ਜਾਪਾਨ ਦੇ ਦੱਖਣ-ਪੱਛਮੀ ਇਲਾਕੇ ’ਚ ਲੱਗੇ ਭੂਚਾਲ ਦੇ ਝਟਕੇ

ਜਾਪਾਨ ਦੇ ਦੱਖਣ-ਪੱਛਮੀ ਇਲਾਕੇ ਵਿਚ 6.9 ਤੀਬਰਤਾ ਦੇ ਸ਼ਕਤੀਸ਼ਾਲੀ ਭੂਚਾਲ ਦੇ ਝਟਕੇ ਲੱਗੇ ਹਨ। ਮੌਸਮ ਵਿਗਿਆਨ ਏਜੰਸੀ ਨੇ ਬਿਆਨ ਵਿਚ ਕਿਹਾ ਕਿ ਸਥਾਨਕ ਸਮੇਂ ਰਾਤ 9 ਵਜੇ ਦੇ ਕਰੀਬ ਭੂਚਾਲ ਨੇ ਦਸਤਕ ਦਿੱਤੀ, ਇਸ ਦਾ ਕੇਂਦਰ ਦੱਖਣ-ਪੱਛਮੀ ਟਾਪੂ ਕਿਊਸ਼ੂ ਦੇ ਸੂਬੇ ਮਿਆਜ਼ਾਕੀ ਵਿਚ ਸੀ, ਇਸ ਦੇ ਤੁਰੰਤ ਬਾਅਦ ਮਿਆਜ਼ਾਕੀ ਅਤੇ ਇਸ ਦੇ ਨਾਲ ਲੱਗਦੇ ਕੋਚੀ ਰੀਜ਼ਨ ਲਈ ਸੁਨਾਮੀ ਦੀ ਚਿਤਾਵਨੀ ਜਾਰੀ ਕੀਤੀ ਗਈ।

ਫਿਲਹਾਲ ਇਸ ਭੂਚਾਲ ਕਾਰਨ ਕਿਸੇ ਵੀ ਤਰ੍ਹਾਂ ਦੇ ਨੁਕਸਾਨ ਜਾਂ ਜਾਨੀ ਨੁਕਸਾਨ ਦੀ ਕੋਈ ਜਾਣਕਾਰੀ ਨਹੀਂ ਹੈ। ਪਿਛਲੇ ਸਾਲ ਨਵੰਬਰ ਮਹੀਨੇ ਦੇ ਸ਼ੁਰੂ ਵਿਚ ਵੀ ਜਾਪਾਨ ਦੇ ਉੱਤਰੀ-ਮੱਧ ਖੇਤਰ ਵਿਚ ਭੂਚਾਲ ਦੇ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ ਸਨ।

ਗੌਰਤਲਬ ਹੈ ਕਿ ਪੈਸੀਫਿਕ ਬੇਸਿਨ ਵਿਚ ਜਵਾਲਾਮੁਖੀ ਅਤੇ ਫਾਲਟ ਲਾਈਨਾਂ ਕਾਰਨ ਜਾਪਾਨ ਅਕਸਰ ਭੂਚਾਲ ਦੀ ਲਪੇਟ ਵਿਚ ਰਹਿੰਦਾ ਹੈ।