22.76C Vancouver 22.76C VancouverJun 18, 2020 4:29 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਦੱਸਿਆ ਕਿ ਜਿਨ੍ਹਾਂ ਲੋਕਾਂ ਨੂੰ ਕੋਵਿਡ-19 ਦੀ ਇੰਫ਼ੈਕਸ਼ਨ ਹੋਈ ਹੋ ਸਕਦੀ ਹੈ, ਉਹਨਾਂ ਨੂੰ ਸਤਰਕ ਕਰਨ ਲਈ ਕੈਨੇਡਾ ਵਿੱਚ ਤਿਆਰ ਕੀਤੀ ਗਈ ਫੋਨ ਐਪ ਹੁਣ ਔਨਟੈਰੀਓ ਵਿੱਚ ਟੈਸਟਿੰਗ ਲਈ ਤਿਆਰ ਹੈ।
ਟਰੂਡੋ ਨੇ ਕਿਹਾ ਕਿ ਇਸ ਐਪ ਨੂੰ ਡਾਊਨਲੋਡ ਕਰਨਾ ਲਾਜ਼ਮੀ ਨਹੀਂ ਹੋਵੇਗਾ ਅਤੇ ਇਹ ਐਪ ਭੂਗੋਲਿਕ ਸਥਿਤੀ ਵਰਗੀ ਕੋਈ ਵੀ ਨਿਜੀ ਜਾਣਕਾਰੀ ਸਾਂਝੀ ਜਾਂ ਸਟੋਰ ਨਹੀਂ ਕਰੇਗੀ।
ਪਰ ਉਹਨਾਂ ਕਿਹਾ ਕਿ ਇਹ ਐਪ ਜ਼ਿਆਦਾ ਕਾਰਗਰ ਤਾਂ ਸਾਬਿਤ ਹੋਵੇਗੀ ਜੇਕਰ ਇਸਨੂੰ ਵੱਧ ਤੋਂ ਵੱਧ ਲੋਕ ਡਾਊਨਲੋਡ ਕਰਨ।
ਇਸ ਐਪ ਵਿੱਚ ਲੋਕ ਕੋਵਿਡ-19 ਦਾ ਟੈਸਟ ਪੋਜ਼ਿਟਿਵ ਆਉਣ 'ਤੇ ਇਹ ਜਾਣਕਾਰੀ ਆਪਣਾ ਨਾਂ ਦੱਸੇ ਬਿਨਾਂ ਸਾਂਝੀ ਕਰਨਗੇ, ਅਤੇ ਫਿਰ ਵੱਧ ਸਮੇਂ ਲਈ ਉਸ ਫੋਨ ਦੇ ਨਜ਼ਦੀਕ ਆਏ ਸਾਰੇ ਫੋਨਾਂ ਦੇ ਮਾਲਕਾਂ ਨੂੰ ਇੰਫ਼ੈਕਸ਼ਨ ਦੀ ਸੰਭਾਵਨਾ ਬਾਰੇ ਸਤਰਕ ਕੀਤਾ ਜਾਵੇਗਾ ।
ਐਪਲ ਅਤੇ ਗੂਗਲ ਵਰਗੇ ਫੋਨ ਨਿਰਮਾਤਾਵਾਂ ਵੱਲੋਂ, ਸੰਪਰਕ ਵਿੱਚ ਆਏ ਹੋਰ ਫੋਨਾਂ ਦੀ ਸੂਚੀ ਤਿਆਰ ਕਰਨ ਵਿੱਚ ਬਲੂਟੁਥ ਦੀ ਵਰਤੋਂ ਕਰਨ ਲਈ ਇੱਕ ਸੌਫ਼ਟਵੇਅਰ ਤਿਆਰ ਕੀਤਾ ਗਿਆ ਹੈ।
ਟਰੂਡੋ ਨੇ ਦੱਸਿਆ ਕਿ ਇਹ ਐਪ ਅਗਲੇ ਮਹੀਨੇ ਦੀ ਸ਼ੁਰੂਆਤ ਵਿੱਚ ਡਾਊਨਲੋਡ ਕੀਤੀ ਜਾ ਸਕੇਗੀ।
