ਲੋਬਲਾ ਵਿਸਤਾਰ ਯੋਜਨਾ ਦੇ ਹਿੱਸੇ ਵਜੋਂ 40 ਤੋਂ ਵੱਧ ਨਵੇਂ ਸਟੋਰ ਬਣਾਉਣ ਲਈ ਤਿਆਰ

ਕੈਨੇਡੀਅਨ ਫੂਡ ਅਤੇ ਫਾਰਮੈਸੀ ਰਿਟੇਲਟਰ ਲੋਬਲਾ ਇਸ ਸਾਲ $2 ਬਿਲੀਅਨ ਦੀ ਇਨਵੈਸਟਮੈਂਟ ਅਤੇ 7,500 ਤੋਂ ਵੱਧ ਨੌਕਰੀਆਂ ਪੈਦਾ ਕਰ ਜਾ ਰਹੀ ਹੈ। ਲੋਬਲਾ ਅਤੇ ਸ਼ੌਪਰਸ ਡਰੱਗ ਮਾਰਟ ਦੀ ਮੂਲ ਕੰਪਨੀ ਨੇ ਮੰਗਲਵਾਰ ਨੂੰ ਇਸ ਦੀ ਘੋਸ਼ਣਾ ਕੀਤੀ।

ਕੰਪਨੀ ਨੇ ਕਿਹਾ ਕਿ ਉਹ ਨੈੱਟਵਰਕ ਵਿਸਥਾਰ ਯੋਜਨਾ ਤਹਿਤ ਇਸ ਇਨਵੈਸਟਮੈਂਟ ਨਾਲ 40 ਤੋਂ ਵੱਧ ਨਵੇਂ ਸਟੋਰ ਖੋਲ੍ਹੇਗੀ ਅਤੇ 700 ਤੋਂ ਜ਼ਿਆਦਾ ਸਟੋਰ ਦਾ ਨਵੀਨੀਕਰਨ ਕੀਤਾ ਜਾਵੇਗਾ।

ਲੋਬਲਾ ਦਾ ਕਹਿਣਾ ਹੈ ਕਿ ਇਸ ਸਾਲ ਕੰਪਨੀ ਦੇ ਪੂੰਜੀ ਨਿਵੇਸ਼ਾਂ ਤੋਂ ਕੈਨੇਡਾ ਵਿਚ 7,500 ਤੋਂ ਵੱਧ ਨੌਕਰੀਆਂ ਪੈਦਾ ਹੋਣ ਦੀ ਉਮੀਦ ਹੈ। ਇਸ ਸਮੇਂ ਕੰਪਨੀ ਦਾ ਕੈਨੇਡਾ ਭਰ ਵਿਚ 2,500 ਸਟੋਰ ਦਾ ਨੈੱਟਵਰਕ ਹੈ।

ਲੋਬਲਾ ਅਤੇ ਸ਼ੌਪਰਸ ਡਰੱਗ ਮਾਰਟ ਤੋਂ ਇਲਾਵਾ ਕੰਪਨੀ ਨੋ ਫਰਿਲਸ, ਰੀਅਲ ਕੈਨੇਡੀਅਨ ਸੁਪਰਸਟੋਰ ਵੀ ਚਲਾਉਂਦੀ ਹੈ।