LNG Canada to Proceed with Phase 2 Expansion in B.C.

Sep 29, 2026 4:04 PM - Connect Newsroom - Ramandeep Kaur with files from The Canadian Press

ਐਲ.ਐਨ.ਜੀ. ਕੈਨੇਡਾ ਵੱਲੋਂ ਬੀ.ਸੀ. ਵਿੱਚ ਫੇਜ਼-2 ਵਿਸਥਾਰ ਨੂੰ ਹਰੀ ਝੰਡੀ

Share On

lng-canada-to-proceed-with-phase-2-expansion-in-b-c

LNG Canada to double export capacity to 28 million tonnes annually with Phase 2 expansion in B.C. (Photo: The Canadian Press)

ਬੀ.ਸੀ. ਦੇ ਕਿਟੀਮੈਟ ਵਿਖੇ ਸਥਿਤ ਦੇਸ਼ ਦੇ ਪਹਿਲੇ ਵੱਡੇ ਪੱਧਰ ਦੇ liquefied natural gas export terminal ਦੇ ਵਿਸਥਾਰ ਨੂੰ ਇਸ ਪ੍ਰੋਜੈਕਟ ਦੇ ਭਾਈਵਾਲਾਂ ਵਲੋਂ ਅਧਿਕਾਰਤ ਤੌਰ 'ਤੇ ਹਰੀ ਝੰਡੀ ਮਿਲ ਗਈ ਹੈ। ਐਨਰਜੀ ਖੇਤਰ ਦੀ ਦਿੱਗਜ ਕੰਪਨੀ Shell ਅਤੇ ਇਸ ਦੇ ਹੋਰ ਸਾਂਝੇਦਾਰਾਂ ਨੇ ਮੰਗਲਵਾਰ ਨੂੰ ਇਸ ਮਲਟੀ-ਬਿਲੀਅਨ ਡਾਲਰ ਦੇ ਮੈਗਾ-ਪ੍ਰੋਜੈਕਟ ਲਈ ਅੰਤਿਮ ਨਿਵੇਸ਼ ਨੂੰ ਮਨਜ਼ੂਰੀ ਦਿੱਤੀ, ਜਿਸ ਨਾਲ ਇਸ ਟਰਮੀਨਲ ਦੀ ਸਾਲਾਨਾ ਉਤਪਾਦਨ ਸਮਰੱਥਾ 14 ਮਿਲੀਅਨ ਟਨ ਤੋਂ ਦੁੱਗਣੀ ਕਰਕੇ 28 ਮਿਲੀਅਨ ਟਨ ਕਰਨ ਦਾ ਟੀਚਾ ਹੈ।

ਐਲ.ਐਨ.ਜੀ. ਕੈਨੇਡਾ ਕੰਪਨੀ ਦੇ CEO Chris Cooper ਅਨੁਸਾਰ, ਇਸ ਵਿਸਥਾਰ ਨਾਲ ਹਜ਼ਾਰਾਂ ਨਵੀਆਂ ਨੌਕਰੀਆਂ ਪੈਦਾ ਹੋਣੀਆਂ। ਇਹ ਕੰਪਨੀ ਗਲੋਬਲ ਊਰਜਾ ਫਰਮਾਂ ਦਾ ਸਾਂਝਾ venture ਹੈ, ਜਿਸ ਵਿਚ ਚੀਨ ਦੀ ਗੈਸ ਕੰਪਨੀ ਪੈਟਰੋਚਾਈਨਾ ਵੀ ਸ਼ਾਮਲ ਹੈ।

ਇਸ ਪਲਾਂਟ ਨੇ ਪਿਛਲੇ ਸਾਲ ਏਸ਼ੀਆਈ ਬਾਜ਼ਾਰ ਲਈ ਐਲ.ਐਨ.ਜੀ. ਦੀ ਆਪਣੀ ਪਹਿਲੀ ਖੇਪ ਭੇਜੀ ਸੀ। ਕਾਰਨੀ ਸਰਕਾਰ ਅਨੁਸਾਰ, ਫੇਜ਼-2 ਦੇ ਵਿਸਥਾਰ ਨਾਲ ਇਹ ਦੁਨੀਆ ਦਾ ਦੂਜਾ ਸਭ ਤੋਂ ਵੱਡਾ ਪਲਾਂਟ ਬਣੇਗਾ ਅਤੇ ਇਸ ਨਾਲ ਦੇਸ਼ ਦੀ ਆਰਥਿਕਤਾ ਨੂੰ ਅਰਬਾਂ ਡਾਲਰ ਦਾ ਲਾਭ ਹੋਵੇਗਾ।

ਸਰੀ ਦੇ ਸਾਬਕਾ ਪੁਲਿਸ ਚੀਫ ਨੌਰਮ ਲਿਪਿੰਸਕੀ ਨੇ ਅਦਾਲਤ ਦਾ ਦਰਵਾਜ਼ਾ ਖੜਕਾਉਂਦੇ ਹੋਏ ਉਨ੍ਹਾਂ ਨੂੰ ਅਹੁਦੇ ਤੋਂ ਹਟਾਏ ਜਾਣ ਖ਼ਿਲਾਫ਼ ਜੁਡੀਸ਼ੀਅਲ ਰੀਵਿਊ ਦੀ ਮੰਗ ਕੀਤੀ ਹੈ ਅਤੇ ਦੋਸ਼ ਲਾਇਆ ਹੈ ਕਿ ਉਨ੍ਹਾਂ ਨੂੰ ਹਟਾਉਣ ਪਿੱਛੇ ਮੇਅਰ ਬ੍ਰੈਂਡਾ ਲੌਕ ਦਾ ਸਿਆਸੀ ਦਖ਼ਲ ਮੁੱਖ ਕਾਰਨ ਸੀ। ਸੋਮਵਾਰ ਨੂੰ ਬੀ.ਸੀ. ਸੁਪਰੀਮ ਕੋਰਟ ਵਿਚ ਦਾਇਰ ਕੀਤੀ ਪਟੀਸ਼ਨ ਵਿਚ ਸਾਬਕਾ ਚੀਫ਼ ਨੇ ਕਿਹਾ ਕਿ ਬਰਖ਼ਾਸਤਗੀ ਤੋਂ ਪਹਿਲਾਂ ਉਨ੍ਹਾਂ ਨੂੰ ਕੋਈ ਨੋਟਿਸ ਨਹੀਂ ਦਿੱਤਾ ਗਿਆ ਅਤੇ ਨਾ ਹੀ ਪੱਖ ਰੱਖਣ ਦਾ ਮੌਕਾ ਮਿਲਿਆ।