਲੀ ਅੱਗਾਂ ਦਾ ਘੇਰਾ ਵਧ ਗਿਆ ਹੈ, ਲੰਘੇ ਬੁੱਧਵਾਰ ਸਵੇਰ ਤੱਕ ਜਿੱਥੇ ਫਾਇਰ ਫਾਇਟਰਜ਼ ਸਿਰਫ਼ 20 ਦੇ ਕਰੀਬ ਅੱਗ ਦੀਆਂ ਘਟਨਾਵਾਂ ਦਾ ਸਾਹਮਣਾ ਕਰ ਰਹੇ ਸਨ, ਉੱਥੇ ਹੀ ਸ਼ਨੀਵਾਰ ਨੂੰ ਇੱਕ ਦਿਨ ਵਿਚ ਹੀ ਇਹ ਅੰਕੜਾ ਤੇਜ਼ੀ ਨਾਲ ਵਧ ਕੇ 100 ਤੋਂ ਪਾਰ ਹੋ ਗਿਆ, ਬੀ.ਸੀ.ਵਾਈਲਡ ਫਾਇਰ ਸਰਵਿਸ ਮੁਤਾਬਕ, ਸੂਬੇ ਵਿਚ ਸੋਮਵਾਰ ਨੂੰ ਵੀ 102 ਜੰਗਲੀ ਅੱਗਾਂ ਸਰਗਰਮ ਸਨ, ਜਿਨ੍ਹਾਂ ਵਿਚੋਂ 12 ਪਿਛਲੇ 24 ਘੰਟੇ ਵਿਚ ਸਾਹਮਣੇ ਆਈਆਂ ਹਨ। ਕੁੱਲ ਅੱਗਾਂ ਵਿਚੋਂ 40 ਫੀਸਦੀ ਹਿੱਸਾ ਆਊਟ ਔਫ ਕੰਟਰੋਲ ਹੈ।
ਇਨ੍ਹਾਂ ਵਿਚੋਂ ਜ਼ਿਆਦਾਤਰ ਮਾਮਲੇ southern Interior ਖੇਤਰ ਹਨ। ਡਿਪਾਰਟਮੈਂਟ ਵਲੋਂ ਫਿਲਹਾਲ 4 ਅੱਗਾਂ ਨੂੰ ਵਾਈਲਡ ਫਾਇਰ ਔਫ ਨੋਟ ਸ਼੍ਰੇਣੀ ਵਿਚ ਰੱਖਿਆ ਗਿਆ ਹੈ, ਜਿਨ੍ਹਾਂ ਵਿਚ ਬੋਸਟਨ ਬਾਰ ਕੋਲ ਐਨਸਲੀ ਕ੍ਰੀਕ ਅਤੇ ਬਰੰਸਵਿਕ ਕ੍ਰੀਕ ਦੀਆਂ ਦੋ ਅੱਗਾਂ ਵੀ ਸ਼ਾਮਲ ਹਨ, ਜੋ ਪਿਛਲੇ ਕਈ ਦਿਨਾਂ ਤੋਂ ਸਰਗਰਮ ਹਨ। ਬੀ.ਸੀ.ਵਾਈਲਡ ਫਾਇਰ ਸਰਵਿਸ ਮੁਤਾਬਕ, ਲੇਟਸਟ 102 ਅੱਗਾਂ ਵਿਚੋਂ 80 ਆਸਾਮਨੀ ਬਿਜਲੀ ਕਾਰਨ ਲੱਗੀਆਂ ਹਨ, 14 ਦਾ ਕਾਰਨ ਮਨੁੱਖੀ ਪਾਇਆ ਗਿਆ ਹੈ ਅਤੇ 8 ਮਾਮਲਿਆਂ ਦੀ ਜਾਂਚ ਜਾਰੀ ਹੈ।
