17.98C Vancouver 17.98C VancouverMay 5, 2021 8:37 PM -
ਮਾਲੀ ਦੇ ਸਿਹਤ ਮੰਤਰਾਲੇ ਦਾ ਕਹਿਣਾ ਹੈ ਕਿ ਇੱਕ ਔਰਤ ਨੇ 9 ਬੱਚਿਆਂ ਨੂੰ ਜਨਮ ਦਿੱਤਾ ਹੈ।
ਇਹ ਪਹਿਲਾ ਮੌਕਾ ਦੱਸਿਆ ਜਾ ਰਿਹਾ ਹੈ ਜਦ ਕਿਸੇ ਔਰਤ ਨੇ 9 ਜੀਵਤ-ਸਵਸਥ ਬੱਚਿਆਂ ਨੂੰ ਜਨਮ ਦਿੱਤਾ ਹੋਵੇ।
ਬੱਚਿਆਂ ਨੂੰ ਜਨਮ ਦੇਣ ਵਾਲੀ ਔਰਤ ਦੀ ਉਮਰ 25 ਸਾਲ ਅਤੇ ਉਸ ਦਾ ਨਾਮ ਹਲੀਮਾ ਸਿਸੇ ਦੱਸਿਆ ਜਾ ਰਿਹਾ ਹੈ।
ਮੋਰੌਕੋ ਵਿੱਚ ਇੱਕ ਸਿਜ਼ੇਰੀਅਨ ਸੈਕਸ਼ਨ ਪ੍ਰੀਕਿਰਿਆ ਤਹਿਤ ਇਹਨਾਂ ਬੱਚਿਆਂ ਦਾ ਜਨਮ ਹੋਇਆ।
ਮਾਲੀ ਦੇ ਸਿਹਤ ਮੰਤਰੀ ਨੇ ਪੁਸ਼ਟੀ ਕੀਤੀ ਕਿ ਮਾਂ ਅਤੇ ਉਸਦੀਆਂ 5 ਲੜਕੀਆਂ ਅਤੇ 4 ਲੜਕਿਆਂ ਦੀ ਸਿਹਤ ਠੀਕ ਹੈ।
ਗਿਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲ ਦਰਜ ਰਿਕਾਰਡ ਅਨੁਸਾਰ ਇੱਕੋ ਸਮੇਂ 'ਤੇ 8 ਬੱਚਿਆਂ ਨੂੰ ਜਨਮ ਦੇਣ ਦਾ ਰਿਕਾਰਡ ਦਰਜ ਸੀ।
ਉਨ੍ਹਾਂ ਕਿਹਾ ਕਿ 9 ਬੱਚਿਆਂ ਦੇ ਜਨਮ ਬਾਰੇ ਵੈਰੀਫਾਈ ਕੀਤਾ ਜਾ ਰਿਹਾ ਹੈ ਅਤੇ ਉਸੇ ਅਨੁਸਾਰ ਨਵੇਂ ਰਿਕਾਰਡ ਦਾ ਐਲਾਨ ਕੀਤਾ ਜਾਵੇਗਾ।
ਔਰਤ ਦੇ ਪਤੀ ਦਾ ਕਹਿਣਾ ਸੀ ਕਿ ਉਹ ਬੇਹੱਦ ਖੁਸ਼ ਹੈ ਕਿ ਉਸ ਦੀ ਪਤਨੀ ਅਤੇ ਬੱਚਿਆਂ ਦੀ ਸਹਿਤ ਠੀਕ ਹੈ।
