14.67C Vancouver 14.67C VancouverMar 5, 2024 6:30 PM - The Canadian Press
ਬੀ.ਸੀ. ਦੇ ਲੰਬੇ ਸਮੇਂ ਤੋਂ ਵਾਤਾਵਰਣ ਮੰਤਰੀ ਰਹੇ ਜਾਰਜ ਹੇਮੈਨ ਨੇ ਇਸ ਵੋਟਾਂ ਵਿੱਚ ਸੂਬਾਈ ਚੋਣਾਂ ਨਾ ਲੜਨ ਦਾ ਫੈਸਲਾ ਕੀਤਾ ਹੈ। ਹੇਮੈਨ ਦਾ ਕਹਿਣਾ ਹੈ ਕਿ ਵਿਧਾਨ ਸਭਾ ਵਿੱਚ ਤਿੰਨ ਕਾਰਜਕਾਲ ਬਿਤਾਉਣ ਤੋਂ ਬਾਅਦ ਇਹ ਪਿੱਛੇ ਹਟਣ ਦਾ ਸਹੀ ਸਮਾਂ ਹੈ।
ਹੇਮੈਨ ਦਾ ਕਹਿਣਾ ਹੈ ਕਿ 2013 ਤੋਂ ਵੈਨਕੂਵਰ ਦੇ ਲੋਕਾਂ ਦੀ ਸੇਵਾ ਕਰਨਾ ਬਹੁਤ ਮਾਣ ਵਾਲੀ ਗੱਲ ਹੈ। ਹੇਮੈਨ ਮੁਤਾਬਿਕ ਉਹ ਵੈਨਕੂਵਰ ਸਿਟੀ ਦੇ ਸਾਬਕਾ ਕੌਂਸਲਰ ਐਂਡਰੀਆ ਰੀਮਰ ਦੀ ਹਮਾਇਤ ਕਰਨਗੇ ਤਾਂ ਜੋ ਉਨ੍ਹਾਂ ਨੂੰ ਐੱਨ.ਡੀ.ਪੀ. ਦੀ ਨਾਮਜ਼ਦਗੀ ਮਿਲ ਸਕੇ।
74 ਸਾਲਾ ਹੇਮੈਨ ਨੇ ਕੈਬਨਿਟ ਵਿੱਚ ਆਪਣੇ ਕਾਰਜਕਾਲ ਦੌਰਾਨ ਆਰਥਿਕ ਯੋਜਨਾ ਵਿਕਸਤ ਕਰਦੇ ਹੋਏ ਕਾਰਬਨ ਨਿਕਾਸ ਨੂੰ ਘਟਾਉਣ ਲਈ ਕਲੀਨ ਬੀ.ਸੀ. ਜਲਵਾਯੂ ਅਤੇ ਆਰਥਿਕ ਯੋਜਨਾ ਪੇਸ਼ ਕੀਤੀ।
ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਸਾਬਕਾ ਕੈਬਨਿਟ ਮੰਤਰੀ ਸੇਲੀਨਾ ਰੌਬਿਨਸਨ ਨੇ ਵੀ ਐਲਾਨ ਕੀਤਾ ਸੀ ਕਿ ਉਹ ਵੀ ਇਜ਼ਰਾਈਲ-ਹਮਾਸ ਯੁੱਧ ਬਾਰੇ ਕੀਤੀਆਂ ਟਿੱਪਣੀਆਂ ਕਾਰਨ ਮੰਤਰੀ ਮੰਡਲ ਤੋਂ ਅਸਤੀਫਾ ਦੇਣ ਤੋਂ ਬਾਅਦ ਚੋਣ ਤੋਂ ਬਾਹਰ ਰਹਿਣਗੇ।
