ਬੀ.ਸੀ. 'ਚ ਨਸ਼ਾ ਕਰਕੇ ਲੋਡਡ ਡੰਪ ਟਰੱਕ ਚਲਾਉਣ ਵਾਲਾ ਡਰਾਈਵਰ ਚਾਰਜ

ਚਿਲੀਵੈਕ ਵਿਚ ਖਤਰਨਾਕ ਤਰੀਕੇ ਨਾਲ ਡੰਪ ਟਰੱਕ ਚਲਾਉਣ ਵਾਲੇ ਡਰਾਈਵਰ ਦਾ ਡਰਾਈਵਿੰਗ ਲਾਈਸੈਂਸ 90 ਦਿਨਾਂ ਲਈ ਰੱਦ ਕਰ ਦਿੱਤਾ ਗਿਆ ਹੈ। ਉਸ ਦਾ ਟਰੱਕ ਨੂੰ ਇਕ ਮਹੀਨੇ ਲਈ ਜ਼ਬਤ ਰਹੇਗਾ। ਔਫੀਸਰਜ਼ ਮੁਤਾਬਕ ਬੁੱਧਵਾਰ ਸਵੇਰੇ ਕਰੀਬ 9.30 ਵਜੇ ਉਨ੍ਹਾਂ ਨੂੰ ਜਾਣਕਾਰੀ ਮਿਲੀ ਸੀ ਕਿ ਚਿਲੀਵੈਕ ਦੇ ਹਾਈਵੇਅ 1 'ਤੇ ਇਕ ਟਰੱਕ ਲਾਪਰਵਾਹੀ ਨਾਲ ਚਲਾਇਆ ਜਾ ਰਿਹਾ ਸੀ।

ਜਾਂਚ ਵਿਚ ਪਤਾ ਲੱਗਾ ਕਿ ਡਰਾਈਵਰ ਨਸ਼ੇ ਵਿਚ ਸੀ। ਦੋ ਪੈਟਰੋਲ ਵਾਹਨਾਂ ਦੀ ਮਦਦ ਨਾਲ ਟਰੱਕ ਡਰਾਈਵਰ ਨੂੰ ਰੋਕਿਆ ਗਿਆ। 64 ਸਾਲਾ ਡਰਾਈਵਰ ਭਰੇ ਹੋਏ ਡੰਪ ਟਰੱਕ ਨੂੰ ਲਾਪਰਵਾਹੀ ਨਾਲ ਚਲਾਉਣ ਦੇ ਚਾਰਜਿਜ਼ ਦਾ ਸਾਹਮਣਾ ਕਰ ਰਿਹਾ ਹੈ। ਪੁਲਿਸ ਨੇ ਦੱਸਿਆ ਕਿ ਇਸ ਟਰੱਕ ਦੀ ਮਲਕੀਅਤ ਵਾਲੀ ਐਬਟਸਫੋਰਡ ਦੀ ਕੰਪਨੀ ਨੂੰ ਵਾਹਨ ਟੋਅ ਕਰਨ ਅਤੇ ਜ਼ਬਤ ਕਰਨ ਦੀ ਲਾਗਤ ਲਈ ਭੁਗਤਾਨ ਕਰਨਾ ਪਵੇਗਾ।