16.84C Vancouver 16.84C VancouverDec 22, 2021 10:36 PM - The Canadian Press
ਮੈਡਾਗਾਸਕਰ ਦੇ ਪੁਲਿਸ ਮਿਨਿਸਟਰ ਅਤੇ ਇੱਕ ਏਅਰ ਫੋਰਸ ਮਕੈਨਿਕ ਸੰਬੰਧੀ ਖਤਰਨਾਕ ਹਾਲਾਤਾਂ 'ਚ ਸਰਵਾਈਵਲ ਦੀ ਹੈਰਾਨੀਜਨਕ ਖਬਰ ਸਾਹਮਣੇ ਆਈ ਹੈ।
ਇੱਕ ਹੈਲੀਕਾਪਟਰ ਕਰੈਸ਼ ਤੋਂ ਬਾਅਦ ਦੋਵਾਂ ਨੇ ਕਰੀਬ 12 ਘੰਟੇ ਤਕ ਤਰ ਕੇ ਆਪਣੀ ਜਾਨ ਬਚਾਈ।
ਜਿਸ ਹੈਲੀਕਾਪਟਰ 'ਚ ਇਹ ਦੋਵੇਂ ਸਵਾਰ ਸਨ, ਉਸ ਦੇ ਇੰਡੀਅਨ ਓਸ਼ਨ 'ਚ ਕਰੈਸ਼ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਗੈਂਡਰਮਰੀ ਦੇ ਸੈਕ੍ਰੇਟਰੀ ਆਫ ਸਟੇਟ, ਜਨਰਲ ਸਾਰਜ ਗਾਲ ਨੂੰ ਸਮੁੰਦਰੀ ਪਾਣੀ 'ਚ ਇੱਕ ਮਛੁਆਰੇ ਨੇ ਵੇਖਿਆ ਜਿਸ ਨੇ ਆਪਣੇ ਛੋਟੀ ਕਿਸ਼ਤੀ 'ਤੇ ਉਨ੍ਹਾਂ ਨੂੰ ਕੰਢੇ ਤਕ ਪਹੁੰਚਾਇਆ।
ਦੂਜੇ ਵਿਅਕਤੀ ਦੀ ਪਛਾਣ ਚੀਫ਼ ਵਾਰੰਟ ਅਫ਼ਸਰ, ਜਿੰਮੀ ਲਾਇਤਸਾਰਾ ਵਜੋਂ ਹੋਈ ਹੈ, ਜੋ ਕਿ ਤਰ ਕੇ ਕੰਢੇ ਤਕ ਪਹੁੰਚ 'ਚ ਕਾਮਯਾਬ ਰਿਹਾ।
ਮੈਡਾਗਾਸਕਰ ਦੇ ਰੱਖਿਆ ਮੰਤਰਾਲੇ ਵੱਲੋਂ ਪੁਲਿਸ ਮਿਨਿਸਟਰ ਦੀ ਸੁਰੱਖਿਅਤ ਬਚਣ ਸੰਬੰਧੀ ਇੱਕ ਵੀਡੀਓ ਵੀ ਜਾਰੀ ਕੀਤੀ ਗਈ ਹੈ।
ਗਾਲ ਨੂੰ ਵੀਡੀਓ 'ਚ ਆਪਣੀ ਮਿਲਟਰੀ ਵਰਦੀ 'ਚ ਬੈਠੇ ਵੇਖਿਆ ਜਾ ਸਕਦਾ ਹੈ।
