14.94C Vancouver 14.94C VancouverOct 26, 2023 6:05 PM - The Canadian Press
ਕੈਨੇਡਾ ਬਾਰਡਰ ਸਰਵਿਸੇਜ਼ ਏਜੰਸੀ ਨੇ ਕੈਨੇਡਾ-ਅਮਰੀਕਾ ਸਰਹੱਦ 'ਤੇ ਤਾਇਨਾਤ ਆਪਣੇ ਅਧਿਕਾਰੀਆਂ ਲਈ ਅਲਰਟ ਜਾਰੀ ਕੀਤਾ ਹੈ।
ਏਜੰਸੀ ਨੇ ਕਿਹਾ ਕਿ ਇੱਕ ਹਥਿਆਰਬੰਦ ਅਤੇ ਖ਼ਤਰਨਾਕ ਸ਼ੱਕੀ ਵਿਅਕਤੀ ਦੀ ਭਾਲ ਕੀਤੀ ਜਾ ਰਹੀ ਹੈ, ਜੋ ਕਿ ਅਮਰੀਕਾ ਦੇ ਸੂਬੇ ਮੇਨ ਦੇ ਲੁਈਸਟਨ ਸ਼ਹਿਰ 'ਚ 18 ਲੋਕਾਂ ਨੂੰ ਗੋਲੀ ਮਾਰਨ ਤੋਂ ਬਾਅਦ ਭੱਜਾ ਹੋਇਆ।
ਇਹ ਗੋਲੀਬਾਰੀ ਬੁੱਧਵਾਰ ਰਾਤ ਨਿਊ ਬਰੰਜ਼ਵਿਕ ਸਰਹੱਦ ਦੇ ਦੱਖਣ-ਪੱਛਮ ਵਿੱਚ 260 ਕਿਲੋਮੀਟਰ ਦੂਰ ਲੁਈਸਟਨ ਵਿੱਚ ਹੋਈ।
ਪੁਲਿਸ ਨੇ ਬੁਲੇਟਿਨ ਜਾਰੀ ਕਰਕੇ ਕਿਹਾ ਕਿ ਸ਼ੱਕੀ ਦਾ ਨਾਮ ਰੌਬਰਟ ਕਾਰਡ ਹੈ।
40 ਸਾਲ ਦਾ ਰੌਬਰਟ ਯੂ ਐੱਸ ਆਰਮੀ ਰਿਜ਼ਰਵ ਸਹੂਲਤ ਵਿੱਚ ਹਥਿਆਰਾਂ ਦੇ ਇੰਸਟ੍ਰਕਟਰ ਦੇ ਤੌਰ 'ਤੇ ਟ੍ਰੇਨਿੰਗ ਪ੍ਰਦਾਨ ਕਰਦਾ ਰਿਹਾ।
ਉਨ੍ਹਾਂ ਦਾ ਮੰਨਣਾ ਹੈ ਕਿ ਉਹ ਹਥਿਆਰਬੰਦ ਅਤੇ ਖ਼ਤਰਨਾਕ ਹੈ।
ਰੌਬਰਟ ਦੀ ਤਲਾਸ਼ ਜਾਰੀ ਹੈ।
ਦੱਖਣੀ ਮੇਨ ਦੇ ਵਸਨੀਕਾਂ ਨੂੰ ਆਪਣੇ ਦਰਵਾਜ਼ੇ ਬੰਦ ਕਰਨ ਅਤੇ ਘਰ ਦੇ ਅੰਦਰ ਰਹਿਣ ਲਈ ਕਿਹਾ ਗਿਆ।
CBSA ਦਾ ਕਹਿਣਾ ਹੈ ਕਿ ਉਹ ਕੈਨੇਡਾ ਦੀਆਂ ਸਰਹੱਦਾਂ ਨੂੰ ਕਿਸੇ ਵੀ ਖਤਰੇ ਜਾਂ ਗੈਰ-ਕਾਨੂੰਨੀ ਦਾਖਲੇ ਦੀ ਕੋਸ਼ਿਸ਼ ਤੋਂ ਬਚਾਉਣ ਲਈ ਯੂਐਸ ਕਸਟਮਜ਼ ਅਤੇ ਬਾਰਡਰ ਪ੍ਰੋਟੈਕਸ਼ਨ ਅਤੇ RCMP ਸਮੇਤ ਕੈਨੇਡੀਅਨ ਅਤੇ ਯੂਐੱਸ ਕਾਨੂੰਨ ਲਾਗੂ ਕਰਨ ਵਾਲੇ ਭਾਈਵਾਲਾਂ ਨਾਲ ਮਿਲ ਕੇ ਕੰਮ ਕਰ ਰਹੇ ਹਨ।
