11.35C Vancouver 11.35C VancouverJun 30, 2025 5:09 PM - The Canadian Press
ਬੀ.ਸੀ. ਦੇ ਕਿਟੀਮੈਟ ਪੋਰਟ ਤੋਂ ਕੈਨੇਡਾ ਦਾ ਪਹਿਲਾ ਐਲ.ਐਨ.ਜੀ. ਕਾਰਗੋ ਸ਼ਿਪ ਏਸ਼ੀਆ ਲਈ ਰਵਾਨਾ ਹੋ ਰਿਹਾ ਹੈ। ਪ੍ਰੀਮੀਅਰ ਡੇਵਿਡ ਈਬੀ ਨੇ ਪਿਛਲੇ ਹਫ਼ਤੇ ਹੀ ਇਸ ਦੀ ਘੋਸ਼ਣਾ ਕੀਤੀ ਸੀ।
ਈਬੀ ਦਾ ਕਹਿਣਾ ਸੀ ਕਿ ਇੱਥੋਂ ਐਲ.ਐਨ.ਜੀ. ਸ਼ਿਪਮੈਂਟ ਦੁਨੀਆ ਭਰ ਦੇ ਅੰਤਰਰਾਸ਼ਟਰੀ ਬਾਜ਼ਾਰਾਂ ਵਿਚ ਜਾਵੇਗੀ ਅਤੇ ਇਹ ਅਮਰੀਕਾ 'ਤੇ ਬ੍ਰਿਟਿਸ਼ ਕੋਲੰਬੀਆ ਅਤੇ ਕੈਨੇਡਾ ਨੂੰ ਆਰਥਿਕ ਰੂਪ ਤੋਂ ਆਜ਼ਾਗ ਬਣਾਉਣ ਦੀ ਦਿਸ਼ਾ ਵਿਚ ਵੱਡਾ ਕਦਮ ਹੋਵੇਗਾ।
ਕੈਨੇਡਾ ਤਰਲ ਕੁਦਰਤੀ ਗੈਸ ਵਿਚ ਪ੍ਰਮੁੱਖ ਖਿਡਾਰੀ ਬਣਨ ਦੀ ਤਿਆਰੀ ਵਿਚ ਹੈ। ਐਲਐਨਜੀ ਕੈਨੇਡਾ ਸਹੂਲਤ- ਕਿਟੀਮੈਟ ਦੀ ਉਦਯੋਗਿਕ ਸਾਈਟ ਵਿਚ ਹੈ, ਇਹ ਵੈਨਕੂਵਰ ਤੋਂ ਲਗਭਗ 650 ਕਿਲੋਮੀਟਰ ਉੱਤਰ-ਪੱਛਮ ਵਿਚ ਹੈ।
ਬੀ. ਸੀ. ਤੋਂ ਏਸ਼ੀਆਈ ਬਾਜ਼ਾਰਾਂ ਵਿਚ ਹਰ ਸਾਲ ਲਗਭਗ 14 ਮਿਲੀਅਨ ਟਨ ਐਲਐਨਜੀ - ਨਿਰਯਾਤ ਕਰਨ ਦੀ ਯੋਜਨਾ ਹੈ। ਪ੍ਰੀਮੀਅਰ ਮੁਤਾਬਕ, ਇਸ ਪ੍ਰਾਜੈਕਟ ਤੋਂ ਅਗਲੇ 40 ਸਾਲ ਬਿਲੀਅਨ ਡਾਲਰ ਦੀ ਆਮਦਨ ਹੋਵੇਗੀ।
