15.02C Vancouver 15.02C VancouverNov 23, 2023 7:23 PM - The Canadian Press
ਕੈਨੇਡਾ ਦੀ ਪਬਲਿਕ ਹੈਲਥ ਏਜੰਸੀ ਦਾ ਕਹਿਣਾ ਹੈ ਕਿ ਮਲੀਚੀਟਾ ਬ੍ਰਾਂਡ ਦੇ ਖਰਬੂਜ਼ਿਆਂ ਨਾਲ ਸੰਭਾਵਤ ਤੌਰ 'ਤੇ ਪੰਜ ਸੂਬਿਆਂ ਵਿੱਚ ਸਾਲਮੋਨੇਲਾ ਫੈਲਣ ਦੇ ਮਾਮਲੇ ਸਾਹਮਣੇ ਆਏ ਹਨ। ਏਜੰਸੀ ਮੁਤਾਬਕ, ਬੀਸੀ, ਓਨਟੇਰੀਓ, ਕਿਊਬੈਕ, ਪ੍ਰਿੰਸ ਐਡਵਰਡ ਆਈਲੈਂਡ ਅਤੇ ਨਿਊਫ਼ਿਨਲੈਂਡ ਅਤੇ ਲੈਬਰਾਡੋਰ ਵਿੱਚ 26 ਕੇਸਾਂ ਦੀ ਪੁਸ਼ਟੀ ਹੋਈ ਹੈ। ਛੇ ਲੋਕ ਹਸਪਤਾਲ ਵਿੱਚ ਹਨ।
ਹੈਲਥ ਏਜੰਸੀ ਨੇ ਕਿਹਾ ਕਿ ਜੇ ਕਿਸੇ ਨੂੰ ਨਹੀਂ ਪਤਾ ਕਿ ਉਨ੍ਹਾਂ ਕੋਲ ਕਿਹੜੇ ਬ੍ਰਾਂਡ ਦਾ ਖ਼ਰਬੂਜ਼ਾ ਹੈ ਤਾਂ ਬਿਨਾਂ ਦੇਰੀ ਉਸ ਨੂੰ ਸੁੱਟ ਦਿਓ।
ਗੌਰਤਲਬ ਹੈ ਕਿ ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਨੇ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਮਲੀਚੀਟਾ ਬ੍ਰਾਂਡ ਨਾਲ ਸਬੰਧਤ ਖਰਬੂਜ਼ਿਆਂ ਨੂੰ ਰੀਕਾਲ ਕੀਤਾ ਸੀ। ਇਸ ਰੀਕਾਲ ਵਿੱਚ ਕੁੱਝ ਪ੍ਰੀ-ਕੱਟ ਅਨਾਨਾਸ, ਹਨੀਡੂ ਖ਼ਰਬੂਜੇ ਅਤੇ ਤਰਬੂਜ ਵੀ ਸ਼ਾਮਲ ਸਨ। ਕੈਨੇਡੀਅਨ ਅਧਿਕਾਰੀ ਐੱਫਡੀਏ ਅਤੇ ਅਮਰੀਕਾ ਦੇ ਰੋਗ ਨਿਯੰਤਰਣ ਅਤੇ ਰੋਕਥਾਮ ਸੈਂਟਰ ਨਾਲ ਮਿਲ ਕੇ ਕੰਮ ਕਰ ਰਹੇ ਹਨ ਕਿਉਂਕਿ ਅਮਰੀਕਾ ਵਿੱਚ ਵੀ ਸਾਲਮੋਨੇਲਾ ਦੇ ਮਾਮਲੇ ਦੇਖਣ ਨੂੰ ਮਿਲੇ ਹਨ।
ਸਾਲਮੋਨੇਲਾ ਇਨਫ਼ੈਕਸ਼ਨ ਦੇ ਲੱਛਣਾ ਵਿੱਚ ਬੁਖਾਰ, ਕਾਂਬਾ ਛਿੜਨਾ, ਉਲਟੀ ਆਉਣਾ , ਦਸਤ , ਸਿਰ ਦਰਦ ਅਤੇ ਪੇਟ ਵਿੱਚ ਦਰਦ ਸ਼ਾਮਲ ਹਨ। ਬਹੁਤ ਸਾਰੇ ਲੋਕ ਲਗਭਗ ਇਕ ਹਫ਼ਤੇ ਵਿੱਚ ਠੀਕ ਹੋ ਜਾਂਦੇ ਹਨ ਪਰ ਜਿਨ੍ਹਾਂ ਦਾ ਇਮਿਊਨ ਸਿਸਟਮ ਕਮਜ਼ੋਰ ਹੈ ਜਾਂ ਜੋ ਗਰਭਵਤੀ ਹਨ ਉਨ੍ਹਾਂ ਦੇ ਇਸ ਨਾਲ ਗੰਭੀਰ ਬੀਮਾਰ ਹੋਣ ਦਾ ਰਿਸਕ ਹੈ।
