25.78C Vancouver 25.78C VancouverJun 8, 2021 3:34 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਲੰਡਨ, ਔਂਟਾਰਿਓ ਵਿੱਚ ਹੋਇਆ ਹਮਲਾ ਜਿਸ ਵਿੱਚ ਇੱਕ ਮੁਸਲਿਮ ਪਰਿਵਾਰ ਦੇ ਚਾਰ ਮੈਂਬਰ ਮਾਰੇ ਗਏ ਹਨ ਅਤੇ ਇੱਕ ਬੱਚਾ ਹਸਪਤਾਲ ਵਿੱਚ ਜ਼ਖ਼ਮੀ ਹੈ, ਇੱਕ ਅੱਤਵਾਦੀ ਹਮਲਾ ਸੀ।
ਪੀੜਤਾਂ ਦੀ ਯਾਦ ਵਿੱਚ ਕੁਝ ਪਲ ਦਾ ਮੌਣ ਰੱਖਣ ਤੋਂ ਬਾਅਦ, ਟਰੂਡੋ ਨੇ ਹਾਊਸ ਆਫ ਕਾਮਨਜ਼ ਵਿੱਚ ਕਿਹਾ ਕਿ ਇਹ ਇੱਕ ਨਫਰਤ ਨਾਲ ਪ੍ਰੇਰਤ ਅੱਤਵਾਦੀ ਹਮਲਾ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਵਿਅਕਤੀ ਨੇ ਪਰਿਵਾਰ ਨੂੰ ਮਿੱਥਕੇ ਨਿਸ਼ਾਨਾ ਬਣਾਇਆ ਅਤੇ ਜਾਣ ਬੁੱਝਕੇ ਆਪਣਾ ਟਰੱਕ ਉਸ ਪਰਿਵਾਰ ’ਤੇ ਚੜ੍ਹਾ ਦਿੱਤਾ ਜੋ ਐਤਵਾਰ ਸ਼ਾਮ ਨੂੰ ਸੈਰ ਕਰਨ ਲਈ ਬਾਹਰ ਗਿਆ ਸੀ।
ਟਰੂਡੋ ਅਨੁਸਾਰ ਉਹ ਇਸ ਹਮਲੇ ਤੋਂ ਬਹੁਤ ਦੁਖੀ ਹਨ ਅਤੇ ਉਨ੍ਹਾਂ ਦੀ ਸਰਕਾਰ ਇਸ ਬੇਹੱਦ ਮੁਸ਼ਕਲ ਸਮੇਂ ਦੌਰਾਨ ਪੀੜਤਾਂ ਦੇ ਅਜ਼ੀਜ਼ਾਂ ਨਾਲ ਏਕਤਾ ਵਿੱਚ ਖੜੀ ਹੈ।
ਪੁਲਿਸ ਮੁਤਾਬਕ 20 ਸਾਲਾ ਨੈਥਾਨੀਲ ਵੇਲਟਮੈਨ ਪਹਿਲੇ ਦਰਜੇ ਦੇ ਕਤਲ ਦੇ ਇੱਕ ਅਤੇ ਹੱਤਿਆ ਦੀ ਕੋਸ਼ਿਸ਼ ਦੇ ਚਾਰ ਚਾਰਜਾਂ ਦਾ ਸਾਹਮਣਾ ਕਰ ਰਿਹਾ ਹੈ ਅਤੇ ਉਹ ਪੀੜਤਾਂ ਨੂੰ ਨਹੀਂ ਜਾਣਦਾ ਸੀ।
ਪੁਲਿਸ ਵਲੋਂ ਪੀੜਤਾਂ ਦੇ ਨਾਂ ਜਨਤਕ ਨਹੀਂ ਕੀਤੇ ਗਏ ਹਨ ਪਰ ਪਰਿਵਾਰ ਵਲੋਂ ਸਾਂਝੀ ਕੀਤੀ ਗਈ ਜਾਣਕਾਰੀ ਵਿੱਚ ਮ੍ਰਿਤਕਾਂ ਦੀ ਪਛਾਣ 46 ਸਾਲਾ ਸਲਮਾਨ ਅਫ਼ਜ਼ਾਲ, ਉਨ੍ਹਾਂ ਦੀ 44 ਸਾਲਾ ਪਤਨੀ ਮਦਿਹਾ ਸਲਮਾਨ, 15 ਸਾਲਾ ਬੇਟੀ ਯਮਨਾ ਸਲਮਾਨ ਅਤੇ ਅਫ਼ਜ਼ਾਲ ਦੀ 74 ਸਾਲਾ ਮਾਂ ਵਜੋਂ ਕੀਤੀ ਗਈ ਹੈ।
