12.93C Vancouver 12.93C VancouverNov 8, 2023 8:23 PM - The Canadian Press
ਮੈਟਰੋ ਵੈਨਕੂਵਰ ਵਿੱਚ ਐਵਰੇਜ ਵਰਕਰ ਨੂੰ ਲੋੜਾਂ ਪੂਰਾ ਕਰਨ ਲਈ ਚਾਹੀਦੀ ਲਿਵਿੰਗ ਵੇਜ $25.68 ਪ੍ਰਤੀ ਘੰਟਾ 'ਤੇ ਪਹੁੰਚ ਗਈ ਹੈ, ਪਿਛਲੇ ਸਾਲ ਨਾਲੋਂ ਇਹ 6 ਫੀਸਦੀ ਦਾ ਵਾਧਾ ਹੈ।
ਲਿਵਿੰਗ ਵੇਜ ਤੋਂ ਭਾਵ ਕਿ ਕਿਸੇ ਵਿਅਕਤੀ ਨੂੰ ਭੋਜਨ, ਕਿਰਾਏ ਦੀ ਰਿਹਾਇਸ਼, ਆਵਾਜਾਈ ਅਤੇ ਚਾਇਲਡ ਕੇਅਰ ਵਰਗੀਆਂ ਜ਼ਰੂਰਤਾਂ ਦੀ ਪੂਰਤੀ ਲਈ ਉਸ ਨੂੰ ਕਿੰਨੀ ਕਮਾਈ ਦੀ ਲੋੜ ਹੈ।
ਕੈਨੇਡੀਅਨ ਸੈਂਟਰ ਫਾਰ ਪਾਲਿਸੀ ਅਲਟਰਨੇਟਿਵਜ਼ ਐਂਡ ਲਿਵਿੰਗ ਵੇਜ ਫਾਰ ਫੈਮਿਲੀਜ਼ ਨੇ ਪ੍ਰਤੀ ਘੰਟਾ ਵੇਜ ਦੀ ਗਣਨਾ ਫੁੱਲ-ਟਾਈਮ ਕੰਮ ਕਰਨ ਵਾਲੇ ਦੋ ਮਾਪਿਆਂ ਵੱਲੋਂ ਆਪਣੇ ਪਰਿਵਾਰ ਦੀ ਸਪੋਰਟ ਲਈ ਚਾਹੀਦੀ ਕਮਾਈ ਦੇ ਆਧਾਰ 'ਤੇ ਕੀਤੀ ਹੈ।
ਰਿਪੋਰਟ ਦਾ ਕਹਿਣਾ ਹੈ ਕਿ ਮੈਟਰੋ ਵੈਨਕੂਵਰ ਦੇ ਪਰਿਵਾਰਾਂ ਨੂੰ 2022 ਦੇ ਮੁਕਾਬਲੇ ਇਸ ਸਾਲ ਉਸੇ ਗੁੱਡਸ ਬਾਸਕਿੱਟ ਲਈ $4,000 ਤੋਂ ਵੱਧ ਖਰਚ ਕਰਨੇ ਪੈ ਰਹੇ ਹਨ, ਉਥੇ ਹੀ ਕਿਰਾਇਆ ਸਾਲ ਵਿੱਚ 411 ਡਾਲਰ ਵੱਧ ਚੁੱਕਾ ਹੈ, ਜਦੋਂ ਕਿ ਖਾਣ-ਪੀਣ ਦੀਆਂ ਕੀਮਤਾਂ ਪ੍ਰਤੀ ਮਹੀਨਾ $68 ਜਾਂ 6.6 ਫੀਸਦੀ ਵਧੀਆਂ ਹਨ।
