ਬੀ.ਸੀ. ਕੰਜ਼ਰਵੇਟਿਵ ਨੂੰ ਵੱਡਾ ਝਟਕਾ, ਦੋ ਮਹਿਲਾ ਵਿਧਾਇਕਾਂ ਨੇ ਪਾਰਟੀ ਛੱਡੀ

ਬੀ.ਸੀ.ਕੰਜ਼ਰਵੇਟਿਵ ਦੀ ਪ੍ਰਿੰਸ ਜਾਰਜ-ਵੈਲੇਮਾਉਂਟ ਰਾਈਡਿੰਗ ਤੋਂ ਵਿਧਾਇਕ ਰੋਜ਼ਾਲਿਨ ਬਰਡ ਅਤੇ ਰਿਚਮੰਡ-ਬ੍ਰਿਜਪੋਰਟ ਤੋਂ ਵਿਧਾਇਕ ਟੈਰੇਸਾ ਵਾਟ ਨੇ ਪਾਰਟੀ ਤੋਂ ਅਸਤੀਫ਼ੇ ਦੇ ਦਿੱਤੇ ਹਨ। ਇਨ੍ਹਾਂ ਦੋਵਾਂ ਮਹਿਲਾ ਵਿਧਾਇਕਾਂ ਨੇ ਹੁਣ ਵਿਧਾਨ ਸਭਾ ਵਿਚ ਇੱਕ ਆਜ਼ਾਦ ਮੈਂਬਰ ਵਜੋਂ ਬੈਠਣ ਦਾ ਫੈਸਲਾ ਲਿਆ ਹੈ। ਕੈਰੀ-ਲਿਨ Findlay ਦੀ ਲੀਡਰਸ਼ਿਪ ਵਿਚ ਪਿਛਲੇ 12 ਦਿਨਾਂ ਅੰਦਰ ਪਾਰਟੀ ਲਈ ਇਹ ਚੌਥਾ ਵੱਡਾ ਝਟਕਾ ਹੈ। Bird ਅਤੇ Wat ਦੋਹਾਂ ਨੇ Findlay ਦੀ ਅਗਵਾਈ ਨਾਲ ਨਾਰਾਜ਼ਗੀ ਜਤਾਈ ਹੈ।

ਇਸ ਤੋਂ ਪਹਿਲਾਂ ਦੋ ਸੀਨੀਅਰ ਵਿਧਾਇਕ ਇਆਨ ਪੈਟਨ ਅਤੇ ਪੀਟਰ ਮਿਲੋਬਾਰ ਨੇ Findlay ਦੇ ਕੰਮ ਕਰਨ ਦੇ ਤਰੀਕਿਆਂ 'ਤੇ ਸਵਾਲ ਉਠਾਉਂਦੇ ਹੋਏ ਪਾਰਟੀ ਨੂੰ ਅਲਵਿਦਾ ਕਹਿ ਦਿੱਤਾ ਸੀ। ਦੱਸਣਯੋਗ ਹੈ ਕਿ 2024 ਦੀਆਂ ਚੋਣਾਂ ਵਿਚ ਪਾਰਟੀ ਨੇ ਸਾਬਕਾ ਲੀਡਰ ਜੌਨ ਰਸਟੈਡ ਦੀ ਅਗਵਾਈ ਵਿਚ 44 ਸੀਟਾਂ ਜਿੱਤੀਆਂ ਸਨ, ਜਦੋਂ ਕਿ ਲਗਾਤਾਰ ਹੋ ਰਹੇ ਅਸਤੀਫ਼ਿਆਂ ਕਾਰਨ ਇਸ ਦੇ MLAs ਦੀ ਗਿਣਤੀ ਹੁਣ ਘੱਟ ਕੇ 34 ਰਹਿ ਗਈ ਹੈ।

ਇਹ ਅੰਦਰੂਨੀ ਖਿੱਚੋਤਾਣ ਇਥੇ ਹੀ ਖ਼ਤਮ ਹੋਣ ਦੇ ਸੰਕੇਤ ਨਹੀਂ ਹਨ, ਬੀ. ਸੀ. ਕੰਜ਼ਰਵੇਟਿਵ ਦੀ 2009 ਤੋਂ 2023 ਤੱਕ ਕਮਾਨ ਸੰਭਾਲਣ ਵਾਲੇ ਸਾਬਕਾ ਲੀਡਰ ਟ੍ਰੇਵਰ ਬੋਲਿਨ ਮੁਤਾਬਕ, ਉਨ੍ਹਾਂ ਨੇ ਸੁਣਿਆ ਹੈ ਕਿ ਕੁੱਲ 8 ਤੋਂ 10 ਮੈਂਬਰ ਪਾਰਟੀ ਛੱਡ ਸਕਦੇ ਹਨ ਅਤੇ ਕਿਹਾ ਕਿ ਜੇ ਅਜਿਹਾ ਹੁੰਦਾ ਹੈ ਤਾਂ Findlay ਲਈ ਲੀਡਰ ਬਣੇ ਰਹਿਣਾ ਬਹੁਤ ਮੁਸ਼ਕਲ ਹੋਵੇਗਾ।